შემოგვიერთდით

,,არასდროს მივიღებ სამსახურში ადამიანს, რომელიც არ არის მზად ისწავლოს და განვითარდეს” – თინა მუხურაძე

HRhub.ge აგრძელებს ბლიც ინტერვიუების ჩაწერას სხვადასხვა HR პროფესიონალთან. Continue reading “,,არასდროს მივიღებ სამსახურში ადამიანს, რომელიც არ არის მზად ისწავლოს და განვითარდეს” – თინა მუხურაძე”

,,ეს არის პროფესია, რომელიც საშუალებას მაძლევს ადამიანებს ვაპოვნინო ის ფარული რესურსები, რაც თითოეულ მათგანშია”, – მაკა მჟავანაძე

HRhub.ge აგრძელებს ბლიც-ინტერვიუებს HR მენეჯერებთან. რუბრიკის “HR მენეჯერი“ სტუმარია HR, ტრენერი, ქოუჩი. სატრენინგო საკონსულტაციო კომპანია QBQ სერვის აკადემია-ს დირექტორი და დამფუძნებელი მაკა მჟავანაძე.

თქვენი პროფესია

HR

რატომ HR?

ეს არის პროფესია, რომელიც საშუალებას მაძლევს ადამიანებს ვაპოვნინო ის ფარული რესურსები, რაც თითოეულ მათგანშია.

პირველი სამსახური და ანაზღაურება

პირველი სამსახური HR-ში არ იყო და ანაზღაურებაც საკმაოდ დაბალი მქონდა 200 ლარი.

პირველი  სამსახური, როგორც HR მენეჯერი,  იყო Privatbank.

ყველაზე სწორი გადაწყვეტილება კარიერის განმავლობაში იყო

როდესაც გონივრულად გავრისკე. ვიცოდი რომ მივდიოდი დაბალ ხელფასზე, ნაკლებად ცნობილ კომპანიაში ბრენდიდან (მონსტრიდან), მაგრამ ჩემი კარიერული განვითარებისთვის ეს ყველაზე კარგი გადაწყვეტილება იყო.

ის, რაც ,,ქართულ“ HR-ში არ მოგწონს

არ მომწონს ასე ვერ ვიტყვი. ჩემი მეგობრები, ასევე ჩემი კოლეგები, არიან საუკეთესოები. თამამად შემიძლია ვთქვა, რომ ისინი ყველაფერს აკეთებენ სწორი აქცენტების დასასმელად. თუმცა ხანდახან გვიწევს რომ დავნებდეთ და ეს არ მომწონს.

კითხვა, რომელსაც გასაუბრებაზე არასდროს დასვამ

ალბათ ერთადერთი – რომელია თქვენი საყვარელი კერძი.  დანარჩენი ყველაფერი მიკითხავს სხვადასხვა  კომპანიაში მუშაობისას.

რჩევა სამუშაოს მაძიებელს

დაიწყონ. რაღაცით დაიწყონ. ეს ალბათ საკვანძო რჩევაა.

მეორე და არანაკლებ მნიშვნელოვანი, იმუშაონ საკუთარი უნარების გაძლიერებაზე. მიზანი იქონიონ მყარი.

ქართველი წარმატებული ადამიანი, რომელსაც ყავაზე დაპატიჟებდი და სიამოვნებით გაიცნობდი

უცებ რატომღაც სპორტი გამახსენდა. ბავშვობაში ძალიან მინდოდა ჩოგბურთის თამაში და ახლაც ვთვლი რომ ერთ-ერთი ლამაზი სპორტია. ამიტომ ლეილა მესხი უდავოდ და მეორე ზაზა ფაჩულია.  აი ეს ორი ადამიანი.

წარმატების ფორმულა არსებობს?

არსებობს.  უდავოდ არსებობს)   ოღონდ ყველამ უნდა იპოვოს თავისი.

მე ვმოქმედებ ერთი პრინციპით – „გადადი“ .   ძალიან კარგად ხსნის ამ სიტყვის შინაარსს რაიან მერფი ცნობილ ფილმში „ჭამე, ილოცე, შეიყვარე“    “attraversiamo”. გადადი და გადაკვეთე.

რისთვის ღირს ცხოვრება?

ყველაფრისთვის, აი ყველაფრისთვის. ეს მარტივად.

