“ჩემი პროფესია შენი გადარჩენაა!” – ასეთია საგანგებო სიტუაციების მართვის სამსახურის კამპანია, რომელიც ფოტ ისტორიებს მოცავს და ხაზს უსვამს ამ პროფესიის ადამიანების უდიდეს მისიას. მეხანძრემაშველიგმირია Continue reading “ჩემი პროფესია შენი გადარჩენაა! – საგანგებო სიტუაციების მართვის სამსახურის ფოტო ისტორიები”
მედეა ტაბატაძე: ,,კარგი უფროსი ხარ მაშინ, როცა – საკუთარი გუნდის წევრებს ისე განავითარებ, რჩევაზე მიაკითხავ და რჩევას მიიღებ”
HR სფეროში საქართველოში მთავარი საინფორმაციო-ანალიტიკური ინტერნეტ ჟურნალის www.hrhub.ge – ის რუბრიკის “HR მენეჯერი“ სტუმარია მედეა ტაბატაძე – “ინსორსის” დამფუძნებელი და დირექტორი. Continue reading “მედეა ტაბატაძე: ,,კარგი უფროსი ხარ მაშინ, როცა – საკუთარი გუნდის წევრებს ისე განავითარებ, რჩევაზე მიაკითხავ და რჩევას მიიღებ””
სოც.პროგრამა – 600 000 ლარის მხარდაჭერა 48 მრავალშვილიან თიბისელს
600 000 ლარის ფინანსური მხარდაჭერა 48 მრავალშვილიან თიბისელს- ეს თიბისი ბანკის შიდა სოციალური პროგრამის, „მრავალშვილიანი თიბისელების კლუბის“ 5 წლის შედეგებია. Continue reading “სოც.პროგრამა – 600 000 ლარის მხარდაჭერა 48 მრავალშვილიან თიბისელს”
კანდიდატების შერჩევის არასწორი პროცესი ბრენდის იმიჯს ანადგურებს – რას აჩვენებს კვლევები?
როგორც არაერთხელ აღგვინიშნავს, ჩვენი კომპანიების თანამშრომლები ოფისის გარეთ, ნებით თუ უნებლიედ, ბიზნესის ამბასადორების ფუნქციას ირგებენ და ბრენდის პოზიციონირებაში, ფაქტობრივად, გადამწყვეტ როლს თამაშობენ. თუმცა, ბრენდის სწორი მენეჯმენტი ბევრად უფრო კომპლექსური საკითხია და მხოლოდ ლოიალური თანამშრომლებით ძლიერ იმიჯს ვერ შევქმნით. Continue reading “კანდიდატების შერჩევის არასწორი პროცესი ბრენდის იმიჯს ანადგურებს – რას აჩვენებს კვლევები?”
“რეგუსის” ინოვაციური გარემო ზუსტად პასუხობს HR hub-ის კონცეფციას, აქ მუშაობა სასიამოვნოა
როგორც კი ლეონიძის ქუჩის N2-ში მდებარე შენობის კარს შეაღებთ, მაშინვე მწვანე გარემოში აღმოჩნდებით. Continue reading ““რეგუსის” ინოვაციური გარემო ზუსტად პასუხობს HR hub-ის კონცეფციას, აქ მუშაობა სასიამოვნოა”
“ლივინგსტონის” ახალი HR-ული გამოწვევები საერთაშორისო ბაზარზე გასასვლელად
ციფრული სააგენტო „ლივინგსტონისთვის“ აქტუალურია HR საკითხები. Continue reading ““ლივინგსტონის” ახალი HR-ული გამოწვევები საერთაშორისო ბაზარზე გასასვლელად”
მასწავლებლები პროფესიული განვითარების ტრენინგებს ონლაინ გაივლიან
დღეს მასწავლებელთა პროფესიული განვითარების ელექტრონული კურსების (Microsoft-ის მიერ შექმნილი პლატფორმა) ინოვაციური პროექტის პრეზენტაცია გაიმართა. Continue reading “მასწავლებლები პროფესიული განვითარების ტრენინგებს ონლაინ გაივლიან”
საზოგადოებრივ მაუწყებელს ახალი ოფისი აქვს
ასე გამოიყურება საზოგადოებრივი მაუწყებლის ახალი ამბების სამსახურის ნიუსრუმი. ახალი ოფისის გახსნა აღნიშნეს თანამშრომლებმა.
