შემოგვიერთდით

ACT- კვლევისა და კონსალტინგის კომპანიამ თანამშრომლების შვილებს დიდი მხიარულება მოუწო

ACT-მ თანამშრომლების შვილებს დიდი მხიარულება მოუწო – კვლევისა და კონსალტინგის კომპანიაში ბავშვები მიიწვიეს და ულამაზესი, ფერადი დღე მოუწყეს.

ამასთან დაკავშირებით HRhub.ge – ის, HR სფეროში მთავარი საინფორმაციო-ანალიტიკურ ინტერნეტ ჟურნალის კითხვებს ეისითის აღმასრულებელი დირექტორი ქალბატონი  რუსუდან თელია პასუხობს. მას კომპანიის კორპორატიული კულტურის შესახებაც ვკითხეთ და გთავაზობთ ვრცელ ინტერვიუს.

HR hub: ქალბატონ რუსუდან საიდან გაჩნდა ეს იდეა და როგორ ჩაიარა ამ ულამაზესმა დღემ ACT-ში?

ეს არაჩვეულებრივი იდეა ყაზახეთის ერთ-ერთ კომპანიიდან წამოვიღეთ, სადაც ბავშვების დღეს წელიწადში ერთხელ აღნიშნავდნენ. ჩვენი ბავშვებისთვის  საზეიმო დღის მოწყობა ადრეც გვინდოდა, თუმცა ძველ ოფისში ამის ნაკლები შესაძლებლობა გვქონდა. ეისითის ახალი ოფისი ბევრი კარგი იდეის განხორციელების საშუალებას გვაძლევს, აქ ბევრი სხვადასხვა მულტიფუნქციური სივრცეა, სადაც უამრავი ტიპის ღონისძიების გამართვა არის შესაძლებელი. იდეები ღონისძებებთან დაკავშირებით ბევრი გვაქვს, თუმცა ბავშვების თემას პრიორიტეტი მივანიჭეთ, რადგანაც ვთვლით, რომ ეს ძალიან ემოციური და პოზიტიურია როგორც მშობლებისთვის, ასევე ნებისმიერი ადამიანისთვის. გარდა ამისა, ყველა ბავშვს აინტერესებს მშობლის სამსახური, მითუმეტეს საინტერესო იყო მათთვის ჩვენი ახალი ოფისი. ჩვენი სურვილი იყო, რომ ბავშებს ენახათ მშობლების სამუშაო სივრცე და ამასთანავე კარგად დასამახსოვრებელი საღამო გამოგვსვლოდა.  ვფიქრობ ეს ნამდვილად მოვახერხეთ. რადგანაც სხვადასხვა ასაკობრივი შვილები გვყავს კომპანიაში, ღონისძიება ისე უნდა დაგვეგეგმა, რომ ყველასთვის ერთნაირად საინტერესო ყოფილიყო. ფოტოსესიის იდეამ ყველა ასაკის შვილი გააერთიანა –

განსაკუთარებით სახალისო მშობლების სამუშაო მაგიდებთან სურათების გადაღება აღმოჩნდა. გარდა ფოტოსესიისა, თინეიჯერებისთვის გავაკეთეთ ოფისის პრეზენტაცია, პატარებისთვის კი შევადგინეთ გასართობი პროგრამა. მოვიწვიეთ წამყვანები, ჟამბაზი, ილუზიონისტი, ზღაპრის გმირები. ეისითის მულტიფუნქციურ ოთახში გავმართეთ წარმოდგენა ბავშვებისა და მშობლებისთვის. საღამომ ძალიან მხიარულად ჩაიარა. მშობლებიც დიდი ენთუზიაზმით ჩავერთეთ საბავშვო თამაშებში. ბოლოს, შუშხუნების ფონზე, საზეიმოდ გავჭერით ტორტი. ბავშებისთვის ეს დღე ნამდვილად დასამახსოვრებელი აღმოჩნდა.

HR hub: რამდენი თანამშრომელი გყავთ ACT-ში?

ეისითის საქართელოს ოფისში 63 მუდმივი თანამშრომელია, ჩვენს ასევე გვაქვს ოფისების აზერბაიჯანსა და ყაზახეთში. მათ ჯამში 30-მდე მუდმივი კადრი ყავს. თუმცა პროექტული გუნდი სამივე ქვეყნისთვის გაცილებით ბევრია – ჩვენი პროექტების განხორციელებას  ჯამში 1000 -მდე ინტერვიუერი, კოორდინატორი, ასისტენტი ემსახურება.

