HR სფეროში საქართველოში მთავარი საინფორმაციო-ანალიტიკური ინტერნეტ ჟურნალის www.hrhub.ge – ის რუბრიკის “HR მენეჯერი“ სტუმარია თინათინ ბონი – ჯეოსელის ადამიანური რესურსებისა და ადმინისტრაციის განყოფილების დირექტორი. Continue reading “HR მენეჯერი: თინათინ ბონი-„ყველაზე რთულია, როცა ადამიანის ბედს წყვეტ“”
კომპლექსი King David შედგება ორი კოშკისგან: King David Residences და King David Business Center. Continue reading “Colliers International Georgia-ს ახალი ოფისი King David-ის ბიზნეს ცენტრში”
გქონიათ შემთხვევა, როცა სამსახურში, განსაკუთრებული მნიშვნელობის საქმის შესრულებისას, მოულოდნელად გათიშულიყო კომპიუტერი, ან უბრალოდ, საათების განმავლობაში ნაწერი დოკუმენტი ტექნიკური ხარვეზების გამო წაგშლოდათ? თუ ეს ისტორიები თავს ერთხელ მაინც გადაგხდენიათ, თქვენ მარტო არ ხართ. რამდენიმე კვირის წინ ჩატარებული ბრიტანული კვლევის მიხედვით, თანამშრომლები წელიწადში საშუალოდ 9 დღეს მხოლოდ ტექნიკური ხარვეზების, ან მათგან გამოწვეული პრობლემების მოგვარებაში ხარჯავენ.
Ebuyer.com-ის მიერ ჩატარებული კვლევის თანახმად, რომელიც ერთ-ერთი ბრიტანული ტექნოლოგიური გიგანტია, თანამშრომლების 10% სხვადასხვა ტექნიკური ხარვეზების გამო დღეში 30 წუთს კარგავს, ხოლო გასაშუალოებული მაჩვენებელი 15 წუთსა და 17 წამს შეადგენს, მთლიანი ოფისის მასშტაბით. თუ გავითვალისწინებთ 2018 წლის წინასწარ განსაზღვრულ სამუშაო დღეებს, ეს რიცხვი წლიურად 9 დღემდე ადის, რაც შესაძლოა, მთლიან წელთან შედარებით დიდი რიცხვი არ არის, მაგრამ განსაკუთრებით პატარა კომპანიებისთვის, მნიშვნელოვანი უკუშედეგი აქვს.
ქვემოთ მოცემულია კვლევის შედეგად გამოვლენილი სფეროები, რომლებშიც ადამიანები ყველაზე მეტ დროს კარგავენ ტექნიკური პრობლემების მოგვარებაში:
სამართლის სფერო – 17 წუთი
ინფორმაციული ტექნოლოგიები – 17 წუთი
ინჟინერია – 16.5 წუთი
რეკრუტმენტი და HR – 16.3 წუთი
მარკეტინგი და პიარი – 16 წუთი
ბუღალტერია და ბანკები – 15.6 წუთი
მშენებლობა – 15.4 წუთი
ჯანდაცვა – 15.3 წუთი
განათლება – 15 წუთი
საჯარო სერვისები – 15 წუთი
როგორც მოსალოდნელი იყო, მთავარი ტექნიკური ხარვეზი ინტერნეტის ხარისხი და სიჩქარე იყო, რამაც გამოკითხულთა 44% მოაცდინა საქმეს ერთხელ მაინც ბოლო 6 თვის განმავლობაში. კომპიუტერებისა და ლეპტოპების გაუმართაობა მეორე მთავარი ტექნიკური ხარვეზია, რომელსაც თანამშრომელთა 41% ასახელებს, ხოლო მესამე ყველაზე მსხვილის ფაქტორი, როგორც აღმოჩნდა, პრინტერისა და მსგავსი მოწყობილობების გაუმართაობაა(40%).
Ebuyer.com-ის წარმომადგენელი დეივ ჯონსი (Dave Jones) აღნიშნულ კვლევასთან დაკავშირებით აცხადებს, რომ ტექნოლოგიური ხარვეზები იმ მომავალში, რომელსაც ჩვენ ვაშენებთ, ერთ-ერთი ყველაზე ხარჯიანი პრობლემა იქნება. შესაბამისად, კომპანიებმა დღესვე უნდა იზრუნონ აღნიშნული საკითხის ეტაპობრივად მოგვარებაზე. ამისათვის კი ყველაზე მარტივ გზას მოწყობილობისა და კავშირგაბმულობის სისტემების მუდმივი განახლება და ტექ-შემოწმებაა, რომელიც საბოლოო ჯამში, ბევრად უფრო იაფი ჯდება, ვიდრე პრობლემა, რომელიც მათი გაუმართაობის გამო გვექმნება.
