შემოგვიერთდით

„რიგის“ გუნდის წევრობა ნიშნავს ქართულ კულინარიაში სწრაფად დაიმკვიდრო წარმატებული მზარეულის სახელი – ნიკა ბორაშვილი

რიგი გასტროდუქანის შესახებ გეცოდინებათ. უკვე რა ხანია, ზედ მტკვრის პირას, ნაღდი თბილისური რიგი გამართეს. ძველი ყაიდა ახალთან შეაზავეს, ქართული სამზარეულოს მარგალიტები სულ კუთხე-კუთხე აგროვეს და გულთბილი მასპინძლობა აქაურობის მთავარ წესად აქციეს.

მთელი ეს ამბავი კიდევ, მათი კეთილი ამფსონების გარეშე, არაფრის დიდებით არ გამოვიდოდა. ესენი არიან, ვინც არიან — მათი მარჯვენაცა და მარცხენაც. რიგის გონიცა და განგებაც. გაიცანი, ეამხანაგე და კარგადაც მოუსმინე — თუ ამათ რიგებში ყოფნა მოინდომო, მათი კარი შენთვისაც ღიაა! ხმა გააგონე, კარგ ალაგას უნდა მოგაწყონ!

როგორც ხედავთ, ჩვენც მათ ყაიდაზე აგვამეტყველეს და სიახლეც გაგვიზიარეს, რომ თურმე გასტრონომიული დუქანი „რიგი“ ახალი წევრების შემოსამატებლად ემზადება და ყველა, ვინც ამ გამორჩეულ ადგილას დასაქმებას მოინდომებს, მათ გუნდში ელიან. თუ უკვე დაინტერესდი აქ მუშაობით, გადადი ბმულზე მინდა მუშაობა.

მანამდე კი, ამ სტატიაში საინტერესო ადამიანს ნიკა ბორაშვილს, გასტრონომიული დუქანი „რიგის“ შეფ-მზარეულს, გაგაცნობთ.

HR hub: ნიკა საიდან დაიწყო კულინარიის მიმართ თქვენი დაინტერესება? როდის და რატომ გადაწყვიტეთ, რომ კულინარიაა ის სფერო, რომელშიც თავს კომფორტულად გრძნობთ?

კულინარიით დაინტერესების მთავარი მოტივაცია ჩემი  ოჯახის წევრები და მათ მიერ გემრიელად მომზადებული კერძები აღმოჩნდა. როდესაც სახლში უგემრიელესი კერძების სურნელი ტრიალებდა, ვფიქრობდი, რომ ჩემი ადგილიც შეიძლებოდა სამზარეულოში მეპოვნა. 16 წლიდან უკვე გადაწყვეტილი მქონდა, რომ სამზარეულო ჩემი საყვარელი ადგილი გახდებოდა.

HR hub: თქვენთვის, როგორც შეფ-მზარეულისთვის რა იყო ყველაზე დიდი გამოწვევა, რომელსაც თვლით, რომ თავი წარმატებულად გაართვით?

ჩემთვის ყველაზე დიდი გამოწვევა რიგის კონცეფციის იდეის ჩამოყალიბება იყო; პირველი ნაბიჯებიდან ჩართული ვიყავი მენიუს შედგენაში; თითოეული კერძი, რომლითაც დღეს თავს ვიწონებთ, დიდი შრომისა და ფიქრის შედეგად შეიქმნა. ამიტომ ვფიქრობ, რომ ეს ჩემი კარიერის ყველაზე დიდი გამოწვევა იყო. თუმცა, დავამატებ, რომ ჩვენი კომპანია განვითარებაზეა ორიენტირებული, ამიტომ ვფიქრობ, მთავარი გამოწვევები წინ გვაქვს.

HR hub: ბოლო დროს საქართველოში მზარეულის პროფესიის პოპულარობა იზრდება. თქვენი აზრით, რამ განაპირობა ამ პროფესიით ასეთი დაინტერესება?

