Author Archives: HR hub

ლიკა კვირიკაშვილი, 43 ნაბეჭდი და 25 ქინდლის წიგნის ილუსტრატორია. მისი ნამუშევრები იყიდება წიგნების ონლაინ საიტებზე, გამომცემლობების პირად ვებ-გვერდებზე, ადგილობრივ მაღაზიებსა და ბიბლიოთეკებში. ის არის რამდენიმე ბესტსელერი წიგნის ილუსტრატორი. ესენია ცნობილი ამერიკელი ტელე-რადიო წამყვანის, მწერლისა და საჯარო სპიკერის, Jacqui Phillips-ის წიგნი „RESET”, რომელმაც დიდი წარმატება და გამოხმაურება მოიპოვა ადგილობრივი პრეზენტაციებითა და ონლაინ გაყიდვების რაოდენობით. ასევე ცნობილი ამერიკელი სპორტსმენის, კუნფუს ჩემპიონის და ამჟამად ცნობილი ტრენერისა და მამოტოვირებელი სპიკერის  Sifu Romain-ის წიგნი „Unbreakable”.

ლიკა სულ ახლახანს ინგლისში, იტალიური რესტორნის გრაფიკულ დიზაინერ-ილუსტრატორად აიყვანეს. HR hub ესაუბრა მას და ინტერვიუც მოგიმზადათ.

HR hub: ლიკა მოგვიყევით თქვენი განათლების შესახებ. სად სწავლობდით და რა დაამთავრეთ ?

დავამთავრე თბილისის სახელმწიფო სამხატვრო აკადემია, მოდის დიზაინის ფაკულტეტი. ამ პერიოდში დავინტერესდი გრაფიკული პროგრამებით და ჩავაბარე ჯიპას სარეკლამო-გრაფიკული დიზაინის კურსებზე. აკადემიის სწავლის პერიოდში პარალელურად მიტაცებდა წიგნის ილუსტრაცია და ჯიპას პროგრამების შესწავლის შემდეგ ვცადე გრაფიკულად შემექნა ილუსტრაციები, რამაც მოულოდნელი შედეგი გამოიღო და უკვე 5 წელია წიგნის ილუსტრატორად ვმუშაობ.

წიგნის ყდა – Yellow raincoat and red mittens, მწერალი Davit Whiting

HR hub: თქვენ ხართ Risque Dukes Swim Apparel-ის დიზაინერი. როგორც ვიცი, ეს კომპანია ამერიკაში მოღვაწეობს. როგორ დაიწყეთ იქ მუშაობა ?

ამჟამად ვმუშაობ რამდენიმე წიგნის გამომცემლობებთან ინგლისში, ავსტრალიასა და ამერიკაში. ბოლო ერთი წელია ამიყვანეს “Risque dukes swim apparel”-ის ამერიკულ კომპანიაში, საცურაო კოსტუმების დიზაინერად. კომპანიის წარმომადგენლებმა ჩემი პორტფოლიო დაათვალიერეს ერთ-ერთ ფრილანსერულ საიტზე, რის შემდეგაც დამიკავშირდნენ და შემიკვეთეს პირველი საცურაო კოსტუმების ხაზი. ამჟამად ჩემი დიზაინის საცურაო კოსტუმები შეგიძლიათ იხილოთ კომპანიის ოფიციალურ ვებ-გვერდზე risquedukes.com. რაც შეეხება მოდის დიზაინის სფეროს, მითანამშრომლია ისეთ ცნობილ ამერიკულ კომპანიასთან, როგორიცაა Coleman. შევქმენი ახალი დიზაინები წინა წლის კოლექციისთვის.

HR hub: სულ ახლახანს აგიყვანეს იტალიური რესტორნის გრაფიკულ დიზაინერად/ილუსტრატორად ინგლისში Capri restaurant-ში. როგორ მოხვდით იქ ?

სულ ახლახანს ამიყვანეს გრაფიკულ დიზაინერ/ილუსტრატორად იტალიურ რესტორანში Capri Italian Eatery, რომელიც მდებარეობს ინგლისში. მათაც ასევე ონლაინ პორტფოლიოთი მიპოვეს და რამოდენიმე პროექტის შესრულების შემდეგ დამიქირავეს.