საქართველოში, როგორც განვითარებად ქვეყანაში, კავშირგაბმულობის პრობლემები კიდევ უფრო მწვავეა, რომ აღარაფერი ვთქვათ თანამშრომლების მიერ გამოყენებად ტექნიკაზე, რომელიც 10-დან 9 შემთხვევაში მეორადია და შესაძლოა, მომსახურების ვადას გადაცელილიც კი. ეს პრობლემები მხოლოდ თანამშრომლების მოსაგვარებელი არ უნდა იყოს, ტექნიკური ხარვეზები, პირველ რიგში, კომპანიის სახელს, შემოსავლებსა და მომავალს აზიანებს.
90-იანი წლების დასაწყისიდან, ეკოლოგიასა და საკუთარ ჯანმრთელობაზე ზრუნვის ტრენდებთან ერთად, თამბაქოს პოპულარობამ საგრძნობლად იკლო. მეტიც, დღევანდელ ეპოქაში, მინიმუმ განვითარებულ ქვეყნებში მაინც, მოწევა დასაგმობი და მიუღებელი საქციელია.
მიუხედავად ამისა, მსოფლიოს მასშტაბით თითქმის 1 მილიარდი ადამიანი ეწევა, ხოლო თუ პროცენტულად შევხედავთ, განვითარებად ქვეყნებში მწეველების წილი ბევრად მაღალია, ვიდრე დასავლურ სამყაროში. საქართველოში, სადაც განვითარების შესახებ ჯერ კიდევ წიგნებიდან ვკითხულობთ, მოსახლეობის დაახლოებით მესამედი ეწევა, ესეც ოფიციალურად. შესაბამისად, სიგარეტი სამსახურის ყოველდღიურობის განუყოფელ ნაწილს შეადგენს და როგორც აღმოჩნდა, გარკვეულ უთანხმოებებსაც ქმნის.
Flavour Boss-ის ბოლო დროინდელი კვლევის თანახმად, დასაქმებულთა 80% უსამართლობად მიიჩნევს მწეველებისათვის მოსაწევად გასვლის უფლების მინიჭებას, თუ გავითვალისწინებთ, რომ დღის განმავლობაში ამგვარი „შესვენება“ რამდენიმე შეიძლება იყოს და საბოლოო ჯამში თითქმის ნახევარი საათიც კი შეადგინოს. ცხადია, არამწეველები იჩაგრებიან და მიზეზი მხოლოდ ისაა, რომ ისინი საკუთარ ჯანმრთელობას უფრთხილდებიან. აქედან გამომდინარე, ზემოხსენებული 80%-ის უმრავლესობა აქტიურად მოითხოვს სუფთა ჰაერზე გასვლის უფლებას იმდენივე ხნით, რამდენსაც მწეველები სიგარეტის მოწევას ანდომებენ. სანამ HR გუნდის წარმომადგენლები და მენეჯერები ამ თემას აწონ-დაწონიან, განვიხილოთ აღნიშნული მოსაზრების დადებითი და უარყოფითი მხარეები.
რა პლუსები შეიძლება ჰქონდეს შესვნებას, სუფთა ჰაერზე გასვლას?
ალბათ ყველას გამოგვიცდია ის შეგრძნება, რომელიც რამდენიმე საათის განუწყვეტელი მუშაობის შემდეგ გვეუფლება: გონება იყინება, საკუთარ ფიქრებს ვეღარ ვაკონტროლებთ და გაშტერებული მზერით შევცქერით კომპიუტერის ეკრანს. ასეთ შემთხვევებში ეფექტიანობის აღსადგენად იდეალურია თუნდაც რამდენიმე წუთიანი შესვენება და სუფთა ჰაერზე გასვლა, რასაც მწეველები წარმატებით იყენებენ.
დღევანდელი საოფისე ტიპის ცხოვრება შეიძლება გარკვეული აზრით საკმაოდ კომფორტულია, მაგრამ ჩვენი სხეულისთვის უამრავ პრობლემას ქმნის. მუდმივი ჯდომის შედეგად გვექმნება სისხლძარღვების, წონის, ხერხემლისა და სხვა ტიპის პრობლემები. მეორე მხრივ, დამღლელი დღის შემდეგ სარბენად ან სასიარულოდ გასვლა არცთუ მაცდურად ჟღერს. შესაბამისად ფიზიკური აქტივობა მინიმალურ დონემდეა დაყვანილი. სუფთა ჰაერზე რამდენიმე წუთით რეგულარულად გასვლა, სხეულის გაჭიმვა ან უბრალოდ ფეხზე დგომა შესამჩნევად გამოასწორებდა აღნიშნულ პრობლემებს.
სხვა ყველა დადებითი მხარე რომ გვერდზე გადავდოთ, სუფთა ჰაერზე გასვლა უფლებების თანასწორობისთვისაცაა მნიშვნელოვანი. თუ მწეველები დღეში რამდენჯერმე, დაუკითხავად გადიან მოსაწევად, მაშინ რატომ არ უნდა ჰქონდეთ არამწეველებს ამ დროის საკუთარი მიზნებისთვის გამოყენების უფლება?
