მუსიკალური მაუწყებლობის ორგანიზატორი (მმო) Rozum ბიზნესის წარმომადგენლებს გემოვნებიან ლიცენზირებულ მუსიკალურ სერვისს სთავაზობს. Continue reading “მუსიკალური მაუწყებლობის ორგანიზატორი კომპანია ,,როზუმი” HR ბიზნეს სამიტის მხარდამჭერია”
კვლევითი კომპანია “ანოვა“ მომხმარებელს მის მოთხოვნებზე მორგებულ კვლევებს სთავაზობს და მარკეტინგული / ბიზნეს სტრატეგიის განვითარებაში ბაზრის ანალიზის, ბრენდის ცნობადობის, გაყიდვის არხების ანალიზის, პროდუქტის განვითარების, მომხმარებელთა კმაყოფილების, მარკეტინგული მაჩვენებლების და კიდევ სხვა კვლევების საშუალებით ეხმარება.
HR hub ანოვას დამფუძნებელს ქრისტინე ლორთქიფანიძეს მიმდინარე პროექტებსა და სამომავლო გეგმებზე ესაუბრა. წელს ,,ანოვა” HR ბიზნეს სამიტის მხარდამჭერია.
HR hub: ქრისტინე, მოგვიყევით „ანოვას“ შესახებ და ასევე რა სიახლეები გაქვთ კომპანიაში?
ანოვა ახალგაზრდა, მოტივირებული ადამიანების გუნდია, რომელიც იკვლევს და სწავლობს მომხმარებელს – მის ქცევას, საჭიროებებს, ინტერესებს. შესაბამისად, გუნდი მონაცემებზე დაფუძნებულ კონსულტაციებს უწევს ისეთ ბიზნესებს, რომელთა საქმიანობის მთავარი ფილოსოფია სწორედ მომხმარებელზე ორიენტაცია და მათზე მორგებული პროდუქტებისა და სერვისების შექმნაა.
მეორე მხრივ, ანოვას გუნდი საზოგადოებრივ აზრს სწავლობს ჩვენი ქვეყნისთვის სხვადასხვა მნიშვნელოვან და საინტერესო მოვლენასთან დაკავშირებით. ასევე, ვმუშაობთ ორგანიზაციეულ კვლევებზე, კერძოდ კი თანამშრომლების კმაყოფილების მიმართულებით.
HR hub: ორგანიზაციებისთვის თანამშრომლების კმაყოფილების კვლევა ნამდვილად გადამწყვეტად მნიშვნელოვანია, რას სთავაზობთ ამ კუთხით კომპანიებს?
პანდემიის პერიოდში ბევრი კომპანია დადგა ახალი გამოწვევების წინაშე თანამშრომლებთან მიმართებაში. ბოლო 1-1,5 წელია ჩვენ ვხედავთ რომ კომპანიებს ყოველდღიურ რეჟიმში უწევთ რესურსების დაგეგმვა და ცხადია ეს ადამიანურ კაპიტალსაც ეხება. ამასთან, არაერთი კვლევა ადასტურებს, რომ დისტანციური მუშაობის პირობებში გართულდა მართვა და შეიცვალა თანამშრომელთა განწყობები.
სწორედ ამიტომ გახდა თანამშრომლების აზრის მოსმენა კომპანიებისთვის მნიშვნელოვანი. ზოგადად, ორგანიზაციული კვლევები, მათ შორის კმაყოფილება და დამსაქმებლის მიმართ ლოიალობა, ღირებულ ინფორმაციას აძლევს გადაწვეტილების მიმღებ პირებს, რათა სწორად ესმოდეთ თანამშრომლების საჭიროებები და მართონ მოლოდინები.
ანოვას გუნდს რამდენიმე კომპანიასთან სხვადასხვა ინდუსტრიიდან გვითანაშრომლია სწორედ თანამშრომელთა კმაყოფილების კვლევის მიმართულებით და რასაც ვხედავთ ისაა, რომ მიღებული შედეგებით მენეჯმენტი გაცილებით უკეთ გეგმავს სტრატეგიებს და იღებს დროულ, საჭირო გადაწყვეტილებებს.
ანოვა დასაქმებულზე ორიენტირებულ კომპანიებს სთავაზობს მათი კმაყოფილებისა და ლოიალობის კვლევას, რაც დაეხმარება ადამიანური რესურსის სტრატეგიულ დაგეგმვაში, იქნება ეს სამოტივაციო პოლიტიკა, ტრენინგები და განვითარება, თუ დამსაქმებლის ბრენდინგი.
HR hub: „ანოვა“ HR ბიზნეს სამიტის მხარდამჭერია, რატომ გადაწყვიტეთ აღნიშნული ღონისძიების პარტნიორი ყოფილიყავით და როგორ იქნება კომპანია სამიტზე წარმოდგენილი?
