შემოგვიერთდით

HR hub-ის ღონისძიება 29 მარტს სასტუმრო “Best Western Tbilisi Art Hotel -ში” გაიმართება

HR hub ეს არის გამოცდილებისა და ცოდნის გაზიარება, კონტაქტები და ის თუ რა ხდება HRM – ის შიდა სამზარეულოში. გამორჩეული ფორმატის, კონცეფციის პირველი ქართული HR ღონისძიებები.

HR hub-ის ღონისძიება 29 მარტს 19:00სთ-ზე სასტუმრო Best Western Tbilisi Art Hotel– ში გაიმართება.

HR hub – ის ყველა შეხვედრა გამორჩეული და საინტერესოა, თუმცა ეს ღონისძიება განსაკუთრებული იქნება.

ღონისძიების პირველი ნაწილის მენტორი იქნება ნინო ჯაფარიძე.

მენტორის შესახებ:

2017 იანვარი  – დღემდე საქართველოს თავდაცვის სამინისტროს შეიარაღებული ძალების გაერთიანებული შტაბის პირადი შემადგენლობის დეპარტამენტის სოციალურ საკითხთა, მორალური მხარდაჭერისა და უზრუნველყოფის სამმართველოს მორალური განყოფილების მთავარი სპეციალისტია. ამავდროულად, ნინო ჯაფარიძე ექსპერტი და ლექტორია.

თემა: კონფლიქტური სიტუაციების რეგულირება,  ორგანიზაციის მართვის კონტექსტში

შეხვედრის განმავლობაში განიხილება კონფლიქტური სიტუაციები და მისი მოგვარების გზები, ორგანიზაციის მართვის კონტექსტში.

ვისაუბრებთ კონფლიქტური სიტუაციების ჩამოყალიბების მიზეზებზე – როგორც ინდივიდუალურ, ასევე ორგანიზაციულ დონეზე; კონფლიქტური სიტუაციების  პრევენციის და მოგვარების ხერხებზე; ორგანიზაციული განვითარების ხედვის არსებობის მნიშვნელობაზე .

განვიხილავთ განსხვავებულ პერსპერქტივებსა და აღქმებთან დაკავშირებულ ასპექტებს, ხელმძღვანელი თანამდებობის პირის დამოკიდებულებების და პოზიციების მნიშვნელობას კონფლიქტური სიტუაციებისა და ადამიანური კაპიტალის რაციონალურად მართვის პროცესში.

ღონისძიების მეორე ნაწილში საქართვლოს ბანკის HR გუნდი გამართავს პანელ დისკუსიას და ქეისების პრეზენტაციას სასწავლო პროგრამებისა და პლატფორმების განვთარების მიმართულებით.

ნატო ბერიძე -საქართველოს ბანკის ადამიანური კაპიტალის დეპარტამენტის დირექტორი (პანელ-დისკუსია 30 წუთი);
თინა ბალავაძე – სასწავლო პროგრამების მიმართულების დირექტორი (15 წუთი ქეისების წარმოდგენა)
თათია ჟღენტი – პლატფორმების განვთარების სამსახურის უფროსი (15 წუთი – ქეისების წარმოდგენა)

თემა: ტრანსფორმაციული სასწავლო კულტურა, სასწავლო პლატფორმის განვითარება – პრეზენტაცია

პანელური დისკუსიის მოდერატორია ზურა მაისურაძე:

აქვს 14 წლიანი გამოცდილება საბანკო სფეროში, აკადემიურ საქმიანობას ეწევა 2006 წლიდან, კითხულობს ლექციებს  წამყვან ქართულ ბიზნეს სკოლებში, მათ შორის საქართველოს ბანკის უნივერსიტეტს, კავკასიის უნივერსიტეტსა და ილიას სახელმწიფო უნივერსიტეტში, როგორც მოწვეული ლექტორი და ასოცირებული პროფესორი. კორპორატიული საკონსულტაციო მიმართულების მხრივ სათავეში უდგას საკუთარ კომპანიას – “სტუდია თავისუფლებას” – რომელიც კონსულტაციებს უწევს ქართულ და უცხოურ კომპანიებს სტრატეგიული კომუნიკაციისა და მართვის საკითხებში.  მინიჭებული აქვს ბიზნესის ადმინისტრირების მაგისტრის ხარისხი გრენობლის უნივერსიტეტის მიერ (Grenoble Ecole de Management – MBA with disticntion – Management Consulting) მენეჯმენტის კონსულტაციების განხრით.

სასურველია წინასწარ მოამზადოთ კითხვები, რომლებსაც ჩვენს სტუმრებს დაუსვამდით. ღონისძიება იქნება მაქსიმალურად ინტერაქციული.

HR hub-ის შესახებ

HR hub-ში გაერთიანებულ HR პრაქტიკოსებს საშუალება აქვთ დაესწრონ სხვადასხვა საინტერესო შეხვედრებს წარმატებული ქართველი და უცხოელი პროფესიონალების, მენტორების მონაწილეობით.

HR hub – ის ღონისძიებებზე კლუბის წევრი HR პროფესიონალები ეცნობიან მსოფლიოს უახლეს ტენდენციებს ადამიანური რესურსების მართვის მიმართულებით. ასევე ხდება კრეატიული იდეების გაზიარება.

ღონისძიებაზე დასწრება შესაძლებელია მხოლოდ HR hub-ის წევრებისთვის. თუ ჯერ არ ხართ HR hub-ის წევრი, ამ აპლიკაციის მეშვეობით შეგიძ₾იათ შემოგვიერთდეთ: https://goo.gl/gHsRxu

HR hub-ში 500 – ზე მეტი HR მენეჯერია გაწევრიანებული.

ჩვენ შევეცდებით საინტერესო დღე შევქმნათ თქვენთვის!
გელოდებით!

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *