HR hub–ის ორგანიზებით, დასაქმების ახალი უნიკალური პლატფორმის sfero.ge-ის, კომპანია Girteka –ს გენერალური სპონსორობით, ევოლუშენ საქართველოს და Lineate Georgia-ს მხარდაჭერით, 6 მაისს ვაკის პარკში 14:00სთ-დან 17:00სთ–ის ჩათვლით კარიერის ფესტივალი გაიმართება.
,,კარიერის ფესტივალის” ფარგლებში ლინეიტი განსაკუთრებით ემზადება სამუშაოს მაძიებლებთან შესახვედრად. ჩვენ ვესაუბრეთ მათ მარკეტინგის მენეჯერს ანი მაისურაძეს და გთავაზობთ ინტერვიუს.
HR hub: რას საქმიანობს ლინეიტი?
„Lineate“ პროგრამული უზრუნველყოფის კომპანიაა, რომელიც 4 ქვეყანაში, მათ შორის საქართველოშიც არის წარმოდგენილი, მთავარი ოფისით ქ. ნიუ იორკში და ასევე, ოფისებით საქართველოში, პოლონეთსა და სომხეთში. Lineate ქმნის მომხმარებელზე მორგებულ კომპიუტერულ პროგრამებს, რაც მათ კომპლექსური მონაცემების მიერ გამოწვეული პრობლემების გადაჭრაში ეხმარებათ. კომპანიას ამ სფეროში წარმატებით მოღვაწეობის 15 წელზე მეტი გამოცდილება აქვს, აშშ-სა და ევროპაში, 920-მდე განხორციელებული პროექტით.
Lineate-ის ძირითადი მიმართულებებია AdTech, MarTech, MedTech და FinTech. კომპანია თანამშრომლობს The New York Times, Ebay, Warner music, Visa, SAP, Telenav,Voxy, NYU Hospitals, 33 across, Rosen Publishing, Vive, Informa, Ondeck, ACN და მსოფლიოს წამყვან სხვა საერთაშორისო კომპანიებთან.
HR hub: რამდენი ხანია რაც საქართველოში შემოხვედით?
ერთი წლის მანძილზე ჩვენ უკვე შევძელით და მივაღწიეთ:
- 120-მდე ადამიანის დასაქმება;
- დავიწყეთ გადამზადების პროგრამა Lineate Dev School, რომლის ფარგლებშიც 60-მდე ახალგაზრდა შეძლებს შეისწავლოს მომავლის პროფესია, მათგან საუკეთესოს შევთავაზებთ სტაჟირებას, რის შედეგადაც გახდებიან საერთაშორისო გუნდის წევრები;
- ტექნოლოგიის მიმართულებით ორი უნივერსიტეტის, თავისუფალის და ქუთაისის საერთაშორისო უნივერსიტეტის სტუდენტებს შეუძლიათ ლინეატის სტიპენდიანტები გახდნენ;
- გრეის ჰოპერის ჯილდოს ფარგლებში, USAID-თან ერთად, ჩვენ მხარს ვუჭერთ ტექნოლოგიის მიმართულებით საქართველოში ქალების ჩართულობას;
- ასევე, ჩვენ სერიოზულად ვეკიდებით ჩვენს სოციალურ პასუხისმგებლობას და მზად ვართ ინვესტირება განვახორციელოთ ტექ-ეკოსისტეის განვითარებაში. ვეხმარებით საოკუპააციო ხაზთან ახლოს მდებარე სკოლას ტექნიკით და ცოდნის გაზიარებით.რათა ოკუპაციის ხაზთან მცხოვრებ ახალგაზრდებს ჰქონდეთ შესაძლებლობა განვითარდნენ მომავლის პროფესიის კუთხით.
HR hub: კარიერის ფესტივალზე რომელ ვაკანსიებს წარმოადგენთ?
მთავარი რასაც ექსკლუზიურად HR hub-ის ,,კარიერის ფესტივალზე” წარვადგენთ, Dev School-ის სასწავლო კურსის გავლის შესაძლებლობაა.
დამსწრე საზოგადოებას შესაძლებლობა ექნება უფასოდ გაიარონ, Lineate Dev School program, სადაც სიღრმისეულად შეისწავლიან მომავლის პროფესიას, რის შემდგომაც გაივლიან სტაჟირებას და შანსი ექნებათ დასაქმდნენ, მაღალანაზღაურებად პოზიციებზე, ამერიკულ კომპანია LIneate-ში.
ასევე გვექნება წარმოდგენილი ისეთი ვაკანსიები, როგორიცაა:
- Information Technology Help Desk Engineer (Support)
- Junior Information Security Engineer
- Senior Quality Assurance Engineer
HR hub: რა მოთხოვნებს უნდა აკმაყოფილებდნენ კანდიდატები, რომ თქვენთან დასაქმდნენ?
ჩვენი გუნდის წევრები გამოირჩევიან, კარგი კომუნიკაციის და კოლაბორაციის უნარით, უყვართ თავსატეხები, ცვლილებებთან ადვილად ადაპტირედებიან, ასევე ახასიათებთ მაღალი ხარისხით საქმის კეთება, ასე რომ ჩვენი მომავალი თანაგუნდელებისგანაც მსგავს თვისებებს ველით.
HR hub: რატომ უნდა მოვიდნენ თქვენთან სამუშაოს მაძიებლები ვაკის პარკში?
ამერიკული კომპანია Lineate, თანამედროვე დამსაქმებელია, ერა, რომელშიც დასაქმებული მხოლოდ ანაზღარურების სანაცვლოდ მუშაობდა, წარსულს ჩაბარდა. დღესდღეობით, ადამიანებისთვის კონკრეტულ სამუშაოზე დარჩენის ერთადერთი მოტივატორი ანაზღაურება აღარ არის და ამ არჩევანზე სხვა არაერთი ფაქტორი მოქმედებს. ჩვენი კომპანია, სამუშაოს მაძიებლებს სთავაზობს:
- Personal Review სისტემას:
ამ პრაქტიკის ნაწილია რომ ყველა თანამშრომელი წინასწარ გაწერილი გეგმის მიხედვით გადის განვითარების მიმოხილვას და წინაურდება შედეგებზე დაყრდნობით. გარდა ამისა, ჩვენ დასაქმებულებს საინტერესო საქმეს ვთავაზობთ, რაც მოიცავს მსფოლიოს წამყვან ბრენდებთან მუშაობას, გამოცდილ პროფესიონალებთან მუშაობის და მათგან სწავლის შესაძლებლობას, ღირებული პროდუქტის შექმნის შესაძლებლობას და რა თქმა უნდა, კონკურენტულ
ანაზღაურებას.
- სამუშაოსა და ყოველდღიურ ცხოვრებას შორის ბალანსის დაცვა
ჩვენთან დაგხვდებათ მოქნილი სამუშაო გრაფიკი. ვზრუნავთ არა მხოლოდ თანამშრომლების კარიერულ წინსვლაზე, არამედ, მათ პირად ცხოვრებაზეც. სწორედ ამიტომ, თითოეულ თანამშრომელს უნაზღაურდება ჯანმრთელობის დაზღვევა და სპორტული აქტივობა. გარდა ამისა, მუდმივად ვზრუნავთ მათთვის სხვადასხვა შიდა და გარე საზოგადოებრივი აქტივობების შეთავაზებაზე, ეს არის: ლანჩის სახით, ქალაქ გარეთ გასვლითი ტური, შემეცნებiთი და გასართობი თამაშები, night out-ის სახით.
