HRhub.ge აგრძელებს ბლიც-ინტერვიუებს HR მენეჯერებთან.
რუბრიკის “HR მენეჯერი“ სტუმარია, ,,ელემენტ კონსტრაქშენის” HR დეპარტამენტის ხელმძღვანელი ეკა ზედელაშვილი, რომელსაც ადამიანური რესურსების სფეროში მუშაობის 12 წლიანი გამოცდილება აქვს.
HR hub: რომ არა HR ვიქნებოდი…
ეკა: მიჭირს წარმოდგენა, ალბათ, უფრო კომუნიკაციების სფეროში ვეცდებოდი ჩემი უნარების რეალიზებას – PR, Marketing…
HR hub: რეზიუმეების გადარჩევისას ყველაზე დიდ მნიშვნელობას ვანიჭებ
ეკა: რამდენად სტრუქტურირებულია რეზიუმე, ადვილად იკითხება თუ არა ძირითადი ინფორმაცია
HR hub: არასდროს მივიღებ სამსახურში ადამიანს …
ეკა: რომელიც ვერ დამარწმუნებს, რომ მისი მთავარი მოტივაცია სწორედ ამ პოზიციაზე მუშაობაა და არა ის, რომ უბრალოდ დასაქმდეს (სულ ერთია სად).
HR hub: ადამიანს, რომელიც უშედეგოდ ცდილობს დასაქმებას ვურჩევდი …
ეკა: გაიარონ სტაჟირება და დაიწყონ თუნდაც სულ მცირედიდან. აუცილებლად გამოჩნდება შემდეგ უკეთესი შესაძლებლობები.
HR hub: 3 წიგნი, რომელიც HR-ს აუცილებლად უნდა ჰქონდეს წაკითხული …
ეკა: არ დავიწყებ პროფესიულ ლიტერატურაზე საუბარს. ახლა უცებ რაც მახსენდება არის HR-ს კი არა ზოგადად ყველა ადამიანს უნდა ჰქონდეს წაკითხული ,,ტომ სოიერის თავგადასავალი”, ,,მიჯაჭვული ტიტანი”, ,,ფრანით მორბენალი” და ზოგადად ვთვლი რომ წიგნის კითხვის გარეშე პიროვნული განვითარება შეუძლებელია.
HR hub: ადამიანისთვის ყველაზე დიდი მოტივატორია …
ეკა: როდესაც ხედავს, რომ მისი შრომა ვიღაცას აბედნიერებს და რეალურად კარგ საქმეს ემსახურება, ზუსტად ასეთი სფეროა ახლა ჩემთვის მშენებლობა!
HR hub: შეცდომა, რომელზეც ვისწავლე …
ეკა: როდესაც გადავწყვიტე რომ საკუთარი თავი ამოვწურე HR-ში და 3 წელი სხვა სფეროში გადავედი. შეცდომასაც ვერ დავარქმევ, ალბათ უფრო გამოცდილება იყო, რომელმაც ზუსტად დამანახა სად არის ჩემი ადგილი.
HR hub: საქართველოს შრომის ბაზარზე ყველაზე დიდ პრობლემად მიმაჩნია …
ეკა: დისბალანსი არსებულ კადრებსა და რეალურად საჭირო პროფესიებს შორის.
HR hub: განათლების სისტემაში შევცვლიდი …
ეკა: საჭიროა იმ პროფესიების მეტი პოპულარიზაცია, რომელიც რეალურად დღეს შრომით ბაზარზე მოთხოვნადია, მაგრამ სამწუხაროდ ამ პროფესიის კადრების დიდი დეფიციტია…