ჩვენი ქვეყანა მაღალი ტურისტული პოტენციალის მქონე ქვეყანაა, რომლის მთავარ კულტურულ მემკვიდრეობად ითვლება ქართული ძირძველი კულინარია თავისი კუთხური გამორჩეული გემოებით; ვფიქრობ, ამიტომ გადაწყვიტა ახალმა თაობამ, რომ სტუმრებს ეს დიდი კულტურული მემკვიდრეობა დაახვედროს შესაბამის დონეზე განვითარებული და თანამედროვე ეპოქას მორგებული.

HR hub: რამდენად რთულია კულინარიულ სფეროში თავის დამკვიდრება და რას ეტყოდით ადამიანებს, რომლებიც კულინარიისადმი ინტერესით გამოირჩევიან, თუმცა წარუმატებლობის ეშინიათ?

კულინარიის სფეროში თავის დამკვიდრება არც თუ ისე ადვილია. პროფესიონალად ჩამოყალიბებისთვის ნებისმიერ მზარეულს სჭირდება სამზარეულოში ყველა იმ ეტაპისა და ბარიერის გავლა და გადალახვა, რომელიც საბოლოო ჯამში განაპირობებს მის წინსვლასა და განვითარებას. რას ვეტყოდი? ალბათ, იმას რომ არ უნდა შეეშინდეთ ამ საფეხურების ავლა და წარმატება აუცილებლად ექნებათ.

HR hub: „რიგის“ სამზარეულოს განსაკუთრებულობაზე ბევრს საუბრობენ. რა არის თქვენი საიდუმლო, რაც მას სხვა სამზარეულოსგან გამოარჩევს და ასე განსაკუთრებულს ხდის?

ჩვენი მთავარი საიდუმლო დანერგილი კონცეფციის ზედმიწევნით სწორად შესრულებაშია. ამ პროცესში გუნდის თითოეული წევრი ჩართულია და დაუღალავად შრომობს. ჩვენთვის მნიშვნელოვანია, რომ „რიგში“ მოსულ სტუმარს იმედი არ გაუცრუვდეს და ყველა კერძით მოიხიბლოს ისე, როგორც აქამდე არასდროს;

HR hub: თქვენს სამსახურზეც მოგვიყევით, რას ნიშნავს იყო „რიგის“ გუნდის წევრი?

იყო „რიგის“ გუნდის წევრი ნიშნავს იმას, რომ ახლო მომავალში დაიმკვიდრო ქართულ კულინარიაში წარმატებული მზარეულის სახელი. „რიგის“ სამზარეულო იძლევა უსაზღვრო გამოწვევებს ძველი და ახალი კულინარიის შერწყმის შესასწავლად.

HR hub: გვესაუბრეთ სამომავლო გეგმებზე

დაუღალავი შრომით ვაგრძელებთ წინსვლას, სტუმრების მოზიდვას ჩვენი ხარისხითა და გემოებით. ასევე, „რიგში“ ახალი წევრების შემომატებისთვის ვემზადებით და მზად ვარ რიგიანად დავხვდეთ.

HR hub: ნიკა ახლა რა ვაკანსიებიარიგში“?

მზარეულებისა და მეხინკლის აქტიური ვაკანსიები გვაქვს. ჩვენი კარი ღიაა ყველასთვის, ვისაც აინტერესებს სამზარეულო და მზადაა ჩვენი დიდი გუნდისა და ოჯახის წევრი გახდეს.

თუ მზად ხართ, თქვენს თავზე სტუმრების რიგიანი გამასპინძლება აიღოთ, მაშინ დარეგისტრირდით ამ ბმულზე და შევხვდებით გასაუბრებაზე: https://forms.gle/GdeTcqPR5qNjn3bu7

დარეგისტრირება შეუძლია ყველა დაინტერესებულ ადამიანს.

“Retail Group Georgia – Great Place to Work სერტიფიკატის მფლობელი გახდა” – ნატო კვაჭანტირაძე

Alhokair Retail Group Georgia Great Place to Work სერტიფიკატის მფლობელი გახდა.

მსოფლიო ორგანიზაციის მიერ აღიარება ძალიან დიდი წარმატებაა. მიმდინარე სიახლეებზე და სამომავლო გეგმებზე  ნატო კვაჭანტირაძეს, HR დეპარტამენტის ხელმძღვანელს ვესაუბრეთ.