წლევანდელი სამიტის თემა HR გამოწვევები და ინოვაციებია, რომელიც ზუსტად პასუხობს დღევანდელ ბიზნესის საჭიროებებს. ქვეყანაში არსებული ეკონომიკური და პანდემიური კონტექსტის გათვალისწინებით, დღეს HR ყველაზე მეტად დგას გამოწვევების წინაშე – სტრესულ გარემო პირობებში შეინარჩუნოს თანამშრომელთა მაღალი მოტივაცია, გუნდურობა და პერფორმანსი.
როგორც წესი, ანოვა სიხარულით ხვდება მსგავსი ტიპის სამიტებს, რომელიც დარგის პოპულარიზაციას ეხება და რეალურად ქმნის სამსჯელო-სადისკუსიო სივრცეს სხვადასხვა ბიზნეს საკითხზე. სწორედ ამ მიზნით გადავწყვიტეთ სამიტის პარტნიორობა – საჯაროდ გამოვხატოთ ჩვენი მხარდაჭერა და სურვილი, არამარტო ეიჩარზე, არამედ ზოგადად, შევიკრიბოთ და ვილაპარაკოთ სხვა მიმართულებებზეც, რაც დაეხმარება ბიზნესს იყოს იმაზე უკეთესი, ვიდრე დღესაა.
2021 წლის HR ბიზნეს სამიტის მხარდაჭერა ჩვენთვის ნიშნავს არსებულ თუ პოტენციურ პარტნიორებთან ინფორმაციის გაცვლის ახალ შესაძლებლობებს. ხოლო სამიტზე რას წარმოვადგენთ, ეს ნაწილი დავტოვოთ სიურპრიზად.
HR hub: რა გეგმები გაქვთ სამომავლოდ?
კომპანია სწრაფად იზრდება და იმატებს გამოცდილება, რაც ძალიან სასიხარულოა. მომხმარებელზე ორიენტაცია ჩვენი პრიორიტეტია, შესაბამისად სამომავლო გეგმებიც მათ უკავშირდება – შევქმნათ მათზე მორგებული და საჭირო თანამედროვე კვლევითი პროდუქტები, უფრო გავუმარტივოთ მონაცემთა შეგროვების პროცესი და კვლევებზე დაფუძნებული კონსალტინგი გახდეს ფართოდ ხელმისაწვდომი.
პირველ სამუშაო გამოცდილებას სტუდენტთა 75% სტაჟიორის ამპლუაში იღებს, სწორად შერჩეული კომპანია და პოზიცია კი კარიერული წინსვლის მთავარ საფუძველს წარმოადგენს. Continue reading “აღმოაჩინეთ თვისებები, რომელიც დამსაქმებლის ყურადღებას იპყრობს – INCOMPASS 2021 სტაჟირების პროგრამა”
პანდემიის გამო სასტუმრო სექტორი უდიდესი გამოწვევების წინაშე აღმოჩნდა. HR hub ესაუბრა Accor ჯგუფის” სასტუმროების (Mercure Tbilisi Old Town და ibis styles Tbilisi Center) ტალანტებისა და ორგანიზაციული კულტურის მენეჯერს, ნინო ბურჯალიანს, რომელმაც მოგვიყვა გამოწვევების დაძლევის მათეულ სტრატეგიასა და სამომავლო გეგმებზე.
HR hub: ნინო როგორც ვიცით, პანდემიის განმავლობაში შეინარჩუნეთ თანამშრომლები, როგორ მოახერხეთ ეს?
მოგესალმებით, პირველ რიგში მინდა გაგაცნოთ ჩვენი სასტუმროები #MercureTbilisiOldTown და #ibisStylesTbilisiCenter. ჩვენ ვართ ACCOR ჯუფის წევრი სასტუმროები. ACCOR-ი გახლავთ ფრანგული ჯგუფი, რომელსაც 55 წლის ოპერირების ისტორია აქვს და აერთიანებს 5000- მდე სასტუმროს მთელს მსოფლიოში.
სტუმარ-მასპინძლობის სფეროში უკვე 5 წელია ვმუშაობ და მინდა აღვნიშნო, რომ ეს სფერო ასეთი სირთულის წინაშე ჯერ არ ყოფილა. მაგრამ აქვე სიამაყით ხაზს გავუსვამ, რომ ჩვენმა კომპანიამ და მმართველმა გუნდმა გააკეთა მაქსიმუმი თანამშრომლების შენარჩნუნებისთვის, რაც სამწუხაროდ ბევრმა კომპანიამ ვერ/არ გშეძლო.
ჩვენი სასტუმროები არ დაკეტილა არც ერთი დღით და მმართველი გუნდის სწორი გადაწყვეტილებების წყალობით მოწინავე ადგილს ვინარჩუნებთ სტუმარ-მასპინძლობის სექტორში.
HR hub: კონკრეტულად, რა ცვლილებები განხორციელდა კომპანიაში და როგორ გაართვით თავი კრიზისულ პერიოდს?