რა მინუსები შეიძლება ჰქონდეს „სუფთა ჰაერის შესვენებებს“?
იმ შემთხვევაში, თუ ყველა თავისუფლად ივლის შესვენებაზე იმ დროს, როცა მოესურვება, შეიძლება ორგანიზაციაში ქაოტური სიტუაცია შეიქმნას. შესაძლოა, ადამიანები არ იყვნენ საკუთარ მაგიდასთან მაშინ, როცა საჭიროა ან უბრალოდ უფრო დიდი ხნით გაისეირნონ, ვიდრე საქმისათვისაა დასაშვები. ამ პრობლემის თავიდან ასარიდებლად დამატებითი ზედამხედველობის დაწესება იქნებოდა საჭირო, რაც ცხადია, ზედმეტი თავის ტკივილია.
მიუხედავად იმისა, რომ თითქმის ყველა სამსახურში იპოვით სპეციალურ მოსაწევ ზონას, დასასვენებელი, ან გასასეირნებელი ზონები ძალიან იშვიათია. მეტიც, ზოგჯერ, შესაძლოა, ერთადერთი ადგილი „სუფთა ჰაერის ჩასაყლაპად“ სწორედაც მოსაწევი ზონა იყოს, რაც თავისთავად აბსურდია და ყველანაირ პოზიტიურ ეფექტს აქარწყლებს. დღესდღეობით ბევრი კომპანია ცდილობს დასასვენებელი ადგილების მოწყობას თავიანთი თანამშრომლებისთვის, მაგრამ სანამ ეს სივრცეები უნივერსალური არ გახდება, მანამდე სუფთა ჰაერზე გასვლა ყველგან ვერ მოხერხდება.
მოსაწევი ზონების მოწყობა არ არის ერთადერთი ხარჯი, რომელიც დამსაქმებლებს ეკისრებათ. ბევრად უფრო ძვირადღირებული რესურსი ის დროა, რომელსაც მწეველი ადამიანი ოფისის გარეთ ატარებს. თუ დავუშვებთ, რომ საშუალო სტატისტიკური ადამიანი ოფისში ყოფნის ფარგლებში დღეში 4 ღერს ეწევა, ხოლო თითოეულის მოწევას 5 წუთს ანდომებს, დღეში 20 დაკარგულ წუთს მივიღებთ, რაც თავის მხრივ 100 წუთი კვირაში, წელიწადში კი 86 საათია. შესაბამისად, უმჯობესი იქნება კომპანიებმა მოსაწევი დროის შემცირებაზე იზრუნონ, ვიდრე არამწეველთათვის დამატებითი 86 საათის ჩუქებაზე, რაც რეალურად იგივეა, რაც 10 უქმე დღე წელიწადში.
რატი წიკლაური
წყარო: www.hrnews.co.uk
რას ნიშნავს იყო ნამდვილი ლიდერი? ან რატომ ვაფასებთ ადამიანში ლიდერულ თვისებებს? ალბათ, ამ სიტყვის ზუსტი განმარტება არ არსებობს, მაგრამ ერთზე ყველა ვთანხმდებით, ლიდერული თვისებებით დაჯილდოებული ადამიანები უფრო ხშირად აღწევენ წარმატებას. Continue reading “თქვენ ლიდერი ხართ – რა თვისებები ახასიათებთ ლიდერებს?”
ბოლო დროინდელი კვლევების მიხედვით, ყველაზე მეტად დემოტივირებული 20 წლის ადამიანები არიან. Continue reading “რა ბენეფიტები აბედნიერებთ ახალგაზრდებს სამსახურში?”
როგორ ვიპოვოთ ჩვენი კომპანიის კულტურისათვის შესაბამისი ტალანტები და რაც მთავარია, როგორ შევინარჩუნოთ ისინი? Continue reading “თანამშრომელი კომპანიის ამბასადორია ანუ რას ვსაუბრობთ ჩვენი სამსახურის შესახებ სხვებთან”
კომპანიების ერთ-ერთი მთავარი საზრუნავი, დღესდღეობით, HR პროცესების ოპტიმიზაცია და თანამშრომელთა კეთილგანწყობა და მათი შენარჩუნებაა. Continue reading “თანამშრომლების შეფასების სისტემა”
ბოლო დროს ჩატარებული კვლევების მიხედვით, დაქირავებულთა 43% არ გრძნობს თავს კომფორტულად საკუთარ სამუშაო ადგილზე, აცხადებს თანამშრომელთა კმაყოფილების შეფასების ცენტრი Leesman. Continue reading “რამდენად კომფორტულია ჩვენი სამუშაო გარემო და რა გავლენას ახდენს ის თანამშრომლებზე?”
ბოლო დროს მამაკაცებისა და ქალბატონების სახელფასო ანაზღაურებებს შორის სხვაობა დიდი განხილვის საგანია. Continue reading “რატომ უნდა იზრუნოს HR-მა გენდერული დისბალანსისა და სტერეოტიპების აღმოფხვრაზე”