HR hub: როგორ იღებს კომპანია Great Place to Work სერტიფიკატს/სტატუსს? რას ნიშნავს იყო გამორჩეული დამსაქმებელი?

საერთაშორისო კომპანია Great Place to Work®, წარმოადგენს სამუშაო ადგილზე კულტურის შემსწავლელ ორგანიზაციას, რომლის მიზანია დაეხმაროს ორგანიზაციებს შექმნან და შეინარჩუნონ დასაქმებულთათვის მიმზიდველი სამუშაო გარემო.

სერტიფიცირების პროცესი მოიცავს როგორც სამუშაო პოლიტიკებისა და პროცესების შესწავლას ისე ჩაღრმავებულ და რაც მთავარია ანონიმურ კვლევას თანამშრომელთა ჩართულობის, ნდობის ინდექსისა და კმაყოფილების კუთხით. დამაკმაყოფილებელი შედეგების მიღების შემთხვევაში ორგანიზაცია ხდება სერთიფიცირებული 1 წლის ვადით და ენიჭება სხვადასხვა საკომუნიკაციო მერჩენდაიზინგის გამოყენების უფლება რათა ბაზარზე პოზიციონირება დაიწყოს როგორც საუკეთესო დამსაქმებელმა.

საუდის არაბეთში, ჩვენი დედა კომპანია ასევე სერთიფიცირებულია და მე-12ე ადგილს იკავებს საუკეთესო 30 კომპანიას შორის.

HR hub: რა არის Retail Group Georgia – ს, როგორც დამსაქმებლის, კონკურენტული უპირატესობა?

უდავოა, რომ თითოეული თანამშრომლის შრომითი ხელშეკრულება პასუხობს შრომის კოდექსში შეტანილი ცვლილებებს, კომპანიის საცალო სექტორში ადმინისტრაციული სექტორის იდენტურად 5 დღიანი სამუშაო კვირა გვაქვს, საპენსიო შენატანის თანამშრომლის წილს ანაზღაურებს კომპანია, ჩვენი თანამშრომლებისთვის დღესასწაულების საჩუქრებით გალამაზება ჩვენი ჩვეული რიტუალია, ასევე წელს დაინერგა ახალი საკომისიოების სისტემა, რომელიც თითოეული გაყიდული ნივთიდან აგენერირებს დამატებით შემოსავალს, ოფიციალურ დასვენების დღეებზე მუშაობა ზეგანაკვეთურად ანაზღაურება, ვთანამშრომლობთ სუპერ თანამედროვე ჯანმრთელობის დაზღვევის კომპანიასთან, რის მეშვეობითაც უზრუნველვყავით თანამშრომელთა სისტემური პატრონაჟი და ეფექტურად ვმართეთ კოვიდ პანდემიის 2 წლიანი ხანა.

HR hub: რა პროგრამები გაქვთ დანერგილი თქვენი თანამშრომლების ტრენინგებისა და განვითარების მიმართულებით? კარიერული ზრდის რა შესაძლებლობებს სთავაზობთ მათ?

კომპანიაში 2 წლის წინ დაიწყო სისტემური გადამზადება საქმიანობისთვის საჭირო კომპეტენციების განვითარების მიზნით. ხოლო წელს კარიერის დაგეგმვისა და განვითარების ახალი მოდული გაეშვა რომელიც თავის თავში მოიცავს დასწავლის მოდულსაც და კრავს ერთ სრულ ციკლს თანამშრომლის აყვანიდან, მის ბოლო სამუშაო დღემდე. ეს უკანასკნელი ეფექტური საშუალებაა თანამშრომლის მიერ კარიერული წინსვლის დაგეგმვისა და ნებისმიერი მიმართულებით გაჩენილი ინტერესების დასაკმაყოფილებლად. თანამშრომლებმა იციან თუ რა პროგრამებია დასაძლევი კარიერის მომდევნო საფეხურზე ასასვლელად, ხელი მიუწვდებათ მასალაზე თუ რა, როგორ, რისთვის და როდის უნდა ისწავლონ რათა დააკმაყოფილონ დაწინაურებისთვის საჭირო მოთხოვნები.