“ესეც ახალი ნიუსრუმი. პირველარხელებო გილოცავთ!” – წერენ სოციალურ ქსელში. Continue reading “საზოგადოებრივ მაუწყებელს ახალი ოფისი აქვს”
როგორი იქნება კომერციული ატაშეების სამუშაოს აღწერილობა ?
საქართველოს ეკონომიკისა და მდგრადი განვითარების სამინისტრო კომერციული ატაშეს თანამდებობაზე კონკურსს აცხადებს. ეკონომიკის სამინისტროს ინფორმაციით, შერჩეული კანდიდატები შესაბამისი გადამზადების შემდეგ მუშაობას გააგრძელებენ შემდეგ ქვეყნებში:
- აშშ,
- გერმანიის ფედერაციული რესპუბლიკა,
- თურქეთის რესპუბლიკა,
- დიდი ბრიტანეთი,
- არაბთა გაერთიანებული საამიროები,
- ჩინეთის სახალხო რესპუბლიკა.
კომერციული ატაშეები, საქართველოს ეკონომიკისა და მდგრადი განვითარების მინისტრის გადაწყვეტილებითა და საგარეო საქმეთა სამინისტროსთან შეთანხმებით, დაინიშნებიან უფროს დიპლომატიურ თანამდებობაზე.
ატაშეს როტაციის ვადა 3 წელია.
“კომერციული ატაშეების საქმიანობა ხელს შეუწყობს საგარეო ვაჭრობის საკითხებს. განსაკუთრებული აქცენტი გაკეთდება ექსპორტის ხელშეწყობაზე, ინვესტიციების მოზიდვაზე, საერთაშორისო ტურისტების მოზიდვასა და საერთაშორისო ბიზნეს-ტენდენციების, ტექნოლოგიებისა და ინოვაციების გაცნობასა და საქართველოში დანერგვაზე. კომერციული ატაშე ხელს შეუწყობს ქართველი ექსპორტიორების და მათ მიერ ნაწარმოები პროდუქციის შეღწევას მიზნობრივ ბაზრებზე და კონტრაქტების მოპოვებას. კომერციული ატაშე ასევე პასუხისმგებელი იქნება შესაბამის ქვეყანაში პოტენციური ინვესტორებისთვის საქართველოში არსებული შესაძლებლობების გაცნობაზე და ახალი ინვესტორების მოზიდვაზე. შერჩევის პროცესი 3-4 თვის განმავლობაში გაგრძელდება და მოიცავს შემდეგ ეტაპებს: განაცხადების გადარჩევა, სხვადასხვა ეტაპზე რამდენიმე ფორმით შეფასება (წერითი დავალება, პრეზენტაცია, ენის ცოდნის დადგენა, გასაუბრება და ა.შ.) და სავალდებულო სწავლება. კანდიდატს მოეთხოვება არანაკლებ 5-წლიანი სამუშაო გამოცდილება კერძო სექტორში: საერთაშორისო ვაჭრობის ან ინვესტიციების მიმართულებით ან საფინანსო სექტორში. ასევე, ხელმძღვანელ თანამდებობაზე მუშაობის არანაკლებ 3 წლიანი გამოცდილება; არანაკლებ 5-წლიანი სამუშაო გამოცდილება საჯარო სტრუქტურაში საერთაშორისო ეკონომიკური მიმართულებით. ასევე, ხელმძღვანელ თანამდებობაზე მუშაობის არანაკლებ 3-წლიანი გამოცდილება.კონკრეტული ქვეყნების მიხედვით დადგენილია ასევე უცხო ენების ცოდნის ვალდებულებაც”, – აცხადებენ უწყებაში.
სამინისტროს ცნობით, საკონკურსო განცხადების მიღება დრეს დაიწყო და 14 დღის განმავლობაში გაგრძელდება.
განაცხადის შეტანის მსურველებმა განაცხადი დასაქმების სახელმწიფო პორტალის HR.GOV.GE საშუალებით უნდა გააგზავნონ.
ეკა ბერიძე: ,,პასუხისმგებლობის აღების უნარი, ეს არის ყველაზე მთავარი, დანარჩენი ისწავლება.”