HR hub: ხშირად მოგიწევთ თუ არა ინგლისში ჩასვლა თქვენი სამუშაოდან გამომდინარე?

ჯერ-ჯერობით ყველა პროექტი განვახორციელეთ ონლაინ მუშაობის რეჟიმში, სამომავლოდ შესაძლოა ლოკალურად მომიწიოს მუშაობა. თუმცა ამაზე საუბარი ჯერ არ ყოფილა.

HR hub: რა შედის თქვენს სამომავლო გეგმებში ?

ჩემს სამომავლო გეგმებს რაც შეეხება, კონტრაქტი და ხანგრძლივი თანამშრომლობა მსოფლიოში ცნობილ წიგნის გამომცემლობებთან, ასევე მოდის ილუსტრირების სფეროში გრძელვადიან პროექტებზე მუშაობა, რაც მეტ სტაბილურობასა და თავდაჯერებულობას შემმატებდა კარიერულად. ვიმედოვნებ, რომ უახლოეს მომავალში მივიღებ მსგავს შემოთავაზებებს.

                   წიგნის ყდა – The Dead Woman Who Lived, მწერალი Endellion Palmer

                   წიგნის ილუსტრაცია- Eventyr, tales of love beyond the grave, მწერალი Andrew O’Connell

 ალბომის ყდა – ფრანგი მუსიკოსის Konixion-ის  მუსიკალური დისკი Kakurenbo

Studentjob.ge -ისა და HR hub-ის ინიციატივით და ორგანიზებით რეგიონული დასაქმების ფესტივალი „ჩვენ გეძებთ შენ“ გრძელდება. Continue reading “,,ზუგდიდი ჯობსზე” კომპანიებისა და კანდიდატების რეგისტრაცია დაიწყო” →

Studentjob.ge -ისა და HR hub-ის ინიციატივით და ორგანიზებით რეგიონული დასაქმების ფესტივალი „ჩვენ გეძებთ შენ“ გრძელდება. პროექტი ხორციელდება საქართველოს უნივერსიტეტის და კრედო ბანკის მხარდაჭერით. კახეთის შემდეგ, აღნიშნული ღონისძიება სამეგრელოში  ჩატარდება.

ზუგდიდი ჯობს/Zugdidi Jobs – 30 ივლისს, 19:00სთ-ზე, ზუგდიდში, დადიანების სასახლის ეზოში, ზუგდიდის მაჟორიტარი პარლამენტის წევრის მერაბ ქვარაიას ბიუროსა და ზუგდიდის მუნიციპალიტეტის მერია /City Hall of Zugdidi Municipality-ის მხარდაჭერით ჩატარდება. ღონისძიება მიზნად ისახავს დამსაქმებლებისა და სამსახურის მაძიებლების შეხვედრას არაფორმალურ გარემოში.

კომპანიები, რომლებსაც სურთ მონაწილეობა მიიღონ ,,ზუგდიდი ჯობსში” უნდა დარეგისტრირდნენ: https://goo.gl/LohFAu

ფესტივალის ფარგლებში გარდა იმისა, რომ კომპანიები წარმოადგენენ ვაკანსიებს/სტაჟირებებს, აგრეთვე, მოეწყობა წარმატების კუთხე, რომლის წარმდგენია ჟურნალი Entrepreneur Georgia. საქართველოს უნივერსიტეტს, რომლის კურსდამთავრებულთა 93% დასაქმებულია, წარმატების კუთხეში ეყოლება სპიკერი, რომელიც ისაუბრებს კარიერასა და პიროვნულ ზრდაზე. აქვე მოისმენთ სხვადასხვა წარმატებული ადამიანების გამოსვლებს მოტივაციაზე, წარმატებასა და სხვა მნიშვნელოვან თემებზე. დამსწრე აუდიტორიას საშუალება ექნება კითხვები დაუსვას მისთვის საინტერესო სპიკერს და მიიღოს რჩევები.

,,ზუგდიდი ჯობსის” ფარგლებში გაიმართება ადგილობრივი სტარტაპების გამოფენა-გაყიდვა.