 ისე, გაცემისთვის, ზრუნვისთვის, სიკეთისთვის …

,,როდესაც გყავს გუნდი რომელიც გენდობა და რომლის შრომასაც აფასებ, იქ არანაირი სირთულე აღარ არსებობს!”- თამარ კუნჭულია HR მენეჯერი

კორონავირუსის გამო საქართველოში არსებული დიდი სასტუმროების უმრავლესობა საკარანტინო სივრცეებად არის გადაქცეული. Continue reading “,,როდესაც გყავს გუნდი რომელიც გენდობა და რომლის შრომასაც აფასებ, იქ არანაირი სირთულე აღარ არსებობს!”- თამარ კუნჭულია HR მენეჯერი”

,,ჩემი პროფესია საშუალებას იძლევა, პოზიტიური ზეგავლენა მოვახდინო ადამიანების ცხოვრებასა და გარემოზე”-თამუნა ლასურაშვილი

HRhub.ge აგრძელებს ბლიც-ინტერვიუებს HR მენეჯერებთან. რუბრიკის “HR მენეჯერი“ სტუმარია,  Global Beer Georgia-ს HR და ადმინისტრაციის დირექტორი თამარ ლასურაშვილი. Continue reading “,,ჩემი პროფესია საშუალებას იძლევა, პოზიტიური ზეგავლენა მოვახდინო ადამიანების ცხოვრებასა და გარემოზე”-თამუნა ლასურაშვილი”

მარიამ ჯანჯარია – საქართველოს უნივერსიტეტის ლიდერი ლექტორების HR

“HR მენეჯერს არასდროს უნდა დაავიწყდეს, რომ საუკეთესო შედეგი შრომით და სიყვარულით მიიღწევა”… – ამ სიტყვების ავტორი საქართველოს უნივერსიტეტის ადამიანური კაპიტალის მართვის დეპარტამენტის ხელმძღვანელი მარიამ ჯანჯარიაა, რომლის შესახებაც ინფორმაციას ინტერვიუდან შეიტყობთ. Continue reading “მარიამ ჯანჯარია – საქართველოს უნივერსიტეტის ლიდერი ლექტორების HR”

Bitfury გრუპის HR დეპარტამენტს ნინო თოდუა უხელმძღვანელებს

მსოფლიო მოწინავე ტექნოლოგიური კომოანია “Bitfury გრუპის” ადამინაური რესურსების მართვის დეპარტამენტის უფროსად ქართველი ნინო თოდუა დაინიშნა. Continue reading “Bitfury გრუპის HR დეპარტამენტს ნინო თოდუა უხელმძღვანელებს”

დიანა ბურდული – HR-ზე ერთი ნახვით შეყვარებული პროფესიონალი

დიანა ბურდული სერტიფიცირებული HR პროფესიონალია, ადამიანური რესურსების სფეროში მუშაობის მრავალწლიანი გამოცდილებით. Continue reading “დიანა ბურდული – HR-ზე ერთი ნახვით შეყვარებული პროფესიონალი”

,,თანამშრომლების ბედნიერებაზე ზრუნვა 21-ე საუკუნის ბიზნესის გამოწვევაა” – ლიკა ნოზაძე

ზუსტად 1 წლის წინ ბაზარზე გამოჩნდა ახალი საკონსულტაციო კომპანია Talent Flow, რომელიც HR კონსულტანტმა ლიკა ნოზაძემ დააფუძნა. Continue reading “,,თანამშრომლების ბედნიერებაზე ზრუნვა 21-ე საუკუნის ბიზნესის გამოწვევაა” – ლიკა ნოზაძე”

,,კომპანიის თითოეული თანამშრომელი, კომპანიის უხილავი მამოძრავებელი ძალაა”-ზეინაბ აბდულიში

კომპანია ,,მოდუსი” ქართულ  ბაზარზე 90-იანი წლებიდან გამოჩნდა და დღეს უკვე წარმატებული მოღვაწეობის 20 წელს ითვლის. Continue reading “,,კომპანიის თითოეული თანამშრომელი, კომპანიის უხილავი მამოძრავებელი ძალაა”-ზეინაბ აბდულიში”

,,უმჯობესია ქცევა შევაფასოთ და არა ადამიანი” – სოფო ტუფურია

ჩვენი რუბრიკის “HR მენეჯერი“ სტუმარია შპს “აგროსფეროს” HR მენეჯერი სოფო ტუფურია.

