HR hub-ის ორგანიზებით, 20 აგვისტოს, 17:00 სთ-ზე ,,თამაშობანაში“ “HR შატალო” ჩატარდება.
HR hub და “თამაშობანა” დამეგობრდნენ და თქვენთვის დაუვიწყარი, სახალისო ღონისძიება დავგეგმეთ, რაც ბავშვობაშიც დაგვაბრუნებს და თან საქმიან თემებზეც ვისაუბრებთ.
ვინც შვებულებაში ჯერ არ გასულხართ, შემოგვიერთდითნ HR შატალოზე!
ღონისძიების მიზანია HR მენეჯერებისთვის “თამაშ-თამაშით” ცოდნისა და გამოცდილების გაზიარება, ნეთვორქინგი, მხიარული გამოცდილების მიღება, რომელიც შემდეგში თანამშრომლებისთვის თიმბილდინგ აქტოვობების დაგეგმავასა და მათ მოტივირებაში დაეხმარებათ.
ღონისძიების მთავარი თემაა: მოტივაცია, თიმბილდინგი, გუნდურობა და შვებულების მაგიური ძალა, რადგან შვებულება მხოლოდ დასვენება კი არა, გუნდის გაძლიერების შესაძლებლობაცაა.
ერთად ვიმსჯელებთ:
- როგორ შევინარჩუნოთ გუნდში მოტივაცია?
- რატომ არის შვებულება აუცილებელი გუნდისთვის ახალი ენერგიის მისაღებად?
- როგორ ვხედავთ დასვენებას როგორც მენეჯმენტის სტრატეგიულ ნაწილს;
- რა გავლენა აქვს შვებულებას ემოციურ გამოფიტვაზე (burnout) და თანამშრომელთა შენარჩუნებაზე;
- როგორ დავგეგმოთ თიმბილდინგი ისე, რომ მას მართლა ჰქონდეს ეფექტი?
ვინ იქნებიან სპიკერები
ზუსტად რა გელოდებათ ” HR შატალოზე?
კულინარიული ვორქშოპი
SMEG-ის ტექნიკით აღჭურვილ სამზარეულოში გავაკეთებთ ფერადი პასტების ვორქშოპს. ერთად მოვამზადებთ ცომს, შევარჩევთ ფერებს, გავატარებთ SMEG-ის pasta roller&cutter-ში, ბოლოს კი გემრიელ სოუსთან ერთად მივირთმევთ.
დისკოს ვორქშოპი
შეარჩიეთ მუსიკალური კომპოზიცია და დისკოს ოთახში გუნდთან ერთად ჩაწერთ მუსიკალურ კლიპს, ეს ყველაფერი კი შთამბეჭდავი paper disco-ს, ბრჭყვიალა დისკო ქაღალდებით მხიარულების ფონზე.
კრაფტის ვორქშოპი
ვისაც უფრო მშვიდი გართობა ურჩევნია, კრაფტის ოთახში ქოთნებს შევღებავთ და შემდეგ მცენარესაც ჩავრგავთ.
რომელი ვორქშოპი გინდა შენ, ა-მო-ირ-ჩი-ე!
ვორქშოპების შემდეგ თამაშობანას თეატრის სივრცეში მოუსმენთ სპიკერებს.
თამაშობანას შესახებ:
თამაშობანა მულტიფუნქციური საოჯახო სივრცეა მზიურში, რომელიც 2025 წლის მაისში გაიხსნა.
თამაში უნიკალური გზაა გუნდების წინაშე არსებული გამოწვევების, ხალისიანად გადასაჭრელად და ზოგჯერ უბრალოდ ყოველდღიური სირთულეებისგან ამოსასუნთქად, ამიტომ შექმნეს „შატალო“ – უნიკალური თიმბილდინგ პროექტი გუნდებისთვის.
HR-ები შატალოზე თამაშობანაში!
შემოგვიერთდით!
