შემოგვიერთდით

გამორჩეული სივრცეები კორპორატიული ღონისძიებისთვის

საახალწლო პერიოდში ყველა HR პროფესიონალი ეძებს სივრცეს კორპორატიული ღონისძიების ჩასატარებლად. მოგიმზადეთ სტატია, სადაც გაგაცნობთ რამდენიმე გამორჩეულ ადგილს.

შუაგულის ეკოლოგიურად სუფთა გარემო თბილისიდან 15 წუთის სავალზე მდებარეობს. ბუნებრივი გარემო და ხედები საუკეთესო ერთობლიობას ქმნის ნებისმიერი ტიპის დღესასწაულისთვის. რაც მთავარია „შუაგულის” გუნდი ყველა ღონისძიებასა და სტუმარს ინდივიდუალურად უდგება.

რა სახის სივრცეები გაქვთ კორპორატიული ღონისძიებებისთვის და რამდენ ადამიანზეა გათვლილი?

„შუაგული“ იდეალური ადგილია კორპორატიული წვეულებისთვის. არ აქვს მნიშვნელობა რა მასშტაბის ღონისძიების დაგეგმვა გსურთ. 7 განსხვავებული სივრცე – გარდენი, მთავარი და პანორამული დარბაზები, ბიბლიოთეკა, ქართული ოთახი, ლაუნჯი და სეზონზე აუზი – სრულიად აკმაყოფილებს წვეულებებისთვის საჭირო მოთხოვნებს. შეგვიძლია ვუმასპინძლოთ ერთდროულად რამდენიმე ღონისძიებას, როგორც მცირე ჯგუფების, ასევე 250-300 ადამიანზე გათვლილ სივრცეებში.

თუ გაქვთ მომსახურების სრული პაკეტი: მუსიკა, გაფორმება, ფოტო გადაღება და ა.შ.

„შუაგულის“ გუნდი მზად არის მომსახურების მაღალი ხარისხით და განსაკუთრებული შეთავაზებებით ვუმასპინძლოთ ნებისმიერ მოთხოვნას, რომელიც ჩვენთან მოსულ სტუმარს გაუჩნდება. შეგვიძლია მომსახურების სრული პაკეტის შეთავაზება, რაც გულისხმობს თემატურ დეკორაციებს, მუსიკას, ფოტო-ვიდეო გადაღებას, წამყვანისა და გასართობი, წამახალისებელი თამაშების შეთავაზებას. ასევე, რადგანაც ქალაქგარეთ ვართ, სტუმრებს ვთავაზობთ ტრანსპორტირებას გამოცდილი მძღოლითა და  კომფორტული მიკროავტობუსებით.

მცირე ჯგუფებს,  რომლებსაც სადღესასწაულო სივრცეების დაჯავშნა არ სჭირდებათ, შეუძლიათ გვესტუმრონ ნებისმიერ საღამოს. ყოველდღე გვაქვს ცოცხალი მუსიკა და სადღესასწაულო განწყობა, რომლითაც შევძლებთ განსაკუთრებული, დასამახსოვრებელი და შთაბეჭდილებებით სავსე დღე შევქმნათ.

როგორი ტიპის მენიუები გაქვთ და სასმელის შემოტანა შეიძლება თუ არა?

„შუაგულს“ განსაკუთრებულად გემრიელი სავიზიტო ბარათი აქვს. მენიუს ინდივიდუალურად ვადგენთ სტუმრების მოთხოვნებიდან გამომდინარე და ვცდილობთ გამორჩეული, განახლებული კერძებით თავი მოვაწონოთ. რაც შეეხება ბარს, რა თქმა უნდა გვაქვს ალკოჰოლური სასმელების მრავალფეროვნება. თავს ვიწონებთ გამორჩეული კოქტეილებით, რომლის დაგემოვნებასაც აუცილებლად ვურჩევთ ჩვენთან მოსულ სტუმარს.  თუმცა, ასევე გვაქვს გამონაკლისებიც, რაც გულისხმობს ღვინის შემოტანას დიდ წვეულებაზე, რომელსაც ინდივიდუალურად განვიხილავთ.