HR hub: რომ არა HR ვიქნებოდი

 აქტიური კლინიკური ფსიქოლოგიის მიმართულებით.

HR hub: არ მიყვარს, როცა გასაუბრებაზე:  პროცესი დაკითხვას ემსგავსება, ეს ორმხრივი პროცესია და მიყვარს, როცა თავისუფალი და თანასწორუფლებიანი დიალოგია

HR hub: არასდროს მივიღებ სამსახურში ადამიანს

რომელსაც  ჰალსტუხი კი არ უკეთია, არამედ მისით იხრჩობს თავს, ეს ხუმრობით. არ მსურს ხოლმე ავიყვანო, ვინც საუბრის დროის 90% უარყოფითი ფორმულირების წინადადებით საუბრობს, თუნდაც პოზიტიურის თქმა სურდეს, მაგ:  „არა, არ არის ეს შეუძლებელი“ „არა, არ არის რთული“ „არა, არ მიძნელდება“ „არა, არ მგონია არ შემეძლოს“ და ა.შ.

HR hub: გამოცდილი თუ მოტივირებული, არჩევანს გავაკეთებ

გააჩნია სიტუაციას, არის ხოლმე,  რომ აუცილებელია გამოცდილება, ან არ არის აუცილებელი და აშ. ასე ცალსახად ვერ ვიმსჯელებთ.

HR hub: კომპანია, სადაც დაუფიქრებლად ვიმუშავებდი 

იქ, სადაც ახლა  ვმუშაობ, კომპანია „აგროსფერო“  და წლების მერე, ალბათ, ჩემს კომპანიაში

HR hub: ადამიანს, რომელიც უშედეგოდ ცდილობს დასაქმებას ვურჩევდი

გაანალიზოს თავის დამოკიდებულებები, უნარები, სურვილები, ქცევები…  შეხედოს რეზიუმე როგორია. დააკვირდეს, სად აგზავნის რეზიუმეს,  მოთხოვნებთან რელევანტურია თუ არა მისი  გამოცდილება, რეზიუმეც. გაიხსენოს, გაანალიზოს როგორ იქცევა და საუბრობს გასაუბრების დროს, რა შთაბეჭდილება შეიძლება დატოვოს.  შეწყვიტოს გარემოს დადანაშაულება,  მიუბრუნდეს თავის თავს, ჰკითხოს რას როგორ აკეთებს, რას როგორ ამბობს, როგორი დამოკიდებულებები აქვს, რა იცის და  არ იცის იქიდან, რაც სჭირდება.  რას ეძებს და რამდენად შესაფერისია თავის გამოცდილებით, ცოდნით, შესაძლებლოებებით.  რამდენად სწორად გადმოსცემს ამას ჯერ რეზიუმეში, შემდეგ როგორ იქცევა და საუბრობს შეხვედრისას და ა.შ.  იმუშაოს თავის თავზე, იყოს გულწრფელი საკუთარ თავთან და ობიექტური. ხშირად, ჩვენ არ გვიყვარს საკუთარ თავზე პასუხისმგებლობის აღება და საკუთარ შედეგებზე, გვირჩევნია ხან რას, ხან რას დავაბრალოთ და თავი ვიმართლოთ – ამ დამოკიდებულებით კი, ცვლილებები არ ხდება და ამიტომაც დავდივართ ერთ წრეზე.