HR hub: უნიკალური კორპორატიული კულტურა, რომელიც გუნდში გაქვთ

არ ვიცი რამდენად უნიკალურია, თუმცა ჩვენი კულტურისთვის დამახასიათებელია მაქსიმალური გამჭვირვალობა და მნიშვნელოვან გადაწყვეტილებებში თანამშრომლების ჩართულობა. მაგალითად, ოფისი დავაგეგმარეთ  თანამშომლებთან ერთად. მთელი დღე მივუძღვენით ამ პროცესს, ფასილიტაციის ფორმატის საშუალებით ბევრი კარგი იდეის გენერირება მოვახერხეთ. მათი დიდი ნაწილი ახალ ოფისში განვახორციელეთ კიდეც.

საკუთარმა ოფისმა ნამდვილად დიდი როლი ითამაშა ჩვენი კორპორატიული კულტურის გამყარებაში. მაგალითად, შენობის საძირკვლის გათხრა აღვნიშნეთ განსაკუთარებულად – სანგრია, ფოტოსესია, ვიდეოგადაღება და საზეიმოდ საძირკვლის ჩაყრა. მშენებლობის პროცესს პერიოდულად ვიღებდით და მას მთელი ეისითის გუნდი ადევნებდა თვალყურს.

ვფიქრობ ასევე უნიკალურია ის, რომ ეისითის თანამშრომლებისთვის გვაქვს დახურული Facebook გვერდი, სადაც მათ აქვთ შესაძლებლობა გაუზიარონ ერთმანეთს მნიშნელოვანი მოვლენები, გამოხატონ თავიანთი მოსაზრებები თუ დამოკიდებულებები ერთმანეთის თუ სხვადასხვა საკითხების მიმართ.

HR hub: მოგვიყევით ACT შესახებ

ეისითი 2002 წელს დაარსდა, როგორც ანალიზისა და კონსულტაციის ჯგუფი, რომელსაც ქონდა ამბიცია, რომ ბაზრისთის შეეთავაზებინა უფრო ანალიტიკური პროდუქტები და განსაკუთარებული, კლიენტზე ორიენტირებული, სერვისები. დამფუძნებლების მხრდიან ეს განაცხადი მართლაც გაბედული ნაბიჯი იყო, რადგანაც საინვესტიციოდ გვქონდა მინიმალური ბიუჯეტი, სულ 5 პერსონალური კომპიუტერი, საკუთარი ხელით გარემონტებული 60 კვმ ოფისი და ბაზარზე არსებობდნენ მსხვილი კონკურენტები. სწორი ხედვები და ღირებულებები, არანორმალური შრომა, მომავლის რწმენა და გაბედულება იყო ის, რამაც კომპანია დღევანდელ დღემდე მოიყვანა.  დღეს ეისითის აქვს 1360 კვმ საკუთარი სათაო ოფისი, მარტო საქართველოში 10-ჯერ გაზრდილია მუდმივი თანამშრომლების რაოდენობა, 30 -ჯერ – წლიური ბრუნვა. გარდა ბიზნეს კვლევებისა, სადაც ეისითი ემსახურება ლიდერ კომპანიებს ისეთ ინდუსტრიებში, როგორიცაა ბანკები და მიკროსაფინანსო ორგანიზაცები, კომუნიკაციები, აფთიაქები, FMCG, ჰორეკა სექტორი და სხვა., ეისითი ასევე   მუშაობას მსხვილ საერთაშორისო პროექტებზე ინფრასტრუქტურის, განათლების, სოფლის მეურნეობის,  თვითმართველობის, ადამიანის უფლებების სფეროშიც. ეისითის ახალი ამბიციაა კიდევ უფრო გააფართოოს თავისი საქმიანობა საკონსულტაციო მიმართულებით და განაგრძოს საერთაშორისო განვითარება კიდევ უფრო სწარფი ნაბიჯებით, რაც ვფიქრობთ ასევე წარმატებული იქნება.

HR hub: კომპანიის ფასეულობები, ღირებულებები და თანამშრომლების მართვის უნიკალური კულტურა, რაც გუნდში გაქვთ.

