შემოგვიერთდით

26 დეკემბერს ვორქშოპი “საპენსიო რეფორმის ტექნიკური ამბები” გაიმართება

26 დეკემბერს, 16:00სთ-ზე HR hub-ის ორგანიზებით, Grant Thornton-თან ერთად ვორქშოპი “საპენსიო რეფორმის ტექნიკური ამბები” გაიმართება.

ვორქშოპი HR მენეჯერებისთვის ჩატარდება და მოიცავს შემდეგ საკითხებს:

  • რეფორმის ზოგადი და მაკროეკონომიკური გარემოს შეფასება;
  • საპენსიო სქემა/სტრუქტურა და კანონით განსაზღვრული სავალდებულო/ნებაყოფლობითი მონაწილეობა (პრაქტიკული მაგალითები და ქეისების განხილვა, მათ შორის არარეზიდენტებთან მიმართებაში);
  • საპენსიო სქემის სტრუქტურა, სააგენტოს უფლებები / მოვალეობები და ტექნიკურ/ადმინისტრაციული საკითხების მიმოხილვა, მათ შორის ინფორმაციის წარდგენა და რეპორტინგი;
  • საპენსიო სქემაში მონაწილეობაზე უარის თქმა, პენსიის გაცემის მეთოდები და შეზღუდვები;
  • ტექნიკური და პრაქტიკული ქეისების განხილვა. კერძოდ, საპენსიო შენატანების კალკულაციები სახელფასო და ხელფასთან გათანაბრებულ (ბენეფიტები) განაცემებზე, ასევე მომსახურებით ურთიერთობებთან დაკავშირებული გაანგარიშებები;

მნიშვნელოვანი დრო დაეთმობა კითხვა – პასუხის რეჟიმს (გავივლით და ვუპასუხებთ ყველა შეკითხვას).

ვორქშოპს გაუძღვება  Grant Thornton-ის ბიზნეს პროცესების აუთსორსინგის განყოფილების ხელმძღვანელი პაატა შურღაია.

დაგროვებითი საპენსიო სისტემა 2019 წლის პირველი იანვრიდან უნდა ამოქმედდეს. სისტემა ეხება დასაქმებულს, დამსაქმებელსა და სახელმწიფოს.

ღონისძიება გაიმართება მედიათეკაში, ნაძალადევი ცოტნე დადიანის 164.

ვორქშოპზე დასწრება ფასიანია. მეტი დეტალისა და რეგისტრაციისთვის 22 დეკემბრამდე მოგვწერეთ: info@HRhub.ge

 

პოზიტიური ლიდერობის განვითარების პროგრამა ალდაგელებისთვის

“პოზიტიური ლიდერობის განვითარების პროგრამა ალდაგელებისთვის… Continue reading “პოზიტიური ლიდერობის განვითარების პროგრამა ალდაგელებისთვის”

რატომ უნდა აირჩიოთ Regus-ის ოფისი?

თანამედროვე ბიზნესი სულ უფრო და უფრო სწრაფად იზრდება. შესაბამისად ვდგებით გამოწვევის წინაშე, სად იყოს ჩვენი ოფისი.
Continue reading “რატომ უნდა აირჩიოთ Regus-ის ოფისი?”

გილოცავ შენ ეს შეძელი! – “აგროჰაბში” საუკეთესო თანამშრომლები გამოავლინეს

კომპანია აგროჰაბი ყოველთვის ცდილობს, სხვადასხვა ფორმით წაახალისოს თანამშრომლები. ეს ხელს უწყობს მათი მხრიდან გაცნობიერებული იყოს ის მთავარი ღირებულებები, რაც საერთო ჯამში კომპანიის წარმატებას განაპირობებს. Continue reading “გილოცავ შენ ეს შეძელი! – “აგროჰაბში” საუკეთესო თანამშრომლები გამოავლინეს”

გაიცანით Grant Thornton-ის გუნდი

Grant Thornton საქართველოში 2005 წლიდან საქმიანობს. იგი წარმოადგენს მსოფლიოს დამოუკიდებელი აუდიტორული, საგადასახადო და ბიზნეს საკონსულტაციო ფირმების ერთ-ერთ წამყვან ქსელს. Continue reading “გაიცანით Grant Thornton-ის გუნდი”

რა სერვისებს სთავაზობს HR საკონსულტაციო ორგანიზაცია – PMC მომხმარებლებს?

PMC პირველი HR საკონსულტაციო ორგანიზაციაა საქართველოში, რომელიც 2000 წლიდან ფუნქციონირებს.  Continue reading “რა სერვისებს სთავაზობს HR საკონსულტაციო ორგანიზაცია – PMC მომხმარებლებს?”

სადაზღვევო კომპანია ,,პრაიმი” HR hub Next-ის მთავარი მხარდამჭერია

HR hub Next – ეს არის HR hub-ის ახალი პროექტი, რომელიც სულ რამდენიმე დღეში ჩაეშვება.  Continue reading “სადაზღვევო კომპანია ,,პრაიმი” HR hub Next-ის მთავარი მხარდამჭერია”

როგორია HR ჩადრს მიღმა?!