ეკა ბერიძე 1999 წლიდან აქტიური ჟურნალისტიკით იყო დაკავებული. სხვადასხვა დროს მუშაობდა რუსთავი 2-ზე, საზ. მაუწყებელზე, მეცხრე არხზე და სხვა ქართულ ტელევიზიებში. იყო გადაცემების ავტორი, წამყვანი და პროდიუსერი. აქტიური ჟურნალისტიკიდან მენეჯმენტში გადაინაცვლა და 2013 წლიდან დღემდე „ჯორჯიან უოთერ ენდ ფაუერის“ – კომუნიკაციისა და კორპორაციული მომსახურების დირექტორია.
ჩვენ ეკას ვესაუბრეთ მის ამჟმინდელ და ყოფილ საქმიანობაზე. გთავაზობთ მასთან ინტერვიუს.
HR hub: ეკა თქვენ პროფესიით ფილოლოგი ხართ. თუმცა შეიძლება ითქვას, რომ მთავარი პროფესია მაინც ჟურნალისტობაა. დაახლოებით 21 წლის განმავლობაში იმუშავეთ სხვადასხვა ტელევიზიაში და საკმაოდ წარმატებულიც იყავით. რატომ გადაწყვიტეთ ჟურნალისტობისთვის თავი დაგენებებინათ ?
ბოლოს, როგორც ტელეწამყვანი, ტელეკომპანია მე-9 არხზე ვმუშაობდი. როდესაც ეს არხი დაიხურა, მქონდა ორი შეთავაზება, ერთი იყო საზოგადოებრივ მაუწყებელში თოქშოუს წაყვანა და მეორე-კომპანია ჯორჯიან უოთერ ენდ ფაუერის საზოგადოებასთან ურთიერთობის მიმართულების ხელმძღვანელობა. მაშინ მეორე ავირჩიე ბევრი ობიექტური, თუ სუბიექტური მიზეზის გამო, რასაც ნამდვილად არ ვნანობ, პირიქით. უკვე 4 წელია ამ კომპანიაში ვმუშაობ, ახლა უკვე ვარ კომუნიკაციების დირექტორი, მაბარია რამდენიმე სერიოზული მიმართულება და ძალიან საჭირო და საინტერესო საქმეს ვემსახურები. ხელს მიწყობს ისიც, რომ 2008-2010 წელს დავამთავრე თავისუფალი უნივერსიტეტის MBA. პირველად ამ მხრივ თვითრეალიზაციის საშუალება სწორედ ჯორჯიან უოთერ ენდ ფაუერში მომეცა.
HR hub: ამბობენ ტელევიზიაში ვინც ერთხელ შედგამს ფეხს, მისით ,,იწამლება“ და უკან ვეღარ გამოდისო. არ გიფიქრიათ დაბრუნებაზე?
არ მიყვარს და არ მინდა ვიყო ემოციურად დამოკიდებული რაიმეზე. არასოდეს მინანია ის რომ ტელევიზიაში აღარ ვმუშაობ და თუ ოდესმე დავბრუნდები, დავბრუნდები მხოლოდ როგორც მენეჯერი. ამჟამინდელი მედიით აღფრთოვანებული არ ვარ და ალბათ ესეც განაპირობებს იმას, რომ ტელევიზიაში მუშაობის სურვილი არ მაქვს.
HR hub: როგორ უმკლავდებით კრიტიკას, რომელიც თქვენს მიმართ არა ერთხელ ყოფილა ?
არანაირად არ ვუმკლავდები, პასუხს ვცემდი და ვცემ იშვიათად, თუ ეს საჭიროდ მიმაჩნია. საკმაოდ დარწმუნებული ვარ საკუთარ თავში, იმისთვის რომ კრიტიკაზე მწვავე რეაქცია მქონდეს.
HR hub: თუ მოუციათ თქვენთვის ისეთი რჩევა, რომელიც არასდროს დაგავიწყდებათ?
საბედნიეროდ ჩემი ცხოვრების მანძილზე ბევრი კარგი მასწავლებელი მყავდა და ბევრი კარგი რჩევა მიმიღია. დღეს ჩემი საუკეთესო მრჩეველი ჩემი მეუღლეა და მის რჩევებს ყოველთვის ვითვალისწინებ. განსაკუთრებით მის მთავარ რჩევას – ვეცადო შევხედო ჩემს თავს ყოველთვის გვერდიდან, სხვისი გადასახედიდან. ეს რჩევა ნამდვილად არ მავიწყდება.
HR hub: რას ეტყოდით მათ, ვინც ახლა აპირებს ჟურნალისტი გახდეს ?
