“ACT 𝟐 ნოემბერს HR მენეჯერებისთვის საინტერესო ვებინარს ჩაატარებს” – ლაშა ბოკუჩავა

მთავარი საინფორმაციო-ანალიტიკური HR ჟურნალი – www.HRhub.ge აგრძელებს HR მენეჯერებისთვის საინტერესო სიახლეებზე წერას.

ლაშა ბოკუჩავას  ACT – ის ბიზნეს ანალიტიკის მიმართულების ლიდს, პარტნიორს, დაგეგმილი ღონისძიების Leadership Scanner დეტალებზე ვესაუბრეთ .

HR hub: როგორც ჩვენთვის ცნობილია, ACT 𝟐 ნოემბერს HR მენეჯერებისთვის საინტერესო ვებინარს გეგმავს, მოგვიყევით ვინ იქნებიან სპიკერები?

ვებინარის სპიკერები არიან კვლევისა და საკონსულტაციო კომპანია ეისითის მენეჯმენტის წარმომადგენლები:

• ლაშა ბოკუჩავა – ეისითის ბიზნეს ანალიტიკის მიმართულების ლიდი, პარტნიორი, ორგანიზაციული განვითარების კონსულტანტი, მკვლევარი და მონაცემთა ანალიტიკოსი 15+ წლიანი გამოცდილებით. ლაშა წარადგენს „Leadership Scanner“ -ს და ისაუბრებს, მის უნიკალურ შესაძლებლობებზე
• თინათინ რუხაძე – ეისითის ხედვის ლიდი, ეისითის დამფუძნებელი, სერიული ანტრეპრენერი, ბიზნეს-ლიდერი და მენეჯერი 20 წლიანი გამოცდილებით. თიკა ისაუბრებს მენეჯერულ გადაწყვეტილებებში ამ ინსტრუმენტის როლსა და ბენეფიტებზე.

ლიდერობის სკანერის წარდგენასთან ერთად ვებინარზე გამოცდილებას გააზიარებენ იმ კომპანიის წარმომადგენლები, ვინც რეალურად ისარგებლა ეისითის ექსკლუზიური პროდუქტით. პროდუქტის შედეგად მიღებულ ბენეფიტებზე ისაუბრებენ აჭარაბეთის ორგანიზაციული განვითარების დირექტორი ნინო მაისურაძე და ევექს ჰოსპიტლების ორგანიზაციული განვითარების დირექტორი ნინო შადური.

HR hub: რა იქნება ვებინარის მთავარი თემა?

ვებინარის მთავარი თემაა ორგანიზაციაში ტალანტების აღმოჩენისა და მართვის უნიკალური ინსტრუმენტი Leadership Scanner-ი, რომელიც  ეისითის ექსკლუზიური და მაღალტექნოლოგიური პროდუქტია.

HR hub: რას გულისხმობს 𝐋𝐞𝐚𝐝𝐞𝐫𝐬𝐡𝐢𝐩 𝐒𝐜𝐚𝐧𝐧𝐞𝐫 და როგორ გამოიყენებენ ამ სერვისს HR მენეჯერები?

ლიდერების სკანერი აქტუალურია ორგანიზაციებისთვის, რომლებიც ორიენტირებულნი არიან განვითარებაზე, სურთ ტალანტების აღმოჩენა და მათი შენარჩუნების ეფექტურ გზებს ეძებენ; აღნიშნული პროდუქტი ასევე განკუთვნილია კომპანიებისთვის, რომელშიც იგეგმება ან მიმდინარეობს ტრანსფორმაცია ან მასშტაბური რეორგანიზაცია და მის მესვეურებს სურთ გაარკვიონ – ვის შეიძლება დაეყრდნონ ცვლილებების პროცესში, გამოავლინონ აზრის ლიდერები  და გაარკვიონ ვის აქვს ლიდერობის პოტენციალი სამომავლოდ.

• ვინ არიან აზრისა და კომპეტენციის ლიდერები კომპანიაში
• სად აქვს ორგანიზაციას სუსტი რგოლი მენეჯმენტში და ვის სჭირდება გაძლიერება?
• რომელ სტრუქტურულ ერთეულებში არსებობს მემკვიდრის (successor) პრობლემა?
• ვის აქვს ლიდერობის პოტენციალი და ვის უნდა მიეცეს ფართო არეალი თვითრეალიზაციისთვის
• სად იკვეთება კომპანიაში სუსტი დელეგირება და შეინიშნება მიკრომენეჯმენტი?
• ვის შეიძლება დაეყრდნოთ ცვლილებების პროცესში?
• სად იქმნება „ძაბრი“ და სად სჭირდება შუალედური რგოლის გაძლიერება კომპანიას
• თანამშრომლებიდან ვინ დგას „გადაწვის“ რისკის ქვეშ და ვინ შეიძლება დაკარგოს კომპანიამ

დღეს ეს საკითხები უაღრესად მნიშვნელოვანი და აქტუალურია განვითარებაზე ორიენტირებული ყველა ორგანიზაციისთვის. „Leadership Scanner“ კი სწორედ ის უნიკალური მაღალტექნოლოგიური გადაწყვეტაა, რომელიც ყველა ზემოთ დასმულ კითხვას პასუხობს

HR hub: რა გეგმები გაქვთ სამომავლოდ?

Leaderships Scanner-მა ძალიან მალე მოიპოვა ნდობა საქართველოში. საშუალო და მსხვილი კომპანიების ნაწილმა უკვე ისარგებლა პროდუქტით ან უახლოეს მომავალში გეგმავს მის გამოყენებას ტალანტების მართვის პროცესში. მომხმარებლებიდან წამოსულმა ინტერესმა მოგვცა დამატებითი სტიმული უფრო მეტ ორგანიზაციას მივაწვდინოთ ხმა და მივცეთ პროდუქტით სარგებლობის შესაძლებლობა. 2022 წელს ვაპირებთ გლობალურ ბაზარს შევთავაზოთ Leadership Scanner. საერთაშორისო განვითარების სტრატეგია სწრაფ ზრდაზე იქნება ორიენტირებული და ვეცდებით მაქსიმალურად მოკლე დროში ჩამოვაყალიბოთ გლობალური პარტნიორობის ქსელი. კიდევ ერთ სიახლეს გაგიმხელთ – ახლო მომავალში ვაპირებთ, ყველა HR ლიდერს, ვინც დააგროვებს Leadership Scanner-ის გამოყენების პრაქტიკას და ექნება სურვილი საკუთარი გამოცდილება გაუზიაროს სხვა კომპანიებს (გლობალურად) – ამის შესაძლობლას მივცემთ. სწორედ ამ მიზნით, 2022 წლიდან ვაპირებთ ავამოქმედოთ სასერთიფიკატო პროგრამა, რომლის ფარგლებშიც მოვამზადებთ კონსულტანტებს. Leadership Scanner-ით მოსარგებლე ყველა კომპანიის ერთ წარმომადგენელს პროექტის ფარგლებში სასერთიფიკატო პროგრამის გავლას შევთავაზებთ.