აზა ქავთარაძე 2010 წლიდან ბრიტანულამერიკული თამბაქოს (British American Tobacco – BAT) კომპანიაში მუშაობს. უკვე ერთი წელია რაც BAT-ის ირანის ოფისში გადავიდა სამუშაოდ როგორც HR აღმასრულებელი.

HR hub: აზა, როდესაც შემოგთავაზეს ირანში გადასვლა, გაგიჭირდათ გადაწყვეტილების მიღება?

ჩემთვის ეს გამოწვევა რთული მისაღები იყო მაგრამ გადავწყვიტე კომფორტის ზონიდან გამოვსულიყავი და ოჯახის გვერდში დგომითა და ერთობლივი გადაწყვეტილებით დავიწყე ცხოვრების ახალი ეტაპი, დალაი ლამას სიტყვებს მოვიშველიებ, რომელიც ჩემი დევიზია „დიდი სიყვარული და დიდი მიღწევები დიდ რიკს მოითხოვს“, ვთვლი რომ ადამიანს თუ მიზანი აქვს ცხოვრებაში, შეუძლებელი არაფერია.

HR hub: რა სირთულეებს წააწყდით ირანში ჩასვლისას?

სირთულე როგორც ასეთი არაფერი არ შემხვედრია თუ არ ჩავთვლით ჩაცმის ვალდებულებას მუსულმანური კანონის შესაბამისად, რომლის დაცვა მეც მევალება, თავსაფარი და გრძელი მოსაცმელი ჩემი გარდერობის განუყოფელი ატრიბუტი გახდა.

HR hub: რა ფუნქცია-მოვალეობებს ასრულებთ?

ამჟამად ადამიანური რესურსების აღმასრულებელი და პროექტების მართვის ხელმძღვანელი                ვარ თუმცა მიზანი რისთვისაც ჩამოვედი იყო დაგვენერგა ERP -SAP პლატფორმა ბიეითი ირანში გლობალური სტანდარტების შესაბამისად. პირადად მე HR მონაცემებისა და კომუნიკაციების აღსრულება მევალებოდა, მაგრამ ჩვენდა სამწუხაროდ ეს პროექტი დროებით შეჩერდა.

HR hub: როგორია მკაცრი შეზღუდვების ფონზე, იმუშაო თამბაქოს კომპანიაში და მიაღწიო დასახულ შედეგებს?

რა თქმა უნდა სანქციები ცალსახად ყველა საერთაშორისო კომპანიებს შეეხო და ამ ეტაპზე არაა მთლად სახარბიელო სიტუაცია ეკონომიკისა და ბიზნესის თვალსაზრისით, თუმცა ჩვენ ჯერ ამ კუთხით საფრთხის წინაშე არ ვდგევართ. მინდა ერთი ფრაზა გავიხსენო, რომელიც პირველივე კვირას მასწავლეს ირანელმა კოლეგებმა: „ირანში რაც აკრძალულია ყველაფრის მიღწევა უფრო მარტივადაა შესაძლებელი“ .

HR hub: რა განსხვავებაა საქართველოსა და ირანს შორის HR-ის მიმართულებით?

HR როგორც მცნება აქ დიდად არაა პოპულარული და არც არავინ არ ზრუნავს ცნობიერების ამაღლებაზე ისე როგორც HR Hub ზრუნავს საქართველოში, გარდა ამისა აქაც არის მსგავსი გაერთიანება HR-ების, მაგრამ იმისათვის რომ მოაწყო შეხვედრები ან ჯობ-ფეარი იმხელა ბიუროკრატია უნდა გაიარო ნებართვის ასაღებად რომ აღარ მოგინდება ღონისძიების გამართვა. რაც შეეხება კომპანიის კულტურას და შინაგანაწესს თითქმის ერთი და იგივეა ყველა ,,ბიეითიში”, ყველგან ვრცელდება ჩვენი სტანდარტები და დიდი განსხვავება არაა ამ კუთხით.

HR hub: როგორც ცნობილია, ირანში პარასკევი და შაბათია დასვენების დღეები. ხვდებიან თუ არა თანამშრომლები ერთმანეთს უქმე დღეებზე ან თუ გაქვთ ჯგუფური გასვლები/ თიმბილდინგები?

თავიდან ამასთან შეგუება მართლა გამიჭირდა, ის რომ პასასკევს აქ ვისვენებ და საქართველოში მუშაობენ, მაგრამ როგორც ყველა საერთაშორისო კომპანია ჩვენც ვალდებული ვართ დავექვემდებაროთ  ,,Areas” და ჩვენს შემთხვევაში სათაო ოფისი არის დუბაიში, ამიტომ ვისვენებთ პასასკევი და შაბათი. ისე კანონმდებლობით სკოლა იწყება შაბათს ოთხშაბათის ჩათვლით. ამის გარდა აქ ფულის ერთეული თუმანები და რიალებია და ჯერ კიდევ მე-14 საუკუნის ივლისია, ასე რომ ადამიანური რესურსების თანამშრომლებს გვიწევს ორი თარიღით შევსება დოკუმენტების, გრიგორიანული და ირანული.