HR hub: მოგვიყევით თქვენი კომპანიის კორპორატიული კულტურის შესახებ?

კომპანია ეყრდნობა 4 ძირითად ღირებულებას, ესენია: მომხმარებელზე ორიენტირებულობა,  გუნდურობა, გაძლიერება, და გულწრფელობა. ჩამოთვლილი ღირებულებები ერთიანდება ერთი მნიშვნელოვანი კომპონენტის – ნდობის ირგვლივ, რომელიც სოციალურ ცხოვრებაში ფუნდამენტია ჩვენი ქცევის თუ გადაწყვეტილების.
ჩვენი მთავარი ამოცანაა გვყავდეს ნდობით აღჭურვილი თანამშრომლები, და შევქმნათ გარემო სადაც თანამშრომლები თავს გრძნობენ უსაფრთხოდ, სადაც შეეძლებათ დაუშვან შეცდომები და აღიარონ ეს, სადაც მოითხოვენ დახმარებას და არავინ განსჯით მათ ამის გამო. მუდმივად ვცდილობთ წავახალისოთ ინდივიდუალიზმი და ვუბიძგოთ დაგვანახონ თავისი თავის საუკეთესო ვერსიები. უდავოა, რომ ნდობაზე დაყრდნობილი ურთიერთობებით აუცილებლად მივაღწევთ უფრო დიდ წარმატებას.

HR hub: რა გეგმები გაქვთ სამომავლოდ?

ჩვენ არ ვჩერდებით, პანდემიის პერიოდშიც კი 4 მაღაზია გავხსენით და ბრენდი Kiko Milano შემოვიყვანეთ საქართველოს ბაზარზე. ბუნებრივია წელს გაფართოვების კიდევ უფრო დიდი გეგმები გვაქვს, რაც გულისხმობს როგორც არსებული ბრენდებით ჩვენს ზღვისპირა ქალაქ ბათუმში შესვლას, ასევე ახალი საერთაშორისო დონის ბრენდების საქართველოს ბაზარზე შემოყვანას, რათა ჩვენს ძვირფას მომხმარებელს ყოველთვის საუკეთესო და უკონკურენტო არჩევანის საშუალება მივცეთ.

„HR პროცესებში მაღალტექნოლოგიური ინსტრუმენტების გამოყენება საქმიანობის ხარისხსა და შედეგს ზრდის“ – HR ბიზნეს სამიტის უცვლელი მხარდამჭერი Signify

უკვე მეორე წელია რაც კომპანია Signify HR ბიზნეს სამიტის უცვლელი მხარდამჭერია. ელექტრონული ხელმოწერების ყველაზე მარტივი და საიმედო პლატფორმა წლებია, HR მენეჯერებს საქმიანობას მნიშვნელოვნად უმარტივებს. Continue reading “„HR პროცესებში მაღალტექნოლოგიური ინსტრუმენტების გამოყენება საქმიანობის ხარისხსა და შედეგს ზრდის“ – HR ბიზნეს სამიტის უცვლელი მხარდამჭერი Signify”

“HR ბიზნეს სამიტი – HR მენეჯერებს საშუალებას გვაძლევს გავიზიაროთ გამოცდილება და მივიღოთ ინსპირაცია” – თამარ ქლიბაძე

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. ღონისძიების  წარმდგენია  e team Continue reading ““HR ბიზნეს სამიტი – HR მენეჯერებს საშუალებას გვაძლევს გავიზიაროთ გამოცდილება და მივიღოთ ინსპირაცია” – თამარ ქლიბაძე”

ბედნიერება სამსახურში = პროდუქტიულობის ბუსტერს

რამდენად ხშირად გიფიქრიათ, რომ ადგილი სადაც მუშაობთ თქვენთვის არ არის? ვერ გრძნობთ თავს კომფორტულად გუნდში? არ მოგწონთ დავალებები რომლებზეც მუშაობთ ან საქმე რომელსაც აკეთებთ? Continue reading “ბედნიერება სამსახურში = პროდუქტიულობის ბუსტერს”