ღონისძიება გაგრძელდება 22:00სთ-მდე და დასრულდება კონცერტით.

დასაქმების ფესტივალში მონაწილეობის მიღება, დასაქმების მსურველ ნებისმიერ ახალგაზრდას შეუძლია. ამისთვის დარეგისტრირდით: https://goo.gl/D1cLa7 ყველა, ვინც გადაწყვეტს ,,ზუგდიდი ჯობსზე” დასწრებას, თან უნდა იქონიოს რამდენიმე რეზიუმე.

პროექტის მედია მხარდამჭერები არიან: ჟურნალი Entrepreneur Georgia, რადიო იმედი და www.hrhub.ge.

Studentjob.ge –ისა და HR hub-ის ორგანიზებით, თელავში, თეატრის წინ, დასაქმების ფესტივალი ,,თელავი ჯობს“ ჩატარდა. ახალგაზრდების დასაქმების რეგიონული პროექტი საქართველოს უნივერსიტეტის, კრედო ბანკის, ფერმერთა ასოციაციისა და თელავის მუნიციპალიტეტის მერიის მხარდაჭერით განხორციელდა.

ღონისძიება მიზნად ისახავს სამსახურის მაძიებლებისა და დამსაქმებლების დაკავშირებასა და დასაქმებაში ხელშეწყობას.

არაფორმალურ გარემოში, 20-ზე მეტმა კომპანიამ სხვადასხვა ვაკანსია წარმოადგინა. ადგილზე მოსულ ადამიანები ესაუბრებოდნენ დამსაქმებელს და რეზიუმეს უტოვებდნენ.

,,თელავი ჯობსის” ფარგლებში მოეწყო ადგილობრივი სტარტაპების გამოფენა-გაყიდვა. ღონისძიება დასრულდა ბენდის ,,მუსიკის ქალაქი” კონცერტით.

ახალგაზრდების დასაქმების რეგიონული ფესტივალი ,,ჩვენ გეძებთ შენ” გაგრძელდება და შემდეგი ღონისძიება 28 ივლისს ზუგდიდში ჩატარდება.

მედია მხარდამჭერები: რადიო იმედი, ჟურნალი  Entrepreneur Georgia და www.hrhub.ge.

საქართველოს ფერმერთა ასოციაცია და პროექტი ,,სამუშაოზე დაფუძნებული სწავლება” ახალგაზრდების დასაქმების ფესტივალის ,,ჩვენ გეძებთ შენ” ერთ-ერთი მთავარი მხარდამჭერია. Continue reading “ნიკოლოზ მესხიშვილი: ,,ახალგაზრდების დასაქმება ერთ-ერთი უმნიშვნელოვანესი კომპონენტია”” →

კრედო ბანკი ,,ჩვენ გეძებთ შენ”  პროექტის ერთ-ერთი მხარდამჭერია. Continue reading “ნათია მიხანაშვილი: ,,ჩვენი როლი არ არის მხოლოდ სწავლება, ჩვენც გვინდა ვისწავლოთ ახალგაზრდებისგან”” →

Studentjob.ge-ისა და HR hub-ის ორგანიზებით რეგიონებში ახალგაზრდების დასაქმების ფესტივალი ,,ჩვენ გეძებთ შენ”  ჩატარდება. აღნიშნული პროექტის ერთ-ერთი მთავარი მხარდამჭერია საქართველოს უნივერსიტეტი. ჩვენ ვესაუბრეთ მის რექტორს კონსტანტინე თოფურიას. გთავაზობთ მასთან ინტერვიუს.

HR hub: რა გამოარჩევს საქართველოს უნივერსიტეტს სხვა სასწავლებლებისგან?