ჩვენი გაყიდვების გუნდის დამსახურებით, მიჩვეულები ვიყავით სეზონზე და არამარტო 100%-იან დატვირთვას. ახლა კი მოგვიხდა გარკვეულწილად სტრატეგიის შეცვლა და აქცენტირება გავაკეთეთ კვებისა და სასმელების მიმართულებაზე. განვაახლეთ რესტორანი Mercure-ში და გავხსენით ASADO Steakhouse, რომელიც მალევე საკმაოდ პოპულარული გახდა. ასევე განახლებული კონცეფციით კარი კვლავ გააღო ibis Styles-ის ტერასამ – Rum Roof Kitchen & Bar.
HR hub: გაკვეთილი, რაც პანდემიამ თქვენ, როგორც HR მენეჯერს გასწავლათ …
გარკვეულწილად Covid19 -მა გამომაფხიზლა და ბევრი რამ სხვა კუთხიდან დამანახა. HR მნიშვნელობა სწორედ ახლა უფრო მეტად გამოიკვეთა. თანამშრომლები, ისე როგორც არასდროს, საჭიროებენ HR ის ყურადღებას, რჩევებს და ინფორმაციის მიღებას. პანდემიამ მასწავლა საკუთარი ემოციების უკეთ მართვა, რადგან მე ვიყავი კრიტიკულ მომენტში მაგალითი და პანიკის უფლება არ მქონდა.
მე და ჩემი თანაგუნდელი, ანა პაპიაშვილი, მაქსიმალურად ჩავერთეთ Covid19-ის პრევენციის ღონისძიებების გატარებაში პირველივე დღიდან. ფაქტობრივად ვიყავით წინა ფლანგზე და ყველანაირად ვცდილობდით ჩვენი თანამშრომლების მხარდაჭერას და მოტივირებას.
ვთვლი, რომ ადამიანის სიცოცხლეზე და ჯანმრთელობაზე ძვირფასი არაფერია. ცხოვრება ბუმერანგია, როდესაც ზრუნავ და გასცემ სითბოს ადამიანებისთვის, იგივე გიბრუნდება.
HR hub: რა გეგმები გაქვთ სამომავლოდ?
ჩემი აზრით, თუ ერთხელ შეაბიჯე ფეხი სტუმარ-მასპინძლობის სამყაროში და შეიყვარე იგი, არასდროს დატოვებ ამ სფეროს, შესაბამისად მეც აქ ვრჩები.
სამომავლოდ კი ვგეგმავთ მესამე, 5 ვარსკვლავიანი სასტუმროს, Swissôtel-ის გახსნას, რომლის თაობაზეც მოგვიანებით მოგახსენებთ.
Make It Bright 2021 არის საინტერესო გამოწვევა, რომელშიც მონაწილეობას მიიღებს 32 ქვეყნის წარმომადგენელი. Continue reading “Japan Tobacco International ახალგაზრდებს საერთაშორისო სტაჟირების მოპოვების უპრეცენდენტო შესაძლებლობას სთავაზობს!”
თბილისში ახალი მულტიფუნქციური სივრცე “ალფა ჰაბი” გაიხსნა. სივრცე მდებარეობს კომპლექსში “შენი სახლი ჯიქიაზე”, ანა პოლიტკოვსკაიას 3 ნომერში და მოიცავს შემდეგ ფუნქციურ სივრცეებს:
ორი ტრენინგი უკვე ჩანიშნულია.
მეტი ინფორმაციისთვის გადადით ბმულზე.
სივრცის დასაჯავშნად შეგიძლიათ დაუკავშირდეთ 599116811.
2021 წლის მაისსა და ივნისში ილიას სახელმწიფო უნივერსიტეტის ორგანიზებითა და HR hub-ის მხარდაჭერით მარი ბურდულის სახელობის დასაქმების ფორუმი გაიმართება. Continue reading “დამსაქმებლების რეგისტრაცია მარი ბურდულის სახელობის ილიას საახელმწიფო უნივერსიტეტის დასაქმების ფორუმზე დაიწყო”
საქართველოს კანონმდებლობით ვაკანსიის შესახებ განცხადების გამოქვეყნებისას აკრძალულია ნებისმიერი სახის დისკრიმინაცია: Continue reading “რა სახის დისკრიმინაციულ მოთხოვნებს შეიცავს ვაკანსიები?”
15 მარტს 17:00 რეკრუტინგის მართვის ინოვაციური სისტემის GoandGrow ონლაინ პრეზენტაცია HR hub – ის Facebook – გვერდზე გაიმართება. Continue reading “GoandGrow – 15 მარტს რეკრუტინგის მართვის ინოვაციური სისტემის პრეზენტაცია გაიმართება”
ვაგრძელებთ რუბრიკას ,,უხუცესი თანამშრომელი” და ამჟამად 88 წლის ჟუჟუნა ჯაფოშვილი-ხუტუაშვილი გვინდა გაგაცნოთ, რომელიც თელავის რაიონის სოფ. ფშაველის საშ. სკოლაში 50 წლის განმავლობაში მოღვაწეობდა. Continue reading “,,მასწავლებლისთვის უდიდესი მიღწევა მოსწავლეების სიყვარულის დამსახურებაა” – 88 წლის ჟუჟუნა ჯაფოშვილი”