საკონტაქტო პირი

„შუაგულის“ გუნდი მზად ვართ ჩავინიშნოთ თქვენი ღონისძიებისთვის სასურველი თარიღი და ეს დღე გამორჩეული, დასამახსოვრებელი გავხადოთ:  +995 596 97 49 49; info@shuaguli.ge

Bachata Community

რა სახის სივრცეები გაქვთ კორპორატიული ღონისძიებებისთვის და რამდენ ადამიანზეა გათვლილი?

ჩვენი სივრცე გამოირჩევა ესპანური და მექსიკური კულტურის დამახასიათებელი ინტერიერით. ბაჩატა ქომუნითი მასპინძლობს ფურშეტის შემთხვევაში მაქსიმუმ 80 სტუმარს, ვახშამზე 60 სტუმარს

თუ გაქვთ მომსახურების სრული პაკეტი: მუსიკა, გაფორმება, ფოტო გადაღება და ა.შ

გვაქვს მომსახურების სრული პაკეტი და განსხვავებული, საინტერესო იდეები თემატური კორპორატიული წვეულებისთვის. ესპანურ, ლათინო ამერიკულ, პორტუგალიურ და მექსიკურ სტილში. ასევე თემატური დეკორაციები.

როგორი ტიპის მენიუები გაქვთ და სასმელის შემოტანა შეიძლება თუ არა?

ესპანური და მექსიკური კერძებით სავახშმო და ფურშეტის კანაპე მენიუ იგივე კონცეფციით. სასმელის შემოტანა არ შეიძლება, თუმცა სანაცვლოდ დახურვის საკომისიოს არ იხდის სტუმარი და არც მომსახურების პროცენტი გვაქვს, ფასებში შესულია დღგც.

საკონტაქტო პირი

მარიამ გოგოჭური 591995005

The Hilton Garden Inn Tbilisi River view

რა სახის სივრცეები გაქვთ კორპორატიული ღონისძიებებისთვის და რამდენ ადამიანზეა გათვლილი?

სასტუმროში მოქმედი რესტორანი Together & Co საერთაშორისო ბრენდია. აქ სტუმრებს საუზმით, სადილითა და ვახშმით გაუმასპინძლდებიან. ბარში კი – გემრიელი სასმელებისა და კოქტეილების დაგემოვნებას შეძლებენ. Together & Co-ს თბილი, მყუდრო სივრცე Hilton Garden Inn-ის სტილშია დაპროექტებული. ეს არის საუკეთესო ადგილი კორპორატიული ღონისძიებების ჩასატარებლად.
თუ გაქვთ მომსახურების სრული პაკეტი: მუსიკა, გაფორმება, ფოტო გადაღება და ა.შ

ღონისძიების დაგეგმვის შემთხვევაში, შეგვიძლია ყველა ტიპის მომსახურების გაწევა:  მუსიკა, გაფორმება, ფოტო გადაღება და ა.შ
როგორი ტიპის მენიუები გაქვთ და სასმელის შემოტანა შეიძლება თუ არა?

მენიუ გვაქვს: ყავის შესვენების, ლანჩის და ვახშმის ვარიანტები როგორც ქართული ასევე ევროპული.
საკონტაქტო პირი მარიამ ზირაქაშვილი, mariam.zirakashvili@hilton.com – 598 69 19 15

Ramada by Wyndham Tbilisi old City

რა სახის სივრცეები გაქვთ კორპორატიული ღონისძიებებისთვის და რამდენ ადამიანზეა გათვლილი?

რამადა ეს არის სასტუმრო. გვაქვს ტერასის შემოთავაზება, რომელიც სხვადახვა წყობის მიხედვით იტევს დამჯდარ (აქაც სხვაობაა გაშლაში) 450 პერსონას, ხოლო ფურშეტის შემთხვევაში შესაძლებელია 700 ადამიანიც. ტერასა განთავსებულია მე-8 სართულზე და იშლება ულამაზესი ხედი მთაწმინდასა და ძველ თბილისზე. აქ შეიძლება ჩატარდეს ნებისმიერი ტიპის ღონისძიება. ფოტოსესიისთვის გამოიყენება შიდა და გარე აუზი, ასევე ღია ტერასა, სადაც ყველანაირი დეკორაციის განთავსებაა შესაძლებელი.