“ფუნიკულიორი ჯადოსნური ადგილია და აქ მუშაობა ჩემთვის და ჩვენი გუნდის წევრებისთვის განსაკუთრებულად საამაყოა. ” – სალომე ფანცალაშვილი

ფუნიკულიორის კომპლექსი” თბილისის ისტორიული შენობა და სავიზიტო ბარათია, ძვირფასი კულტურული მემკვიდრეობა.
აქ დასაქმებული ადამ Continue reading ““ფუნიკულიორი ჯადოსნური ადგილია და აქ მუშაობა ჩემთვის და ჩვენი გუნდის წევრებისთვის განსაკუთრებულად საამაყოა. ” – სალომე ფანცალაშვილი”

“დრიმლენდ ოაზისის წარმატების მთავარი საწინდარი თითოეული თანამშრომელია” – თამარ ჩხაიძე

HRhub.ge აგრძელებს ინტერვიუებს HR პროფესიონალებთან. რუბრიკის “HR მენეჯერი“ სტუმარია, დრიმლენდ ოაზისის HR მენეჯერი თამარ ჩხაიძე

HR hub: თამარ რას გვეტყვით ადამიანური კაპიტალის მართვის თქვენეულ მიდგომაზე, რაც გამოარჩევს თქვენს კომპანიას, როგორც დამსაქმებელს და როგორ აისახება ამ მიდგომის ეფექტიანობა შედეგებზე?

კომპანია დრიმლენდ ოაზისის ადამიანური რესურსების მართვის მიდგომები გამომდინარეობს კომპანიიის სტრატეგიული მიზნებიდან და ეფუძნება იმ მოსაზრებას, რომ კომპანიის წარმატების მთავარ საწინდარს თითოეული თანამშრომელი წარმოადგენს.

გამომდინარე იქიდან, რომ ჩვენი კომპანიის ძირითადი საქმიანობა დაკავშირებულია ადამიანებისთვის ბედნიერების და დადებითი ემოციების მინიჭებასთან, გვჯერა რომ ამ ყველაფერში თითოეულ პოზიციაზე დასაქმებულ ადამიანს შეაქვს უდიდესი წვლილი და სწორედ მათი ჩართულობა, შრომისმოყვარეობა და საქმისადმი სიყვარული განაპირობებს კომპანიის მუდმივ განვითარებასა და წარმატებას.

დრიმლენდ ოაზისის HR გუნდისთვის განსაკუთრებით მნიშვნელოვანია რეკრუტინგული პროცესის სათანადოდ წარმართვა და თითოეული ვაკანტური პოზიციისთვის შესაბამისი კანდიდატურის შერჩევა, რომელიც წვლილს შეიტანს კომპანიის განვითარებაში, ასევე აქ მუშაობის განმავლობაში მაქსიმალურად ვცდილობთ შევუქმნათ გარემო, სადაც ექნებათ შესაძლებლობა განავითარონ საკუთარი პროფესიული და პიროვნული უნარ-ჩვევები.

ჩვენი კომპანიის მთავარი პრიორიტეტი შერჩევის პროცესში გახლავთ ადგილობრივი მოსახლეობის დასაქმების მაქსიმალური ხელშეწყობა. ნებისმიერ პოზიციაზე ვაკანსიის გამოცხადებიდან, ჩვენი ამოცანაა პირველ რიგში რეგიონში მოვიძიოთ შესაბამისი კანდიდატურები.  გვყავს თანამშრომლები აჭარიდან, რომლებიც კომპანიის დაარსებიდან  არიან ჩვენი გუნდის წევრები და თითოეულ მათგანს გამოარჩევს მუდმივი განვითარების სურვილი და კომპანიის სიყვარული.

სწორედ ეს ის ადამიანები არიან, რომლებიც ჩვენი სტუმრებისთვის ასოცირდებიან დრიმლენდ ოაზისთან, ჩვენს სახეს წარმოადგენენ და მათ გარეშე სასტუმროს წარმოდგენა შეუძლებელია.