კომპანიის საბაზისო ფასეულობები ყოველვის იყო პასუხისმგებლობა, სანდოობა, განვითარებაზე ორიენტაცია, სიყვარული და პატივისცემა როგორც  ერთმანეთის, ასევე კლიენტის, თუმცა ვთვლით, რომ კომპანია დღეს ახალი გამოწვევების წინაშეა და მისთვის მნიშვნელოვანია ღირებულებების გადაფასება, ახლებური თვალით დანახვა. კომპანიაში საბაზისო ღირებულებებმა ცვლილება განიცადა. ჩვენთვის ძალიან მნიშვნელოვანი გახდა კრეატულობა და ეფექტურობა, პოზიტიური განწყობა და “mind set”-ი ყველა ჩვენ ქმედებასა და ურთიერთობებში. ვთვლით, რომ ახალი ღირებულებების დამკვიდრება და გუნდის თითეული წევრისთვის მისი გააზრება ძალიან მნიშვნელოვანი პროცესია.  სწორედ ამ მიზნით, წლის დასაწყისში იგეგმება ღონისძიება, რომელიც ეისითის ღირებულებათა ხის შექმნას ეძღვნება და ცხადია, ეს პროცესი თანამშრომელთა აქტიური ჩართულობით განხორციელდება.

HR hub: თუ გაქვთ რაიმე ტრადიცია გუნდის წევრების მიღების ან გაცილების დროს ? მოგვიყევით

ამ თემაზე მუდმივად ვფიქრობთ, მიგვაჩნია, რომ ეს ძალიან მნიშნელოვანია ძლიერი კორპორატიული კულტურის ჩამოსაყალიბებლად. ახალი წევრის მიღებას და ძველი წევრის გაცილებას პირველ რიგში ჩვენი დახურული Facebook ჯგუფით ვაცნობთ ერთმანეთს. ამ გვერდზე ყველას აქვს შესაძლებლობა წარმატებები უსურვოს, როგორც ახალ, ასევე ძველ თანაშრომელს.

ახალი თანამშრომლის დახვედრისთვის შევქმენით აქტივობების გარკვეული პაკეტი. კერძოდ, მას მაგიდაზე ვახვედრებთ ეისითის ატრიბუტიკით შექმნილ ნივთებს  და ასევე ეისითის გაიდს, სადაც ძალიან სახალისო და მარტივი ენითაა მოთხრობილი ეისითის მთავარი წესები, ოფისის აღწერილობა. გარდა ამისა, შევქმენით შიდა საიტი, რომლის დახვეწაზეც ახლა ვმუშაობთ. ამ საიტის მიზანია თანაშრომლების ინფორმირება, როგორც კომპანიის მიმდინარე მოვლენებსა და ერთმანეთის მიღწევებზე, ასევე ახალი თანაშრომლის შესახებ უფრო დეტალური ინფორმაციის მიწოდება.  ამ საიტის საშუალებით, ახალ კადრს ეძლევა შესაძლებლობა სწარფად გაიცნოს გუნდის წევრები, ნახოს მათი ფოტოები.

ახალი თანამშრომლის შემთხვევაში აქტიურად ვფიქრობთ მენტორინგის როლზეც. გვქონდა ახალი თანამშრომლისთვის მენტორიც დანიშვნის მაგალითებიც და ეს გაცილებით ეფექტური აღმოჩნდა – ასეთ შემთხვევაში თანამშრომელი სწრაფად ადაფტირდა გუნდში. მნიშვენლოვან როლს ვანიჭებთ მოტივაციისა და მოლოდინების შესახებ საუბრებს. ძალიან არსებითია, რომ კადრს კარგად ესმოდეს, რას მოელიან მისგან და ეს მოხდეს არა მხოლოდ სამუშაოს აღწერილობის გადაცემით, არამედ უშუალო მენეჯერთან ღია საუბრის ფორმატით.

HR hub: როგორ აღნიშნავთ წარმატებას გუნდში?

ვერ ვიტყვი, რომ რამე განსაკუთარებული წესი გვაქვს. წარმატებას აღვნიშნავთ ტორტით და შამპანურით, სეზონურობის მიხედვით, ჩვენი თანამშრომლების მიერ მომზადებულ სანგრიას ან გლინტვეინსაც მივირთმევთ ხოლმე.

HR hub: თანამშრომლბის შერჩევისა და განვითარების რა პრაქტიკა, მიდგომები გაქვთ დანერგილი?