რაც შეეხება მომდევნო სივრცეებს: სასტუმროს ეზოში დგას წითელ წიგნში შეტანილი 4 სართულიანი შენობა,  სადაც მდებარეობს უნიკალური მარანი და აქ კეთდება განსაკუთრებული ტურები ქვევრის ღვინის მოყვარულთათვის და ასევე დახურული ვახშამი მისტიურ ოთახში სანთლის განათებაზე 12 ადამიანზე, ფურშეტზე კი – 100.

მეორე სართულზე, დიდი აივნიანი სივრცეა, რომელიც სრულად გამოხატავს ქართულ სულს და არქიტექტურას. თვითონ დარბაზიც წითელი აგურით არის მოპირკეთებული. აქ შესაძლებელია 110 კაციანი (მჯდომარე) მდგომარეობაში ღონოსძიება და ასევე ტარდება ტრენინგები.

ამავე შენობაში გვაქვს ერთი სართული, სადაც 60 კაცამდე მყუდრო ღონისძიება ტარდება, ბარის-კლუბის განწყობით და ასევე კეთდება სუპერ კლასიკური გარემოც. ამ შენობის მე-4 სართულზე გვაქვს მანსარდა, სადაც ეწყობა მყუდრო სალონური საღამოები, თიმ ბილდინგები და ძალიან ახალგაზრდული გარემოა. პუფებში რომ უნდა ჩაჯდე და ისიამოვნო ისეთი. აქაც თავისუფლად ეტევა 100 ადამიანი.

თუ გაქვთ მომსახურების სრული პაკეტი: მუსიკა, გაფორმება, ფოტო გადაღება და ა.შ

ყველა სივრცეში, დიზაინის შექმნის გარდა, ვწერთ სცენარს და სრულ მომსახურებას ვუწევთ მომხმარებელს.

როგორი ტიპის მენიუები გაქვთ და სასმელის შემოტანა შეიძლება თუ არა?

მენიუ გვაქვს შერეული, მაგრამ ვასრულებთ ნებისმიერ მოთხოვნას. რაც შეეხება სასმელს, გააჩია სუფრას. ყველაფერი მოლაპარაკებაზეა.

საკონტაქტო პირი: სალომე ქადარია ივენთ მენეჯერი 591511912

HR hub ახალ სამუშაო სივრცეში Network გადავიდა

ინოვაციური ჰაბი HR სფეროში, სამუშაო ადგილს იცვლის. 1 სექტემბრიდან,  HR hub-ის ოფისი Network-ში განთავსდა.

ეს არის ახალი, მრავალფუნქციური სამუშაო სივრცე თბილისის ცენტრში (ვაკე, ჭავჭავაძის 33ე), სადაც მოსახერხებელი სამუშაო გარემოა ბიზნესებისთვის, ანტერპრენერებისა და ფრილანსერებისთვის. აქ შეხვდებით ტრენინგ სივრცეებსაც 50 – 60 ადამიანისთვის.

Network კვირის ნებისმიერ დღეს 24 საათის განმავლობაში ღიაა. შეგიძლიათ ისარგებლოთ როგორც ღია სამუშაო ადგილებით, ასევე ინდივიდუალური ,,ბოქს ოფისებით.

“ვფიქრობთ, რომ ოფისი კომპანიის კულტურის მნიშვნელოვანი ნაწილია. ჩვენი თანამშრომლები აქ თავს ისე იგრძნობენ, როგორც საკუთარ სახლში. ეს არის სამუშაო სივრცე, სადაც დაღლილობის გარეშე შესაძლებელია “დიდ იდეებზე” ფიქრი.

ძალიან თბილად დაგვხვდა ახალი ოფისის მეგობრული და საოცრად ყურადღებიანი მენეჯმენტი.
HR hub – ში ახალი ეტაპი იწყება.
ახალი სამუშაო სივრციდან Network • ნეთვორქი და ისევ ისეთი უსაზღვრო მოტივაციით HR სფეროს კვლავ გავანებივრებთ საინტერესი ამბებითა და სიურპრიზებით.” – ანა ნავდარაშვილი.