საქართველოს უნივერსიტეტს სხვა უნივერსიტეტებისგან გამოარჩევს სწავლების მეთოდი, გარემო და ყველა ის პირობა, რომელსაც უნივერსიტეტი სტუდენტებს უქმნის. ჩვენი მთავარი ამოცანაა, სტუდენტებს მივცეთ თანამედროვე ტიპის ინოვაციური განათლება, რომელიც არ იქნება დაფუძნებული მხოლოდ თეორიაზე, არამედ ეს არის ნაზავი თეორიას პლუს პრაქტიკა. ეს საშუალებას გვაძლევს სტუდენტებმა თეორიის სწავლის პროცესშივე გამოსცადონ საკუთარი თავი პრაქტიკულ საქმიანობაში და ამ მხრივ უნივერსიტეტში არსებული რესურსები, როგორიცაა ლაბორატორიები, სტუდიები და ა.შ არის საუკეთესო დამხმარე საშუალება მათთვის.  ჩვენი მიზანია თოთოეულ სტუდენტს მივცეთ ისეთი განათლება, რომელიც დაეხმარება მას გახდეს კონკურენტუნარიანი არა მხოლოდ ადგილობრივ, არამედ საერთაშორისო შრომით ბაზარზეც.

HR hub: როგორ შეძლო საქართველოს უნივერსიტეტმა ის, რომ კურსდამთავრებულთა 93% დასაქმებულია?

ეს ყველაფერი განპირობებულია ისევ და ისევ ინოვაციური სწავლის მოდელით. სტუდენტები პირველი კურსიდანვე სწავლობენ მათთვის საინტერესო სფეროს დეტალურად და სიღრმისეულად. ამასთან ჩვენს უნივერსიტეტში ასწავლიან პრაქტიკოსი პროფესორ-ლექტორები, რომლებიც საკუთარ გამოცდილებას უზიარებენ სტუდენტებს, ეს კი მათ ეხმარებათ გახდნენ კონკურენტუნარიანები შრომით ბაზარზე.

გარდა ამისა ჩვენს უნივერსიტეტში არსებობს დასაქმების ხელშეწყობის სამსახურიც, სადაც სტუდენტებს საშუალება აქვთ მიიღონ პროფესიული რჩევები, სანამ დამსაქმებელთან წარდგებიან. ამასთან აღნიშნული სამსახური  სხვადასხვა კერძო თუ სახელმწიფო ორგანიზაციებთან გაფორმებული ხელშეკრულების საფუძველზე, არჩევს ვაკანსიებს და რეგულარულად აწვდის მათ სტუდენტებს.
სწორედ, ეს ფაქტორები განაპირობებს იმას, რომ ჩვენი კურსდამთავრებულები მოთხოვნადები არიან შრომით ბაზარზე და მათი  93% დასაქმებულია.

HR hub: რატომ გადაწყვიტეთ მხარი დაგეჭირათ ახალგაზრდების დასაქმების რეგიონული ფესტივალისთვის ,,ჩვენ გეძებთ შენ“?

საქართველოს უნივერსიტეტი აქტიურად  ზრუნავს არა მხოლოდ ჩვენი  სტუდენტების დასაქმებაზე, არამედ ზოგადად ახალგაზრდების დასაქმებაზე. სწორედ ამ მიზნით ჩვენს უნივერსიტეტში შევქმენით ინოვაციების ცენტრი  – “start up factory, რომელიც ეხმარება დამწყებ სტარტაპერებს საკუთარი ბიზნეს იდეების განხორციელებაში და აძლევს მათ დაფინანსებას. ამ ფაქტორებიდან გამომდინარე გადავწყვიტეთ, ვყოფილიყავით დასაქმების ფესტივალის აქტიური მხარდამჭერები.

HR hub: როგორ იქნება წარმოდგენილი საქართველოს უნივერსიტეტი დასაქმების ფესტივალებზე?

საქართველოს უნივერსიტეტი დასაქმების ფესტივალზე  მრავალმხრივ იქნება წარმოდგენილი.  სპეციალურად მოწყობილ კუთხეში,  დამთვალიერებელს შესაძლებლობა ექნება გაეცნოს უნივერსიტეტის სერვისებს, საბაკალავრო, სამაგისტრო და სადოქტორო პროგრამებს და სპეციალურ შეთავაზებებს. აგრეთვე გვეყოლება დამწყები სტარტაპერები, რომლებიც საკუთარ გამოცდილებას გაუზიარებენ დაინტერესებულ ადამიანებს.