ვეტყოდი რომ არავითარ შემთხვევაში არ უნდა აირჩიონ ეს პროფესია იმიტომ, რომ დღეს პოპულარულია. ჟურნალისტი უნდა გახდეს მხოლოდ ის, ვისაც შეუძლია თავდაუზოგავად მუშაობა, ვისაც შეუძლია ბევრი იკითხოს, ვისაც აქვს ადამიანებთან ურთიერთობის, მათი გახსნის უნარი. ჟურნალისტს სჭირდება ძალიან მაღალი ემოციური ინტელექტი, სჭირდება მიუკერძოებლობა. მოკლედ ეს ურთულესი პროფესიაა და იოლად ნუ აირჩევთ ამ გზას, ამას ვეტყოდი.
HR hub: 2008 წელს ჩააბარეთ თავისუფალი უნივერსიტეტის ბიზნესის სკოლის მაგისტრატურაზე. რატომ მიიღეთ ეს გადაწყვეტილება ?
როგორც უკვე გითხარით, არ მინდა ვიყო რამეზე ემოციურად დამოკიდებული, მათ შორის პროფესიაზე, მგონია რომ უნარიან ადამიანს ცვლილებების არ უნდა ეშინოდეს. რაღაც პერიოდში ისე მოხდა, რომ პოლიტიკური მიზეზების გამო, სამსახურის გარეშე დავრჩი, უსაქმურობა კი ძალიან არ მიყვარს. ამიტომ ჩავაბარე თბილისის საუკეთესო ბიზნესის სკოლის მაგისტრატურაში, ეს იყო მაშინ იესემის(შემდეგ უკვე თავისუფალი უნივერსიტეტის) მაგისტრატურა და მივიღე ძალიან კარგი განათლება. მაგალითად მენეჯმენტს მასწავლიდა ისეთი მასშტაბის სპეციალისტი, როგორიცაა ნიკოლოზ მარკოზაშვილი. ძალიან გამიმართლა რომ მასთან და კიდევ არაერთ არაჩვეულებრივ პედაგოგთან ურთიერთობის და მათგან ცოდნის მიღების საშუალება მომეცა.
HR hub: 2013 წლიდან მუშაობთ „ჯორჯიან უოთერ ენდ ფაუერის“ – კომუნიკაციისა და კორპორაციული მომსახურების დირექტორის პოზიციაზე. ეს თქვენთვის ახალი გამოწვევა იყო. როგორია თანამშრომლების თვალით დანახული ეკა ბერიძე, როგორც მათი უფროსი ?
არ მინდა სტანდარტული ფრაზებით გაგცეთ პასუხი. ჩემს თანამშრომლებთან პირველ რიგში ვმეგობრობ. ჩემი თავისგან ვითხოვ იმაზე მეტს, ვიდრე მათგან, თუმცა ვერ ვარ ლოიალური, თუ ვინმე ზედაპირულად უდგება საქმეს. მინდა ვუყვარდე იმ ადამიანებს, ვინც ჩემთან მუშაობს და მინდა რომ საქმე აკეთონ კვალიფიციურად და მთელი სულით და გულით. მითუმეტეს რომ ჩემს დაქვემდებარებაშია ერთი მხრივ საინფორმაციო ცენტრი, მეორე მხრივ მომხმარებელთან ურთიერთობის სამსახური. მათ კი, თავის მხრივ უწევთ კომპანიის მომხმარებელთან ურთიერთობა, ეს ძალიან საპასუხისმგებლოა. არ ვიცი, მაგრამ იმედი მაქვს, რომ ჩემს თანამშრომლებს მოსწონთ ჩემთან ერთად საქმის კეთება. კარგად ვიცი, რომ თუ ვინმე დავალებას ვერ იგებს, ეს დავალების მიმცემის პრობლემაა და ამიტომ ვცდილობ, რაც შეიძლება მკაფიოდ ავუხსნა ჩემს დაქვემდებარებაში მყოფ კოლეგებს თუ რას ვითხოვ მათგან და მუდმივად დავეხმარო მიცემული ამოცანის შესრულებისას.
HR hub: და ბოლოს, ჩამოთვალეთ რამდენიმე თვისება, რის გარეშეც წარმატების მიღწევა შეუძლებელია.
პასუხისმგებლობის აღების უნარი, ეს არის ყველაზე მთავარი, დანარჩენი ისწავლება.