HR hub – ის ისტორია 2015 წელს დაიწყო. HR hub საქართველოში HR მენეჯერების უმსხვილესი ჰაბია და ვაერთიანებთ 3000-მდე HR მენეჯერს.

ჩვენი პროექტებია:

  • HR ბიზნეს სამიტი – წლის მთავარი HR ღონისძიება, ტარდება წეიწადში ერთხელ, გაზაფხულზე, მაისი-ივნისი. ესწრება 700-ზე მეტი HR დირექტორი, HR მენეჯრი, CEO;
  • HR hub – ის ყოველთიური ღონისძიებები;
  • HR Reborn – HR ღონისძიება, საერთაშორისო ბრენდების წარმომადგენლების (მაგ. გუგლი) მიერ ქართველი HR მენეჯერებისთვის გამოცდილების გაზიარების პალტფორმა;
  • HR სკოლა;
  • HR hub Next;
  • დასაქმების ფესტივალები;
  • რეკრუტინგული კამპანიების დაგეგმვა – განხორციელება;
  • HR hub Media www.HRhub.ge მთავარი საინფორმაციო – ანალიტიკური ონლაინ HR ჟურნალი და ა.შ ყველაფერი, რაც ადმაიანური კაპიტალის მართვისა და HR პროფესინალის განვითარებასა და წარმატებას უკავშირდება.

მაშ ასე, HR მენეჯერების უმსხვილესი ნეთვორქი Network – ის სივრციდან აგრძელებს თქვენთვის მუშაობას.

Network

505 55 58 85 info@networkspace.ge

Diomas Group თბილისში მოტივაციისა და ლიდერობის თემაზე 2 დღიან ვორქშოფს ჩაატარებს

Diomas Group-მა მოტივაციისა და ლიდერობის თემაზე ვორქშოფების სერია ევროპისა და ახლო აღმოსავლეთის ქვეყნებში ჩაატარა.  Continue reading “Diomas Group თბილისში მოტივაციისა და ლიდერობის თემაზე 2 დღიან ვორქშოფს ჩაატარებს”

როგორ გავხდე ფრილანსერი და დავსაქმდე დისტანციურად

 საქართველოს სტრატეგიული კვლევებისა და განვითარების ცენტრი  დისტანციურად დასაქმების მსურველებისთვის აცხადებს მიღებას ონლაინ ტრენინგ კურსზე „როგორ გავხდე ფრილანსერი და დავსაქმდე დისტანციურად“. Continue reading “როგორ გავხდე ფრილანსერი და დავსაქმდე დისტანციურად”

ევოლუშენ საქართველო სტუდენტ თანამშრომლებს 1000-ლარიანი სტიპენდიის აღების შანსს სთავაზობს

ევოლუშენ საქართველომ თანამშრომლებისათვის სტიპენდიის პროექტი დააანონსა, რომლის მიზანი სტუდენტების წახალისება და მათი მოტივაციის ზრდაა. Continue reading “ევოლუშენ საქართველო სტუდენტ თანამშრომლებს 1000-ლარიანი სტიპენდიის აღების შანსს სთავაზობს”

Tech Recruitment-ის მასტერკლასი HR-ებისთვის

Edutech წარმოგიდგენთ Tech Recruitment-ის მასტერკლასს HR-ებისთვის.

Continue reading “Tech Recruitment-ის მასტერკლასი HR-ებისთვის”

“შენი კარიერის მრჩეველი” – პროექტი, რომელიც დასაქმებაში დაგეხმარებათ

“შენი კარიერის მრჩეველი” – პროექტი დასაქმების ხელშეწყობის შესახებ შეიქმნა იმ ადამიანებისთვის, ვისაც რეკომენდაციები, მხარდაჭერა და რჩევები სჭირდებოდათ სამსახურის ძიების/კარიერის სწორად დაგეგმვის პროცესში. Continue reading ““შენი კარიერის მრჩეველი” – პროექტი, რომელიც დასაქმებაში დაგეხმარებათ”

ახალი პროფესიები – დამსაქმებელზე მორგებული რეკრუტმენტის მოდელი

Start-Academy  არის ინოვაციური საგანმანათლებლო სივრცე, სადაც სამუშაოს მაძიებელი ეუფლება   ახალ და ყველაზე მოთხოვნად პროფესიებს, იღებს თეორიულ ცოდნას და პრაქტიკულ გამოცდილებას, ყვება Start – Business Solutions-ის მმართველი პარტნიორი ლარისა პატარაია.