ასევე, კომპანიაში დასაქმებულები არიან სხვადასხვა ქალაქიდან. მათ შორის თბილისიდან, რომელთა  წარმატებასა და სასურველი სამუშაო სივრცის შექმნაში ჰრ დეპარტამენტი ყველაზე დიდ როლს თამაშობს. ორიენტირებულები ვართ გრძელვადიან თანამშრომლობაზე და  თითოეული თანამშრომლის კარიერულ განვითარებაზე.

HR hub: პანდემიაზე კითხვას გვერდს ვერ ავუვლით, რა მთვარი გამოწვვები გამოიკვეთა პანდემიის პირობებში და როგორ უმკლავდებით მათ?

ჩემი აზრით სწორედ პანდემიის  დაწყების პერიოდი იყო ის გარდამტეხი მომენტი, როდესაც კომპანიას უნდა დაემტკიცებინა,  რომ მისთვის მნიშვნელოვანი იყო თითოეული თანამშრომელი და მათი შენარჩუნება. იმ დროს, როდესაც ჰორეკა ბიზნესი მნიშვნელოვანად დაზარალდა, ჩვენც არ ვყოფილვართ გამონაკლისები და სასტუმრო ფაქტიურად მომხმარებლის და შესაბამისად შემოსავლის გარეშე დარჩა. ჩვენთვის თითოეული თანამრომელი არის მნიშვნელოვანი ამიტომ, მაქსიმალურად მოვერგეთ არსებულ მდგომარეობას. გარკვეული თანამშრომლების ნაწილი გადავიდა დისტანციურ რეჟიმზე და შედგა სპეციალური გრაფიკი. ამ ყველაფრის საფუძველზე შევინარჩუნეთ გუნდი და არცერთი მათგანი არ დავტოვეთ შემოსავლის გარეშე.

HR hub: როგორ ვითარდება კომპანია და რა გეგმები გაქვთ სამომავლოდ?

კომპანიას ამ ეტაპზე მუდმივად დასაქმებული ჰყავს  200 თანამშრომელი. სამუშაო სპეციფიკიდან გამომდინარე, სეზონურ პერიოდში თანამშრომლების რაოდენობა გაიზრდება 600-მდე. ამავდროულად კომპლექსს ემატება ახალი სასმელებისა და კვების ობიექტი, საცხოვრებელი კორპუსი, რომელიც მოიცავს როგორც სასტუმროს ნომრებს ისე აპარტამენტებს,  რაც მუდმივ დასაქმებულთა რაოდენობას გაზრდის 250 თანამშრომლამდე.

გარდა ამისა,  HR დეპარტამენტი მუდმივად მუშაობს პროცესების დახვეწაზე, თანამშრომელთა სამუშაო უნარების განვითარებაზე.

როგორც აღვნიშნე, თანამშრომლების გარკვეული ნაწილი, შერჩეულია სხვადასხვა ქალაქიდან რომლებიც ცხოვრობენ ჩვენს სასტუმროში, მათ შორის მეც. ასეთ დროს, ჩვენი მთავარი ამოცანაა და ყველაზე მნიშვნელოვანია ოჯახური გარემოს შექმნა, სადაც თანამშრომელი თავს იგრძნობს კომფორტულად, ბედნიერად, იქნება მოტივირებული შეასრულოს მისი საყვარელი საქმე, რაც რა თქმა უნდა საწინდარია კომპანიის წარმატების.

Connections – კომპანია, რომლის მიზანია გუნდს და გუნდის მომავალ წევრს ერთმანეთი აპოვნინოს/More than Recruiting – “Connections” offers its partners customized selection process

Connections – სულ ახლახანს შეიქმნა და 3 ძირითადი მიმართულებით მუშაობს:  რეკრუტინგი, ჰანთინგი და ბიზნეს კონსალტინგი. Continue reading “Connections – კომპანია, რომლის მიზანია გუნდს და გუნდის მომავალ წევრს ერთმანეთი აპოვნინოს/More than Recruiting – “Connections” offers its partners customized selection process”

,,ჩემთვის მნიშვნელოვანია, რომ თანამშრომელი იყოს ბედნიერი და უხაროდეს სამსახურში მოსვლა” – გენო ძიძიგური