ჩვენ ძალიან კარგად ვაცნობიერებთ თანამშრომლის ფაქტორს კომპანიაში. თანამშრომლების შერჩევისას უპირველესია ჩვენ ღირებულებებთან მათი თავსებადობა, ის „ჩვენიანი“ უნდა გახდეს. ასევე წამყვანია მოტივაცია, ჩვენ მოტივაციას გამოცდილებაზე დიდ წონას ვანიჭებთ. განსაკუთრებული მნიშვნელობა ასევე ენიჭება ინტერპერსონალურ და კრეატულ უნარებს.

ამ ყველაფერს მენეჯმენტის მხრიდან მუდმივი მხარდაჭერა სჭირდება. თანამშრომელბის მოტივაციასა და განვითარებაზე ზრუნვა ნამდვილად არის ჩვენი საბაზისო ღირებულება. ამისთვის ძალიან კარგად ვიყენებთ ქოუჩინგს, ტრენინგებსა და მენტორინგს. გუნდში რამოდენიმე პროფესიონალი ქოუჩიც გვყავს.  ძალიან მნიშვნელოვანია თანამშრომელს ესმოდეს მისი როლი და ის, თუ რა მიზანს ემსახურება მისი კონკრეტული საქმიანობა. ვცდილობთ დავანახოთ დიდი სურათი და ის, თუ როგორ აისახება მისი საქმიანობა კონკრეტულ პროცესზე, საერთო შედეგზე. ჩვენ კომპანიაში ძალიან კარგად მუშაობას ქოუჩინგის ისეთი ტექნიკები, როგორიცაა „კომპეტენციის ბორბალი“, გუნდი ერთად ადგენს იდეალური კომპეტენციის ბორბალს და ასევე გუნდის ცალკეული წევრი აკეთებს საკუთარი კომპეტენციის შეფასებას იდეალურთან მიმართებაში. უშუალო მენეჯერთან ერთად ხდება ამ შეფასების შეჯერება და ამის მერე ადვილია კონკრეტული თანაშრომლისთვის განვითარების კონკრეტული გეგმის შედგენა. ეს ძალიან მარტივი და სასარგებლო ინსტრუმენტია. აქედან გამომდინარე, ვგეგმავთ ხოლმე ტრენინგების პროგრამასაც. ტრენინგებს ვაკეთებთ როგორც შიდა რესურსით, ასევე აქტიურად ვთანაშრომლობთ სხვადასხვა ტრენინგ კომპანიებთან.  გარდა ამისა, ყოველთვის ვცდილობთ სხვადასხვა ინვაციური მიდგომების გარჩევას / მის მორგებას ჩვენს სპეციფიკაზე. მაგალითად,  ამ ეტაპზე აქტიურად ვმუშაობეთ პროექტების მართვის ახალი მიდგომების დანერგვაში, როგორიცაა AGILE, SCRUM, Kanban-ი.

HR hub: მოგვყევით ACT -ის სამომავლო გეგმების შესახებ. გეგმავთ მსგავსი ღონისძიებების ჩატარებას სამომავლოდ?

იმდენად პოზიტიური გამოხმაურება მოყვა ამ ღონისძებას, რომ გვინდა ტრადიციად ვაქციოდ ეს დღე და წელიწადში ერთხელ მოვიყვანოთ ჩვენი შვილები ოფისში, სადაც ამდენ დროს ატარებენ მათი მშობლები. ძალიან ლამაზი ეზო და ვერანდა გვაქვს, შესაბამისად, გარე ღონისძიების დასაგეგმად შესანიშნავი სივრცეებია. გარდა ამისა, ჩვენ მულტიფუნქციურ ოთახში შესაძლებელია ბავშებისთვის მულტფილმების ჩვენება, კარაოკე, ხატვა და სხვა აქტივობები ჩვეულებრივ დღეებშიც. ზოგადად, ჩვენთვის ახალი ოფისი არ არის მხოლოდ სამუშაო სივრცე, ის არის ადგილი, სადაც გარდა მუშაობისა ვერთობით, ვსწავლობთ, ვვითარდებით, ვისვენებთ, ფილმებს ვუყურებთ. ზუსტად ისეა დაგეგმილი ჩვენი ოფისი, რომ ამ ყველაფრის შესაძლებლობას იძლევა. როგორც აღვნიშნე, ბევრი კარგი იდეა გვაქვს, ეს იქნება საინტერესო სტუმრების მოწვევა და ინსპირაციული საუბრები, ჩვენ კაფეში კულინარიული დღეების მოწყობა, კარაოკეთი გართობა  და ა.შ. ამ ღონისძიებებს ეტაპობრივად აუცილებლად განვახორციელებთ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *