HR hub – ის სამუშაო სივრცე არის Network-ში და ჩვენ ამ დიდი ოჯახის წევრი ვართ. აქ ვგეგმავთ ღონისძიებებს, ტრენინგებსა და სხვადასხვა აქტივობებს. Continue reading “ნინო როხვაძე _ გაიცანით ,,Network-ის” წევრი”
ნინო როხვაძე _ გაიცანით ,,Network-ის” წევრი
სპარმა თანამშრომლების well-being zone შექმნა
სპარმა თანამშრომლების well-being zone შექმნა. მთავარი საინფორმაციო-ანალიტიკურიო ონლაინ HR ჟურნალი – HRhub.ge ესაუბრა ქეთი ესაძეს, ფუდმარტ რითეილ ბიზნეს ჯგუფის ტალანტების მართვის და განვითარების დირექტორს და გთავაზობთ მასთან ინტერვიუს.
Continue reading “სპარმა თანამშრომლების well-being zone შექმნა”
HR hub 25 აპრილს ღონისძიებას “HR Tech – ტექნოლოგიები HR-ში” ჩაატარებს
HR hub-ის ორგანიზებით 25 აპრილს, 19:00სთ-ზე, თიბისი კონცეპტის სივრცეში (მარჯანიშვილის 7) ღონისძიება HR Tech გაიმართება.
გვეყოლება სპიკერები, რომლებიც ისაუბრებენ ისეთ მნიშვნელოვან თემებზე როგორებიცაა:
ტექ. რეკრუტინგი – გლობალური რეკრუტინგის მთავარი გამოწვევები, ტექნოლოგიები რეკრუტინგში; HR სოფტები; HR ანალიტიკა; HR მენეჯერებისთვის საინტერესო ტექნოლოგიური სერვისები.გვექნება ნეთვორქინგ აქტოვობა The power of Networking, სფიჩებისა და პანელ-დისკუსიის ფორმატი.
განრიგი
- 19:00 გახსნა
- 19:10 მარიამ ნებაძე – Self.HR – ის პროდუქტის განვითარების მენეჯერი თემა: Self Talk – ახალი პროდუქტი Self.HR-სგან თანამშრომლებთან მარტივი კომუნიკაციისთვის
- 19:20 ნათია გარუჩავა – EVA Global – ის ტალანტების მოზიდვის ლიდი თემა: “როგორ გამოვიყენოთ ტექნოლოგიები რეკრუტინგში?”
გამოსვლა შეეხება ციფრებსა და ქეისებს, თუ როგორი ეფექტი აქვს ტექ რეკრუტინგში კონკრეტული ტექნოლოგიური ინსტრუმენტების გამოყენებას.
- 19:40 მარიამ მამულია – HR lead at Team Up თემა: The power of Intake meeting მარიამი ისაუბრებს Hiring მენეჯერისა და რეკრუტერის თანამშრომლობის მნიშვნელობაზე. თუ როგორ მოვახდინოთ მიზნების თანხვედრა და გაწერა რეკრუტინგის პროცესის დაწყებამდე. ერთობლივად როგორ ვიმუშაოთ ეფექტურად.
- 20:00 შესვენება
- 20:30 ნინი დიხამინჯია – Telnet კომერციული დირექტორი თემა: IT რეკრუტინგის გამოწვევები და მათი გადაწყვეტის გზები.
- 20:50 პანელ-დისკუსიის თემა: გამოწვევები ტექ რეკრუტინგში.
- პანელის მოდერატორი: თამარ აბრალავა კომპანია Garage IT- ის HR მენეჯერი
- აპოლონ ფაჩულია – Node Chapter Lead კომპანია Making Science Sweeft;
- ნათია გარუჩავა – EVA Global – ის ტალანტების მოზიდვის ლიდი;
- მარიამ ბარსონიძე – TBC ბანკის უფროსი ტექ ტალანტების მართვის მენეჯერი;
- გია მეტრეველი – TA Lead at Gigs. სტარტაპ კონსულტანტი ტალანტების მენეჯმენტის მიმართულებით.
- 21:40 ლაშა ბოკუჩავა – ლიდერშიფ სკანერი – CEO, Founding Partner თემა: HR ანალიტიკა
- 22:00 ღონისძიების დასრულება.
ვისთვისაა ღონისძიება?
კერძო და საჯარო სექტორის:
- HR გუნდებისთვის (HR დირექტორები, HR მენეჯერები);
- ტექ რეკრუტერებისთვის;
- HR სამსახურის სხვადასხვა მიმართულების თანამშრომლები;
- HR სფეროთი დაინტერესებული ადამიანებისთვის;
- დამფუძნებლებისთვის, დირექტორებისთვის;
- C-Suite – TOP მენეჯერებისთვის.
ღონისძიებაზე დასასწრებად დარეგისტრირდით ამ ბმულზე.
დასწრების ღირებულებაა: 85 ლარი.
ორგანიზაციიდან 3-ზე მეტი თანამშრომლის დასწრების შემთხვევაში ისარგებლებთ 10%-იანი ფასდაკლებით.
რეგისტრაციის ბოლო ვადაა 24 აპრილი.
კითხვების შემთხვევაში დაგვიკავშირდით: info@hrhub.ge 591990107
ღონისძიების მხარდამჭერები არიან: telnet.ge სასტუმრო ეპიზოდი, სამუშაო სივრცე Network, Geosoft.
საქართველოს მომავალი ევროპაშია 
HR hub გერმანული კომპანია “ALPHA-TEST” – ის პარტნიორი გახდა
HR hub კომპანია “ALPHA-TEST” – ის პარტნიორი გახდა.
ALPHA-TEST არის გერმანული და პირველი ევროპული კომპანია ონლაინ ტესტებისა და ონლაინ შეფასებების მიმართულებით 25 წლიანი გამოცდილებით.
მისი გადაწყვეტილებები ფართოდ გამოიყენება სხვადასხვა სფეროში პერსონალის შერჩევის, თანამშრომლების მოტივაცია-განვითარების და პროფესიული ორინეტაციის კუთხით. მომხმარებლების კმაყოფილების დონე აღწევს 97%. ALPHA-TEST-მა ჩაატარა 10 მილიონზე მეტი ონლაინ ტესტი 1000-ზე მეტ მომხმარებელთან.
კომპანია არის სრული სერვისის პროვაიდერი, რომელიც მოიცავს როგორც კონცეპტუალურ (შინაარსობრივ, ფსიქოლოგიურ) მხარეს, ასევე ტექნიკურ ნაწილს.
600-მდე ტესტი მორგებულია თითოეული პოზიციისთვის Best Practise გამოცდილებით, მოსახერხებელი ინტერფეისით, გამოყენების სიმარტივითა და დროის დაზოგვის ავტომატიზაციის საშუალებით.
ALPHA-TEST გადაწყვეტილებები გამოიყენება, როგორც Add-on, მსოფლიოში ცნობილ HR სისტემების მიმწოდებელ კომპანიებში, როგორიცაა SAP, Workday, ADP და ა.შ.
დღეიდან კომპანიის სერვისებით სარგებლობას შეძლებენ საქართველოში არსებული კომპანიებიც, რომლებიც ჩვენი თანამშრომლობის ფარგლებში სპეციალურ შეთავაზებებს მიიღებენ.
დაინტერესებულმა კომპანიებმა შეგიძიათ მოგვწეროთ მეილზე: info@hrhub.ge
კომპანიისა და მისი სერვისების შესახებ დეტალური ინფორმაცია ბმულზეა.
ALPHA-TEST is the pioneer of online tests!
- More than 20 years of experience in psychological diagnostics & in cloud-based software development
- Partner of numerous large companies such as Nestlé, FUJITSU, Würth, Kärcher as well as many medium-sized and small companies, public authorities & universities-high schools
- Interface to the various software manufacturers such as SAP, Workday, d.vinci, softgarden, recruitee
- 97% of customers satisfaction
- Translation into all languages possible
- Certified according to ISO 27001 for information security
ALPHA-TEST OFFERS
- Proven standard tests for 600 professions and courses of study based on the experience of our psychologists and companies job requirements
- Customization of tests possible
- Informative reports
- Protection against counterfeiting through re-test booklet or proctoring
- No implementation costs
- No software installation
გაიცანით ,,Network-ის” წევრი თენგო ყაზიშვილი
HR hub – ის სამუშაო სივრცე არის Network-ში. ჩვენ ამ საერთო სამუშაო სივრცის დიდი ოჯახის წევრი ვართ და სწორედ აქ ვგეგმავთ ღონისძიებებს, ტრენინგებსა და სხვადასხვა აქტივობებს. Continue reading “გაიცანით ,,Network-ის” წევრი თენგო ყაზიშვილი”
გაიცანით ,,Network-ის” წევრი ლაშა ნასარაია
HR hub – ის სამუშაო სივრცე არის Network-ში. ჩვენ ამ საერთო სამუშაო სივრცის დიდი ოჯახის წევრი ვართ და სწორედ აქ ვგეგმავთ ღონისძიებებს, ტრენინგებსა და სხვადასხვა აქტივობებს.
რა თქმა უნდა გვყავს უამრავი მეზობელი, რომლებიც გვინდა თქვენც გაგაცნოთ.
სწორედ ამიტომ, ყოველთვე შემოგთავაზებთ რუბრიკას ,,გაიცანი Network-ის წევრები”. მაშ ასე, ჩვენი რუბრიკის სტუმარია ლაშა ნასარაია.
HR hub: მოგვიყევით თქვენი კომპანიის შესახებ
ორ კომპანიაში ვარ, რომლებიც ადამიანის კეთილდღეობაზე ზრუნავენ.
HR hub: რა სერვისებს სთავაზობთ მომხმარებლებს?
ერთი კომპანია წონის კლებასა და ჯანსაღ ცხოვრებას თავაზობს, მეორე თვითგანვითარებას და ბიზნეს კონსულტაციას.
HR hub: როგორ ფიქრობთ წარმატებისთვის გამართლებაც საჭიროა თუ მხოლოდ შრომის შედეგია?
ბევერლი ჰილსის ქუჩაზე მილიონერი ფინანსისტის შვილი თუ ხარ რათქმაუნდა შანსები მეტი გაქვს უფრო მალე მიაღწიო შედეგს ვიდრე ჩოხატაურში.
HR hub: როდის მიხვდით, რომ საჭირო დროს საჭირო ადგილზე აღმოჩნდით?
ნეთვორქში მოსვლიდან ორ თვეში.
HR hub: რამდენი ხანია რაც ,,ნეთვორქის“ წევრი ხართ? სექტემბრიდან.
HR hub: ,,ნეთვორქი“ რომ ადამიანი იყოს, როგორ დაახასიათებდით?
მეუღლე – მოგწონს, გიყვარს, გაგაცინა თუ ცოტახანი შესვენება გინდა მისგან, არ აქვს მნიშვნელობა, მაინც ერთად ხართ.
Network – ის შესახებ:
ნეთვორქი არის საერთო სამუშაო სივრცე, რომელიც გთავაზობთ შეხვედრების, კონფერენციის ოთახებს, ბოქს ოფისებსა და საერთო სამუშაო სივრცეს. ჩვენთვის მნიშნველოვანია, რომ მომხმარებლებმა არა მხოლოდ სამუშაო სივრცით ისარგებლონ, არამედ გაიცნონ ერთმანეთი და მომავალში საინტერესო კოლაბორაციები შექმნან. მსგავსი გარემოს შესაქმნელად ხშირად გვაქვს ივენთები და ვორქშოფები, რათა დავეხმაროთ ჩვენს წევრებს ერთმანეთი უკეთ გაიცნონ.
მის: ჭავჭავაძის 33ე
+995 505 555 885
info@networkspace.geHR hub-ის ორგანიზებით 10 აპრილს ღონისძიება ,,ბიზნესი, სპორტი და ლიდერობა” ჩატარდება
HR hub-ის ორგანიზებით 10 აპრილს, 17:00სთ-ზე სასტუმრო Pullman Tbilisi Axis Towers – ში, ღონისძიება ,,ბიზნესი, სპორტი და ლიდერობა” ჩატარდება, სადაც ბიზნეს ლიდერები, HR მენეჯერები, დირექტორები და სპორტის წარმომადგენლები სტრატეგიაზე, ლიდერობაზე, მოტივაციაზე, გუნდის მართვასა და ორგანიზაციაში HR მენეჯერის მზარდ სტრატეგიულ როლზე ისაუბრებენ.
სპიკერები გვეყოლება როგორც ბიზნესის, ასევე სპორტის სფეროდან, რადგან ისეთ თემებზე ვისაუბრებთ, რომლებიც ორივე მიმართულებას ეხება.
დელეგატები ღონისძიებას კერძო და საჯარო სექტორიდან დაესწრებიან.
ვინ იქნებიან სპიკერები?
განრიგი
17:00 – ღონისძიების გახსნა;
17:15 ხათუნა ტუღუში – Rooms People’s Department დირექტორი თემა: ROOMS – ის მიერ შეცვლილი ისტორია: ლიდერების როლი თაობათა შორის ბრძოლებში;
17:35 ნინა კობახიძე – რისკების მართვისა და სადაზღვევო კომპანია ,,გლობალ ბენეფიტს ჯორჯიას” სამეთვალყურეო საბჭოს თავმჯდომარის მოადგილე თემა: შენ გექნება ყველაფერი მაშინ, როდესაც არ იდარდებ იმაზე ვინ მიიღებს ჯილდოებს, შენი დამსახურებისთვის!
17:55 ლადო კილასონია – საქართველოს 20-წლამდე მორაგბეთა ნაკრების მწვრთნელი თემა: მშვიდად აღმართზე.
18:00 შესვენება
18:30 ლელა სალაყაია – “სელფი მობაილი”, HR და ადმინისტრაციის დირექტორი თემა: კორპორაციული კომუნიკაცია – ექო თუ დიალოგი?;
18:50 გრიგოლ სიდამონიძე – Denuo Legal-ის მმართველი პარტნიორი თემა: აუთსორსინგი, როგორც ლიდერის ინსტრუმენტი;
19:10 ნინო სალუქვაძე – ტყვიის სროლაში ოლიმპიური, მრავალგზის მსოფლიოს და ევროპის ჩემპიონი თემა: წარმატების საიდუმლო ფორმულა;
19:30 ნინო გაჩეჩილაძე – HR კონსულტანტი და ფრილანსერი თემა: HR და ბიზნესი – პარტნიორობა საერთო წარმატებისთვის;
ვისთვისაა ღონისძიება?
კერძო და საჯარო სექტორის:
- HR გუნდებისთვის (HR დირექტორები, HR მენეჯერები, HR სამსახურის სხვადასხვა მიმართულების თანამშრომლები);
- HR სფეროთი დაინტერესებული ადამიანებისთვის;
- დამფუძნებლებისთვის, დირექტორებისთვის;
- C-Suite – TOP მენეჯერებისთვის.
ღონისძიებაზე დასასწრებად დარეგისტრირდით ამ ბმულზე.
დასწრების ღირებულებაა: 95 ლარი.
ორგანიზაციიდან 3-ზე მეტი თანამშრომლის დასწრების შემთხვევაში ისარგებლებთ 10% ფასდაკლებით.
რეგისტრაციის ბოლო ვადაა 8 აპრილი.
კითხვების შემთხვევაში დაგვიკავშირდით: info@hrhub.ge 591990107
ღონისძიების პარტნიორია: აიბისისიეს საქართველო. IBCCS Georgia/IBCCS TAX არის ბიზნეს საკონსულტაციო კომპანია, რომელიც საგადასახადო, საბუღალტრო და იურიდიულ მომსახურებას უწევს დაინტერესებულ პირებსა თუ კომპანიებს, როგორც ლოკალურად, ასევე საერთაშორისო მასშტაბით.
ღონისძიების მხარდამჭერები არიან: IBCCS tax, სასტუმრო ეპიზოდი, ფლომასტერი, სამუშაო სივრცე Network, Grant Thornton Georgia, Geosoft.
,,პერსონალურ მონაცემთა დაცვის ოფიცრების მომზადების” სრულ სასერტიფიკატო კურსზე რეგისტრაცია დაიწყო
HR სკოლა იწყებს პერსონალურ მონაცემთა დაცვის ოფიცრების მომზადების სრულ სასერტიფიკატო კურსს, რომელსაც გაუძღვება ავთანდილ ლეფსვერიძე – პერსონალურ მონაცემთა დაცვის სამართლის ექსპერტი. კურსი დაიწყება 30 მარტს და ჩატარდება ყოველ შაბათ-კვირას.
“ევროპაბეთში მუშაობა ნიშნავს უწყვეტ განვითარებას, გამოწვევებსა და საინტერესო თავგადასავალს” – თამარა ქლიბაძე
HRhub.ge – მთავარი საინფორმაციო-ანალიტიკური ონლაინ HR ჟურნალი აგრძელებს ინტერვიუებს HR პროფესიონალებთან. ამჯერად ვესაუბრეთ თამარა ქლიბაძეს, ევროპაბეთის HR დირექტორს, რომლის სამუშაო გამოცდილება ამ კომპანიაში უკვე 10 წელს ითვლის.
HR hub: როგორ დაიწყო თქვენი კარიერა ევროპაბეთში?
ეს იყო 10 წლის წინ.
მიუხედავად იმისა, რომ ამდენი წელი გავიდა, დღემდე ყველა დეტალი მახსოვს, რადგან ეს იყო ჩემს ცხოვრებაში ერთ-ერთი მნიშვნელოვანი კარიერული ნაბიჯი.
მაშინდელ მიმდინარე სამსახურსა და ჩემს ხედვებს/ღირებულებებს შორის საკმაოდ დიდი განსხვავება იყო და გადაწყვეტილი მქონდა სამსახურის ძიება, როცა შემოთავაზება მივიღე, უფრო სწორედ კითხვა, ვიმუშავებდი თუ არა გემბლინგ ინდუსტრიაში.
სიმართლე გითხრათ, მაშინ ამ ინდუსტრიის შესახებ არც მე და ზოგადად საზოგადოებამ ბევრი არაფერი იცოდა, თუმცა გარკვეული შაბლონები/სტერეოტიპები არსებობდა, რომ მაინცდამაინც სასურველი ინდუსტრია დასაქმებისთვის არ უნდა ყოფილიყო.
პირადად მე ყოველთვის ვცდილობ მსგავსი სტერეოტიპული ხედვებისგან ვიყო თავისუფალი, ამიტომ ეგ ჩემთვის ბარიერი არ გამხდარა და ინტერესით შევხვდი კომპანიის მაშინდელ დამფუძნებელს. ყველაზე დიდი ინტერესი და მოტივაცია ჩემთვის, რის გამოც ამ კომპანიაში მუშაობას დავთანხმდი და ვფიქრობ თავადაც რის გამოც ამირჩიეს იყო ორმხრივი სრული გახსნილობა მიზნებსა და მოლოდინებში.
10 წლის წინ, საქართველოში ბევრ კომპანიას ვერ ნახავდით, რომელსაც დამსაქმებლის ბრენდი აინტერესებდა ან კომპანიის კორპორატიული კულტურის განვითარება პრიორიტეტი იყო. ამან ძალიან მამოტივირა და ამანთო, რომ აქ შეიძლებოდა რაღაც ძალიან კარგი გამეკეთებინა.
ზოგადად ვარ ამბიციური ადამიანი და ყოველთვის მივისწრაფვი მაღალი მიღწევებისკენ და ზუსტად ის გამოწვევა, რომ უცნობი და საკმაოდ სტერეოტიპულად აღქმულ ინდუსტრიაში არსებული კომპანია კარგ/მიმზიდველ დამსაქმებლად უნდა მექცია, ძალიან საინტერესო მისიად მესახებოდა.
მუშაობის დაწყებიდანვე საქმეს ძალიან მიადვილებდა დამფუძნებლის ნდობა, რომელიც როგორც უკვე დასაწყისშივე აღვნიშნე, გასაუბრებიდანვე შედგა ჩვენს შორის. ჩემს ცხოვრებაში ეს პირველი დასაქმების ინტერვიუ იყო სადაც აქტიურ სამუშაოს ძებნაში არ ვიყავი და დიდად არ ვიღელვებდი თუ არ შემარჩევდნენ, ამიტომ სრულიად გახსნილად ვუთხარი რა განსავითარებელ მხარეებს ვხედავდი უკვე მათ ლიდერულ თუ HR-ულ მიდგომებში და ამან ჩვენი შემდგომი, წელიწადნახევრიანი თანამშრომლობა ძალიან გააადვილა და შესაძლებელი გახადა ის მნიშვნელოვანი ტრანსფორმაციები რაც დასაქმების დღიდანვე დავიწყე.
HR hub: რას ნიშნავს მუშაობდე 10 წელი ამ კომპანიაში?
ზოგადად ევროპაბეთში მუშაობა ნიშნავს უწყვეტ განვითარებას, გამოწვევებს, სასარგებლო გაკვეთილებს და ძალიან საინტერესო და პოზიტიურ თავგადასავალს.
მეც, როგორც ადამიანების უმრავლესობა, ვფიქრობდი, რომ 10 წელი ერთ კომპანიაში დარჩენა ნიშნავს პენსიაზე ყოფნას, განვითარებაზე უარის თქმას და აუცილებელია 2 წელიწადში იცვალო სამსახური, რათა პროფესიულად გაიზარდო. აქ მუშაობამ მაჩვენა, რომ ეს ძალიან მცდარი წარმოდგენაა და დამოკიდებულია ორგანიზაციაზე სადაც მუშაობ. ვთვლი, რომ ამ 10 წლის მანძილზე 5 სხვა კომპანიაში დასაქმება ისე ვერ გამზრდიდა, როგორც 10 წელი აქ მუშაობამ გამზარდა, როგორც პროფესიულად, ისე პიროვნულად.
ხანგრძლივად ერთ კომპანიაში მუშაობას თავისი გამოწვევები და ბენეფიტები აქვს. გამოწვევებიდან გამოვყოფ იმ მთავარ დილემას, რომ თუ თავად არ იზრდები უფრო სწრაფად, ვიდრე კომპანია იზრდება, შეიძლება დამსაქმებლისთვის გახდე უინტერესო და ვეღარ შესთავაზო ვერაფერი ახალი. განსაკუთრებით, როცა ლიდერულ პოზიციაზე მუშაობ. უპირატესობას რაც შეეხება, ზუსტად იმის გამო, რომ ბევრი წელი მუშაობ ერთ ორგანიზაციაში, იცი ისტორია და გაქვს გამოცდილება, წარსულიდან მიღებულ გაკვეთილებს საუკეთესო კუთხით იყენებ. ყველამ ვიცით, რომ ერთ ადგილას მიღებულ გამოცდილებას პირდაპირ ვერ გადააკოპირებ სხვაგან და ამ გამოცდილებისგან მხოლოდ ნაწილი შეიძლება გამოგადგეს, რათა მოახდინო ცვლილება. ერთი ორგანიზაციის შიგნით მიღებული გამოცდილებები კი ყოველთვის გამოსადეგია და გეხმარება ცვლილებების მართვაში, რომელთა გარეშეც განვითარება წარმოუდგენელია.
HR hub: მოგვიყევით, თქვენს მიერ განხორციელებულ ყველაზე გამორჩეულ პროექტებზე ევროპაბეთში
გამიჭირდება უშუალოდ ჩემი განხორციელებული დავარქვა იმ წარმატებულ ნაბიჯებს, რომელიც ევროპაბეთმა ამ ათი წლის მანძილზე მოიპოვა. არა თავმდაბლობის გამო, არამედ, რეალურად ერთი ადამიანის მიერ ვერასოდეს ვერაფერი ვერ მიიღწევა და ყოველთვის გუნდი და ერთობლივად მუშაობაა საჭირო. ამიტომ უფრო სწორი იქნება ასე ვაფორმულირო, ამ ათი წლის განმავლობაში, ევროპაბეთის HR გუნდმა, კომპანიის მმართველ გუნდთან და უკლებლივ ყველა დასაქმებულთან ერთად შეძლო:
- ევროპაბეთი გამხდარიყო ერთ-ერთი გამორჩეული და მიმზიდველი დამსაქმებელი ლოკალურ ბაზარზე, რომლის შედეგადაც წელს ვართ Top Employer-ის სტატუსის მფლობელი, მსოფლიო ტექ ინდუსტრიის ჭრილში;
- შეცვალა სტერეოტიპული წარმოდგენა ინდუსტრიაზე და აჩვენა იგი სხვა კუთხით დასაქმების მაძიებლებლებს;
- შეცვალა კომპანიების წარმოდგენა დამსაქმებლის ბრენდირებაზე და განავითარა ეს მიმართულება მეტად ტალანტების და პიროვნებების ჭრილში ვიდრე ბიზნესისა და ორგანიზაციის;
- აქცია ცვლილება განვითარების ხელსაწყოდ და იქცა მაგალითად იმის, რომ ზრდა და განვითარება შესაძლებელია ყველანაირ გარემოებაში.