პროფესიული განათლება თანამედროვე სამყაროში ყველაზე მოკლე გზაა უპასუხო შრომის ბაზრის გამოწვევებს. ახალი პროფესიები, რომლებიც ბოლო 10 წლის განმავლობაში პოპულარული ხდება, მოითხოვს იმ უნარ-ჩვევების და ცოდნის ერთიანობას, რომლებსაც არსებული საგანმანათლებლო სივრცეები ნაკლებად უნვითარებს ადამიანს.  ჩვენ ერთი მხრივ ვცდილობთ შევქმნათ გარემო, სადაც პროექტში ჩართულ ადამიანებს ვაძლევთ გადამზადების უნიკალურ შესაძლებლობას ისე, რომ გაიზარდოს შრომის ბაზარზე მათი კონკურენტუნარიანობა და მეორე მხრივ,  ვაწყობთ პროცესს ისე, რომ დამსაქმებელმა მიიღოს ისეთი უნარ-ჩვევების და კომპეტენციების თანამშრომელი, რომელიც პირდაპირ პასუხობს მათ საჭიროებებს და მოთხოვნებს.

Start აკადემია იყენებს 3 საფეხურიან საგანმანათლებლო მოდელს, რომელიც სტუდენტს აძლევს საშუალებას ნულიდან დაიწყოს მისთვის სასურველი კურსის შესწავლა და საბოლოოდ კურსის დასრულების შემდეგ თეორიულ ცოდნასთან ერთად გააჩნდეს პრაქტიკული გამოცდილებაც.

საგანმანათლებლო მოდელი მოიცავს შემდეგ საფეხურებს:

  • ერთ თვიანი ონლაინ თვითსწავლების ფორმატი, სადაც დაინტერესებული პირი ვიდეო და საკითხავი სპეციალურად შექმნილი კონტენტის გამოყენებით აგროვებს ბაზისურ ცოდნას და აბარებს გამოცდას.

რის შემდეგაც ხდება კანდიდატების მრავალკომპონენტიანი შეფასება და კონკურსის წესით არჩევა. მაგალითისთვის მოვიყვან ჩვენი პირველი ნაკადის მონაცემებს, სადაც დარეგისტირებული 750 ადამიანიდან 45 შეირჩა და გადავიდა მეორე საფეხურზე.

  • ორთვიანი პირისპირ ტრენინგები – ეს საფეხური ჩვენთვის ძალიან მნიშვნელოვანია, რადგან შერჩეული კანინდატები გადიან ინტენსიურ პირისპირ სწავლებას ტრენერებთან. ჩვენ ვთანამშრომლობთ ყველაზე გამოცდილ და პრაქტიკოს სპეციალისტებთან, ვისი ჩართულობითაც იქმნება მთლიანად კურსი და მიმართულია თეორიული ცოდნის გაღრმავებისკენ და პრაქტიკული უნარების ჩამოყალიბებისკენ. პროფესიებს, რომლებსაც ვარჩვეთ, ვასწავლით თანამედროვე სოფტების გამოყენებით და პროექტში ჩართულ ადამიანებს ჰარდ სქილებთან ერთად, ტექნიკურ უნარებს ვუვითარებთ.
  • ოთხთვიანი მენტორინგის პროგრამა – (მოიცავს სტაჟირებას კომპანიაში და მიღებული ცოდნის პრაქტიკაში გამოყენებას; ამ ეტაპზე ჩვენი პროექტის მონაწილეები ერთვებიან პარტნიორი კომპანიების სამუშაო გარემოში და რეალურ ამოცანებზე იწყებენ მუშაობას მენტორების მეთვალყურეობის ქვეშ.