HR hub: 3 წიგნი, რომელიც HR-ს აუცილებლად უნდა ჰქონდეს წაკითხული

ტექნიკურ სახელმძღვანელოს, თუ პროფესიულიდან არ დავასახელებ, ბევრი ეცნობა ალბათ. ვიტყოდი უფრო იმ ლიტერატურიდან რაც, ზოგად ხედვას, დამოკიდებულებებს,  ზოგად კანონზომიერებებს შეეხება და ფართოდ დაგვანახებს გარკვეულ თემებს.  რადგან, ვფიქრობ ადამიანებს  გვივიწროვდება ინტერესთა სფერო, გვეცვლება ღირებულებები, ისინი უფრო მატერიალურნი ხდებიან.  თვითრეალიზაციის თუ თვითაღიარების ხშირად ხელოვნურ და არაგულწრფელ გამოვლინებებს ვხედავთ და ვკარგავთ ადამიანის ფასს, ნაკლებად გვიყვარს ის და  არ ვაცალკევებთ ხშირად ადამიანს ქცევისგან. ამ დროს, უმჯობესია ქცევა შევაფასოთ და არა ადამიანი, რომ მისი ღირსება არ შევლახოთ.  მარტივად ვიმეტებთ გასაქილიკებლად, საკუთარი უპირატესობის დასამტკიცებლად. ვისაც ვაქილიკებთ ან ვამცირებთ „მსუბუქად თუ მძაფრად“ ისიც ავტომატურად საპასუხო ქცევას ავლენს, ან აგრესიას, ან მორჩილებას  და ა.შ…  ვიცით ეს ყველაფერი, მაგრამ მაინც ასე ვიქცევით, რატომ?!  ამით ჩვენ ერთამანეთს ვართმევთ თავისუფლებას და უპირველესად, საკუთარ თავს.  ბევრ ქცევის მოდელს გარემო გვთავაზობს და ჩვენც „ჩვენდაუნებურად“ ვიქცევით ამ მოდელების მიხედვით, არ ვუფიქრდებით ესა  და ეს ქცევა ჩემია, არ არის ჩემი, ხელოვნურია თუ არა. თუ ქცევა „ჩემი“ არ არის და ვიქცევი როგორც გარემო მკარნახობს, ან “არიქა ასე თუ არ მოვიქეცი, დავიღუპე, იმ წრის წევრი ვერ ვიქნები “ ან  „ვერ დავაგროვე ბევრი „ლაიქი““… და ა.შ. ეს იწვევს პიროვნებაში ბევრ არასასიამოვნო პროცესს… არ ჩავუღრმავდები.  მოკლედ, ერიხ ფრომის „სიყვარულის ხელოვნება- The art of loving“ „ქონა, თუ ყოფნა – To have or to be“  და ერიკ ბერნის „თამაშები, რომელსაც ადამიანები თამაშობენ – “Games people play “.

HR hub: ადამიანისთვის ყველაზე დიდი მოტივატორია

სიყვარული, მიზანი  და  აღიარება (კათარზისს ვგულისხმობ, ეს უფრო ღრმა მნიშნველობისაა),   ზოგადად, რამე თემის განხილვისას, ჩვეულებრივ ჩემი პასუხი შეიძლება დაიწყოს წინადადებით „გააჩნია სუტუაციას“, რადგან ინდივიდები ვართ, ჩვენი გამოცდილებით, სტერეოტიპებით, ჩვევებით, სწავლებებით, ქცევის მოდელებით, ბავშვობაში გარკვეული ტიპის ადამიანები გვყავდნენ ფავორიტებად, ასევე იყვნენ, ისეთები რომლებიც გვაშინებდნენ და ა.შ. ამიტომ მართლა გააჩნია სიტუაციას, თუ რა ჩამოგვიყალიბდება არაცნობიერ სურვილად ცხოვრებაში, რა გახდება მთავარი ჩვენი ყოფისთვის… რომელიც შესაძლოა იყოს ნევროტული, ან ჯანსაღი. ამის გარჩევაც აუცილებელია.

HR hub: შეცდომა, რომელზეც ვისწავლე

ხვალისთვის გადადების „სიტკბო“

HR hub: მე რომ პრემიერი ვიყო

აჰ! ვიზრუნებდი რომ ქვეყანაში პოლიტიკა არ ყოფილიყო ასეთი მნიშვნელოვანი ერისთვის, ღირებულებას დავუკარგავდი ამ თემას, რომლის იქით, ლამის მხოლოდ გასართობი შოუებია, რასაც გვთავაზობენ. საერთო სასაუბროც ეს გვაქვს ხალხს.  ჩავანაცვლებდი ამ „ღირებულებას“ და ასეთ მნიშვნელოვანს გავხდიდი სამოქალაქო, პირადი პასუხისმგებლობის თემას, როგორც ინდივიდებისთვის, სახელმწიფო სტრუქტურებისთვის, ასევე კომპანიებისთვის. გავხდიდი ღირებულს კულტურის , სპორტის თემებს, განათლების სისტემას, ეს იქნებოდა უმაღლესი თუ პროფესიული.