ჰილტონ ბათუმი საქართველოში პირველი ორგანიზაციაა, რომელმაც საუკეთესო სამუშაო ადგილის – „Great Place to Work®“ სერტიფიკატი მოიპოვა. Continue reading “,,ჩემთვის მნიშვნელოვანია, რომ თანამშრომელი იყოს ბედნიერი და უხაროდეს სამსახურში მოსვლა” – გენო ძიძიგური”

,,კომპანიის წარმატება დამოკიდებულია ჩვენს თანამშრომლებზე” – მიშა აბაიაძე მოორ ეიბისის დირექტორი

მოორ ეიბისი 2008 წლიდან ეწევა  საბუღალტრო და საგადასახადო აღრიცხვა-ანგარიშგების მომსახურებას, ქონების შეფასების, აუდიტის და დაკავშირებული პროფესიული მომსახურების სფეროში მთელი საქართველოს მასშტაბით. კომპანიის საქმიანობის შესახებ ვესაუბრეთ მის დირექტორს მიშა აბაიაძეს.

HR hub: რას გვეტყვით ადამიანური კაპიტალის მართვის თქვენეულ მიდგომაზე, რაც გამოარჩევს კომპანიას, როგორც დამსაქმებელს და როგორ აისახება ამ მიდგომის ეფექტიანობა შედეგებზე?

„მოორ“-ში ჩვენ ხელს ვუწყობთ ადამიანებს, წარმოაჩინონ თავიანთი საუკეთესო შესაძლებლობები და ინდივიდუალურობა. ვაცნობიერებთ, რომ კომპანიის წარმატება დამოკიდებულია ჩვენს თანამშრომლებზე და ვაფასებთ თითოეული მათგანის ძალისხმევას.

ჩვენი სამუშაო გარემო დაფუძნებულია გუნდურობაზე, თანამშრომლობაზე და ერთმანეთის მხარდაჭერაზე. ჩვენ გვსურს მივცეთ თანამშრომლებს თავისი პოტენციალის სრულად გამოვლენის საშუალება. ამისთვის, ვცდილობთ ხშირად დავგეგმოთ არაფორმალური აქტივობები, რათა ახალმა თანამშრომლებმა მალე გაიარონ ადაპტაციის პერიოდი და შეძლონ  საკუთარი შესაძლებლობების წარმოჩენა გუნდური მუშაობის პროცესშიც.

გვჯერა, რომ პროფესიული განვითარების მუდმივი ხელშეწყობა კომპანიის მხიდან, ზრდის თანამშრომლების მოტივაციას დამოუკიდებლადაც გაეცნონ სიახლეებს თავიანთ სფეროში და იყვნენ მუდმივად არსებული ტენდენციების თანადროულები რაც, თავის მხრივ, მნიშვნელოვნად ზრდის შესრულებული სამუშაოს ხარისხს და აისახება კომპანიის დამკვეთების კმაყოფილებაზე.

HR hub: რა კარიერულ შესაძლებლობებს ქმნის კომპანია ახალგაზრდა ტალანტებისთვის, რომლებიც ახლა იწყებენ კარიერას?

ადამიანებს, რომლებიც ახლა დგამენ პირველ ნაბიჯებს კარიერაში, ჩვენთან აქვთ უსაზღვრო შესაძლებლობები მიაღწიონ წარმატებას კარიერაში. სტაჟირების ეტაპიდანვე ჩვენ უზრუნველვყოფთ მათ „მოორ“-ის კომპანიის შიდა და საერთაშორისო გუნდის მიერ ორგანიზებული სხვადასხვა ტიპის ტრენინგებით, პროფესიული ზრდის მუდმივი შესაძლებლობით და უწყვეტი განვითარების შესაძლებლობით.

კარიერის საწყისი ეტაპიდანვე ახალგაზრდებს შეუძლიათ მიიღონ ახლო საქმიანი ურთიერთობების გამოცდილება დირექტორებთან და მენეჯერებთან და ჰქონდეთ უფრო მეტი პირდაპირი კონტაქტი კლიენტებთან მრავალფეროვან სამუშაო გარემოში.