მთლიანი ციკლის დასრულების შემდეგ ვიღებთ გადამზადებულ, კვალიფიციურ სამუშაო ძალას გაუმჯობესებული უნარებით, რომელსაც აქვს კორპორაციული გამოცდილება. დატესტილია მისი როგორც ჰარდ, ასევე სოფთ სქილები და აკმაყოფილებს ყველა იმ მოთხოვნას, რომელიც დამსაქმებელს სჭირდება კონკრეტული პოზიციისთვის.

იქიდან გამომდინარე, რომ შრომის ბაზარი არის  მზარდი და ცვალებადი, გაჩნდა ბევრი ახალი პოზიცია. გამომდინარე იქიდან, რომ ბაზარზე კვალიფიციური კადრების დეფიციტი შეიქმნა, აკადამიამ გადაწყვიტა კურსების მიმართულებები განსაზღვროს შემდეგი კრიტერიუმებით:

  • ყველაზე მოთხოვნადი პროფესიები როგორც ადგილობრივ, ასევე გლობალურ ბაზარზე;
  • ისეთი მიმართულებები, სადაც არის კვალიფიციური კადრების ნაკლებობა;
  • მაღალი ანაზღაურება;

Start-Academy საგანმანათლებლო სივრცეში გამოჩნდა პროგრამით ‘’პროფესიული პროგრამები ICT სექტორისთვის ‘’, რომელიც დაფინანსებულია USAID Led skills development program – ის ფარგლებში.  2022 წლიდან დავიწყეთ პროექტის აქტიური ფაზა და ამჟამად შემდეგი მიმართულებებია განვითარებული:

  • ICT პროექტების მენეჯმენტი
  • მონაცემთა ანალიტიკა
  • კონტენტის შექმნა

აღნიშნულმა პროგრამამ  დიდი ინტერესი გამოიწვია და პირველ ეტაპზე პროგრამაზე რეგისტრაცია გაიარა 750-ზე მეტმა მსურველმა, პროგრამის მეორე ეტაპისთვის კი სამივე მიმართულებით შეირჩა 45 კანდიდატი და ამჟამად მიმდინარეობს კომპანიებში მენტორინგის ეტაპი. დაინტერესება კომპანიების მხრიდან მაღალია და ვფიქრობთ, რომ 15 ადამიანი აუცილებლად დასაქმდება თებერვლის ბოლოს მათ მიერ არჩეულ, ახალ პროფესიებზე მორგებულ პოზიციებზე.

ჩვენთვის ძალიან მნიშვნელოვანია, რომ პროგრამის მონაწილეებს  მივცეთ სწორედ ის ცოდნა და გამოცდილება, რაც რეალურად სჭირდებათ და დასაქმდნენ მაღალანაზღაურებად  პოზიციებზე. შესაბამისად, ვაგრძელებთ ახალი მიმართულებების დამატებას და ცვლილებების მსურველი ადამინებისთვის პროფესიულ განვითარებას.

SOFTSWISS 2022 წელს საუკეთესო სამუშაო ადგილად აღიარეს

საერთაშორისო პროდუქციის მიმწოდებელი ტექნო კომპანია SOFTSWISS, რომელიც ხელს უწყობს განვითარების ცენტრს თბილისში, 2022 წელს საუკეთესო სამუშაო ადგილად აღიარეს. Continue reading “SOFTSWISS 2022 წელს საუკეთესო სამუშაო ადგილად აღიარეს”

აქ ვინმე საჩუქარს ხომ არ ეძებს?!

ვაუჩი არის ჩუქების ვებ პლატფორმა, რომლის საშუალებითაც საჩუქრის მაძიებელს სულ რამდენიმე წუთში შეუძლია შეარჩიოს, შეიძინოს და გააგზავნოს ნებისმიერი პოპულარული ბრენდის ვაუჩერი  ციფრული ან ფიზიკური სახით.   Continue reading “აქ ვინმე საჩუქარს ხომ არ ეძებს?!”