- პირადად ჩემი მიღწევა საკუთარი თავის განვითარება, პიროვნული და პროფესიული ზრდაა, რადგან ესეც შეგვიძლია ერთ-ერთ მნიშვნელოვან პროექტად დავასახელოთ.
HR hub: უნარები, რომლებიც ძალიან დაგეხმარათ HR სფეროში წარმატების მისაღწევად
მოქნილობა და დაუსრულებელი სურვილი განვითარების, ჩემი აზრით არის ყველა პროფესიაში წარმატების ყველაზე მთავარი გასაღები. სიხისტე და ცვლილებების მიუღებლობა, ჩემი აზრით ძალიან დაკავშირებულია შიშებთან, პირველ რიგში მარცხის შიშთან. ამიტო, თუ ხარ მოქნილი, აუცილებლად ხარ გაბედულიც. ბოლო ათწლეულებში, სამყაროს რითმმა და განვითარებულმა მოვლენებმა გვაჩვენა, რომ სტატიკური მდგომარეობა არ არსებობს, გადაწყვეტილებები მოქმედებს მხოლოდ მოკლე ვადიანად და ცვლილება აუცილებლად დადგება იმის მიუხედავად გვინდა ეს თუ არა და ვართ ამისთვის მზად თუ არა. ამიტომ, ვემუშავოთ საკუთარ თავს ცვლილებების მიმღებლობაზე და ცვლილებებში ზრდის პოტენციალის დანახვაზე არის ის, რითაც უნდა დავიწყოთ.
სპეციფიურად ტალანტებთან დაკავშირებული საკითხების მართვის სფეროში მომუშავე სპეციალისტებისთვის, ვფიქრობ გახსნილობა არის ყველაზე მნიშვნელოვანი უნარი, რომლის გარეშეც ეფექტური კომუნიკაცია უბრალოდ არ არსებობს.
და ბოლოს, ლიდერისთვის ვიტყოდი საკუთარი ეგოს მართვის უნარს, მუდმივ თვითდაკვირვებას და ანალიზს, რომელიც გეხმარება იმაში, რომ ლიდერობა ემსახუროს მიზანს და არა მიზანი ლიდერობას.
HR hub: რა გეგმები გაქვთ სამომავლოდ?
სწავლა და მეტი განვითარება, რაც მეტად იზრდება და ვითარდება კომპანია, ადგილობრივი ბაზარი, ჩემი გუნდი, ჩემი კოლეგები ლოკალური თუ გლობალური, მით მეტია გამოწვევა ჩემთვის, ვიყო პროფესიულ “ფორმაში” და არ ვწყვეტდე განვითარებას. უახლოესი 2 წლის მიზნად მაქვს CIPD საკვალიფიკაციო გამოცდის ჩაბარება და მერე ვინ იცის, დრო და მომავალი გვაჩვენებს.
უშუალოდ კომპანიის და გუნდის ნაწილში, ცხადია წელსაც და ყოველვის, მთავარ მიზნად რჩება შევინარჩუნოთ და კიდევ მეტად გავაძლიეროთ კორპორატიული კულტურა, გავხდეთ კიდევ მეტად ეფექტურები, რადგან ყოველთვის არსებობს სივრცე „from good to great and from great to excellent!”
HR hub პროექტს “100 დამსაქმებლის ბრენდი, რომელსაც უნდა იცნობდე” იწყებს
ჩვენი პროექტის „100 დამსაქმებლის ბრენდი, რომელსაც უნდა იცნობდე“ მიზანია საზოგადოებას, კანდიდატებს გავაცნოთ კომპანიების როგორც დამსაქმებლების კონკურენტული უპირატესობები, ფასეულობები, კულტურა, პროფესიული განვითარების შესაძლებლობები და სამუშაო გარემო. Continue reading “HR hub პროექტს “100 დამსაქმებლის ბრენდი, რომელსაც უნდა იცნობდე” იწყებს”