რაც შეეხება გასვლებს დასვენების დღეებში, ირანელებისთვის ტრადიციაა პარასკევს ოჯახურ გარემოში საუზმე ან სადილი, თუმცა თუ თიმბილდინგს დაგეგმავ ზედმეტი ძალისხმევა არაა საჭირო იმისათვის რომ გაერთონ და იმხიარულონ, საკმარისია ნაციონალური მუსიკა და ყველა ცეკვავს და მხიარულობს .

HR hub: რა არის ირანში თანამშრომლების ყველაზე დიდი მოტივატორი? ძირითადი მამოტივირებელი ირანელებისთვის არის საერთაშორისო კომპანიაში მუშაობა, ესაა მათი ძირითადი მამოტივირებელი და რა თქმა უნდა ,,ბიეითის” კულტურა და სტრატეგია სადაც ადამიანს ეძლევა იმის საშუალება რომ განვითარდეს.

HR hub: როგორ დაახასიათებდით ირანელ თანამშრომლებს. რით განსხვავდებიან ისინი ქართველებისგან?

მენატრება ჩემი ქართველი თანამშრომლები და მათთან გატარებული ყოველი დღე, მენატრება ის შემართება და ურთიერთ გაგება ჩვენ რომ გვაქვს. ირანელები რაღაცით ჰგვანან ქართველებს, უფრო სწორედ იმერლებს თავიანთი გადამეტებული თავაზიანობითა და სტუმართმოყვარეობით.

HR hub: გვითხარით 3 წესი, რომელიც აუცილებლად უნდა დაიცვა, როცა ირანში გადადიხარ სამუშაოდ.

I ყველას იმდენჯერ უნდა მიესალმო და თბილად მოიკითხო ოჯახის წევრებიანად რამდენჯერაც შეხვდები დღის განმავლობაში და სანამ საქმეზე საუბარს დაიწყებ, ზუსტად წუთიანი მისალმება-მოკითხვა უნდა ჩამოარაკრაკო. ეს თვისება თუ არ გაქვს უნდა გამოიმუშავო კოლეგებთან.

II არავითარ შემთხვევაში არ უნდა გახვიდე ნასვამი ქუჩაში და არ დალიო ალკოჰოლური სასმელი ქუჩაში. ეს ალბათ ყველა ტურისტმა იცის სანამ ჩამოვა ირანში.

III მამაკაცი შორტებით, ჰალსტუხით, ქალი თავსაფრისა და მოსასხამის  „მანტოს“ გარეშე პოლიციაში მოხვდება. უცხოელებთან მიმართებაში ცოტა ლოიალურები არიან თუმცა გარისკვად არ ღირს.

HR hub: და ბოლოს, თითქმის 1 წელია, რაც თეირანში ცხოვრობთ და ბევრი საინტერესო ადგილის მონახულებაც მოასწარით. გვითხარით რამდენიმე მიზეზი, რატომ უნდა მოინახულოს ადამიანმა ირანი?

რატომ ირანი? იმიტომ რომ ზედმეტად სტუმართმოყვარე ხალხია და ჩვენ ქართველებს გვიყვარს სტუმრის მოყვარე ხალხი, უამრავი ადილებია შემორჩენილი სპარსეთის იმპერიის დროინდელი რომელიც ჩწა  550-330 წლის დროინდელია, უძველესი აბანოს  ტიპის მოზაიკით მოპირკეთებული სასახლეები, რომანტიკული სპარსული ბაღები, პოეზია, ქარის სავინტილაციო სისტემები და არქიტექტურა აღაფრთოვანებს აქ ჩამოსულ ნებისმიერ ადამიანს.

ტრენინგ ცენტრი, სადაც ვსწავლობთ ყველა

ალბათ ცოტა ადამიანს თუ აქვს ინფორმაცია იმის შესახებ, რომ ,,გუდვილს” საკუთარი ტრენინგ ცენტრი აქვს. რა მიმართულებით მუშაობს და რა სახის ტრენინგებს სთავაზობს ის თანამშრომლებს ამ და სხვა თემებზე ვესაუბრეთ ,,გუდვილის” სასწავლო ცენტრის ხელმძღვანელს ხათუნა ჩხარტიშვილს. Continue reading “ტრენინგ ცენტრი, სადაც ვსწავლობთ ყველა”

Payroll დროისა და ხარჯების დაზოგვის საშუალება HR მენეჯერებისთვის

ხელფასების ადმინისტრირების პროგრამა ე.წ. Payroll ადამიანური რესურსების სპეციალისტებისთვის საკმაოდ აქტუალური და ნაცნობი საკითხია. Continue reading “Payroll დროისა და ხარჯების დაზოგვის საშუალება HR მენეჯერებისთვის”