ჩვენი კომპანიის კარი ღიაა ჩვენი სფეროთი დაინტერესებული ყველა იმ ადამიანისთვის, რომელსაც შეუძლია ჩვენი კლიენტებისათვის დამატებითი ღირებულების შეთავაზება. შესაბამისად, ჩვენ მუდმივად ვეძებთ  მოტივირებულ ადამიანებს, რომლებიც ორიენტირებულნი არიან მაღალი ხარისხის მომსახურების მიწოდებაზე და აქვთ სურვილი იყვნენ ჩვენი ზრდისა და წარმატების მნიშვნელოვანი ნაწილი. ყოველთვის მზად ვართ მივიღოთ ასეთი თანამშრომლები ჩვენს გუნდში და შევუქმნათ ყველა პირობა განვითარებისთვის, მათი სამუშაო გამოცდილების მიუხედავად.

HR hub: რა შედეგებით დასრულდა HR hub – ის მიერ ორგანიზებული დასაქმების ფესტივალი „საყოველთაო გასაუბრება“ თქვენი კომპანიისთვის? რა იყო ფესტივალზე მოსული კანდიდატების შერჩევის მთავარი კრიტერიუმები?

„საყოველთაო გასაუბრება“ ჩვენთვის საკმაოდ საინტერესო გამოცდილება იყო. შევეცადეთ მაქსიმალურად ბევრი  კანდიდატისთვის მიგვეცა საშუალება. კომპანიის აუდიტის, აუთსორსინგის და შეფასების დეპარტამენტის ხელმძღვანელებთან შეხვედრის შედეგად, წლევანდელმა დასაქმების ფორუმმა წარმატებულად ჩაიარა და რამდენიმე კანდიდატი ჩვენს კომპანიას შემოუერთდა.

როგორც უკვე ვახსენე, ჩვენი მიზანი ახალგაზრდებისთვის კარიერული განვითარების შესაძლებლობის უზრუნველყოფაა, შესაბამისად დასაქმების ფესტივალზე წარმოდგენილი ვაკანსიებისთვის სამუშაო გამოცდილება ნამდვილად არ ყოფილა გადამწყვეტი. ჩვენი ინტერესის საგანი აქტიური, მოტივირებული და განვითარებაზე ორიენტირებული კანდიდატები იყვნენ, რომელთაც ვაკანტური პოზიციის შესაბამისი, მინიმალური აუცილებელი თეორიული ცოდნა და განვითარების შინაგანად დიდი მოტივაცია გააჩნდათ.

HR hub: რა გეგმები გაქვთ სამომავლოდ?

„მოორი“ როგორც კომპანია მუდმივად იზრდება და ვითარდება. ჩვენი მიზანია ვიყოთ ხარისხიანი მომსახურების მომწოდებელი საქართველოში. მომავალ თანამშრომლებს შეუძლიათ დარწმუნებული იყვნენ, რომ ისინი იმუშავებენ მაღალი რეპუტაციის ბრენდის საერთაშორისო ქსელში, რომელიც დაეხმარებათ მათ კარიერული წარმატების მიღწევაში. ჩვენ გვჯერა უწყვეტი განათლების და მივისწრაფით ჩვენი თანამშრომლების უნარების განვითარებისათვის რათა ისინი გახდნენ პროფესიონალები.

გვჯერა, რომ ამ პროცესს დასასრული არ აქვს და ყოველთვის ვზრუნავთ როგორც ჩვენი მომსახურების სრულყოფაზე, ისე თანამშრომელთა კმაყოფილებაზე. კლიენტთა პორტფელის ზრდას შესასრულებელი სამუშაოს მოცულობის გაზრდაც მოსდევს, შესაბამისად, ვცდილობთ მუდმივად ვიზრუნოთ ახალი ძალების დროულად მოზიდვაზე, რომ შევინარჩუნოთ დამკვეთების და თანამშრომლების კმაყოფილება. ეს არის ჩვენი სამომავლო გეგმაც და ძირითადი ორიენტირიც.