HR hub: რას ურჩევდით დამამთავრებელი კურსის სტუდენტებს, რომლებიც ცხოვრების ახალ ეტაპზე გადადიან და სამსახურის ძიების პროცესში არიან?

დამამათავრებელი კურსის სტუდენტებს ვურჩევდი იყვნენ აქტიურები, არ შეეშინდეთ ახალი გამოწვევების, სცადონ საკუთარი თავი სხვადასხვა ამპლუაში და ნუ შეაშინებთ დაბრკოლებები.  დასაწყისი შეიძლება ყოველთვის რთული იყოს, თუმცა საჭიროა, საკუთარ თავში გადალახო გარკვეული ბარიერები.

ნებისმიერი საქმისთვის გამოცდილება უმნიშვნელოვანესია, ამიტომ არ თქვათ უარი სტაჟირებებზე, გადამზადებაზე. ეს ყველაფერი ხელს უწყობს პროფესიულ განვითარებას.

 

ბოლო დროს კომპანიები, ადამიანური კაპიტალის მოსაზიდად, ტრადიციული ხერხების (დასაქმების პორტალები) ნაცვლად, აქტიურად იყენებენ სოციალურ ქსელებს. Continue reading “ქართული რეკრუტინგული კამპანიების მაგალითები სოციალურ ქსელებში” →

მეზღვაურთა დღის აღსანიშნავი ოფიციალური ცერემონია ბათუმის მე-10 ნავმისადგომზე გაიმართა, Continue reading “დღეს, მეზღვაურთა საერთაშორისო დღე აღინიშნება” →

Studentjob.ge -ისა და HR hub-ის ინიციატივით და ორგანიზებით რეგიონული დასაქმების ფესტივალი „ჩვენ გეძებთ შენ“ იწყება. პროექტი ხორციელდება საქართველოს უნივერსიტეტის და ფერმერთა ასოციაციის მხარდაჭერით. პირველი რეგიონი სადაც აღნიშნული ღონისძიება ჩატარდება არის კახეთი.

თელავი ჯობს/Telove Jobs – 7 ივლისს, 16:00სთ-დან, თელავში, თელავის მუნიციპალიტეტის მერიასა და კრედო ბანკთან პარტნიორობით ჩატარდება. ღონისძიება მიზნად ისახავს დამსაქმებლებისა და სამსახურის მაძიებლების შეხვედრას არაფორმალურ გარემოში.

ნადიკვრის პარკში, ღია ცის ქვეშ, წარმოდგენილი იქნებიან კომპანიები სხვადასხვა ვაკანსიით/სტაჟირებით. გარდა ამისა, მოეწყობა წარმატების კუთხე, რომლის წარმდგენია ჟურნალი Entrepreneur Georgia. თქვენ მოისმენთ წარმატებული ადამიანების გამოსვლებს კარიერულ ზრდაზე, მოტივაციაზე, წარმატებასა და სხვა მნიშვნელოვან თემებზე. დამსწრე აუდიტორიას საშუალება ექნება კითხვები დაუსვას მისთვის საინტერესო სპიკერს და მიიღოს რჩევები.
აღსანიშნავია ისიც, რომ საქართველოს უნივერსიტეტს, რომლის კურსდამთავრებულთა 93% დასაქმებულია, წარმატების კუთხეში ეყოლება start up factory -ის წარმომადგენელი. ის ისაუბრებს სტარტაპების შექმნისა და განვითარების პროცესებზე.

,,თელავი ჯობსის” ფარგლებში გაიმართება ადგილობრივი სტარტაპების გამოფენა-გაყიდვა.

ღონისძიება გაგრძელდება 20:00სთ-მდე და დასრულდება კონცერტით.

დასაქმების ფესტივალში მონაწილეობის მიღება, დასაქმების მსურველ ნებისმიერ ახალგაზრდას შეუძლია. ყველა, ვინც გადაწყვეტს ,,თელავი ჯობსზე” დასწრებას, თან უნდა იქონიოს რამდენიმე რეზიუმე, რომელსაც დამსაქმებელს წარუდგენს.

პროექტის მედია მხარდამჭერები არიან: ჟურნალი Entrepreneur Georgia, რადიო იმედი და www.hrhub.ge.