ღონისძიებები

HR hub-ის ორგანიზებით, 18 ნოემბერს, 16:00სთ-დან სასტუმრო Pullman Tbilisi Axis Towers – ში,  ყოველწლიური “HR კორპორატიული მარკეტი” გაიმართება.

თუ თქვენს კომპანიას HR მენეჯერებისთვის საინტერესო კორპორატიული შეთავაზებები აქვს, მაშინ ეს ღონისძიება არ უნდა გამოტოვოთ.

როგორ დავარეგისტრიროთ კომპანია გამოფენაში მონაწილეობის მისაღებად?

დაარეგისტრირეთ კომპანია ამ ბმულზე 5 ნოემბრამდე და დაგიკავშირდებით: forms.gle 

გამოფენაში კომპანიის მონაწილეობის ღირებულებაა 745 ლარი + დღგ

როგორ დავრეგისტრირდეთ, როგორც ვიზიტორი? 

ამისთვის გადადით მითითებულ ბმულზე: hrhub.ge/hr-teams

მიზანი და ფორმატი

ღონისძიება გამოფენის ფორმატში ჩატარდება და მისი მიზანია HR სერვის პროვაიდერებისთვის გაყიდვების ხელშეწყობა და  HR მენეჯერებისთვის კი წლის განმავლობაში და საახალწლოდ საუკეთესო HR სერვისების (ნებისმიერი სერვისი თუ პროდუქტი, რომლის შესყიდვასაც კორპორატიულად აწარმოებენ) შესახებ შეთავაზებებზე ინფორმაციის მიწოდება.

ერთ სივრცეში სხვადასხვა კომპანიას შესაძლებლობა ექნება ექსპოს/გამოფენის ფორმატში წარმოადგინოს სასურველი პროდუქტი, სერვისი.

წინა საახალწლოდ HR პროფესიონალები ყოველთვის ეძებენ სივრცეებს კორპორატიული ღონისძიებისთვის, ივენთ კომპანიებს, საჩუქრებს და ა.შ. ჩვენ გაგიმარტივებთ კომუნიკაციას. ღონისძიებას დაესწრება სხვადასხვა კომპანიის 100-მდე HR მენეჯერი. სწორედ ისინი იღებენ გადაწყვეტილებას, რომელ კორპორატიულ შეთავაზებაზე გააკეთონ არჩევანი.

თქვენი მთავარი საზრუნავი იქნება, საუკეთესოდ წარმოადგინოთ თქვენი პროდუქტი/სერვისი და აწარმოოთ მოლაპარაკებები, გამართოთ ბიზნეს შეხვედრები და ამ გზით გაზარდოთ გაყიდვები.

რატომ უნდა მიიღოთ მონაწილეობა კორპორატიულ მარკეტში:

• გაყიდვების ხელშეწყობა;
• წარმოადგინოთ თქვენი პროდუქტი, სერვისი, სპეციალური შეთავაზებები, რომელიც გსურთ, რომ HR პროფესიონალებს შესთავაზოთ;
• წინასწარ გვწერთ სასურველი კომპანიების ჩამონათვალს, რომლებთან შეხვედრაც გსურთ;
• გქონდეთ პირდაპირი კომუნიკაცია და B2B შეხვედრებუ სხვადასხვა კომპანიის HR მენეჯერთან.

გარდა გამოფენისა, HR მენეჯრებისთვის და დირექტორებისთვის გაიმართება ღონისძიება და სხვადასხვა საინტრესო თემით მთავარ სცენაზე სპიკერები გამოვლენ.

ვის შეუძლია მონაწილეობის მიღება?

მონაწილეობა შეუძლია ყველა ორგანიზაციას, რომელსაც აქვს კორპორატიული შეთავაზება.

ვინ მოვა:

ღონისძიებას დაესწრებიან კორპორატიულ შესყიდვებზე პასუხისმგებელი პირები 100-მდე ორგანიზაციის წარმომადგენელი:

• HR დირექტორები/HR მენეჯერები
• კომპანიების დამფუძნებლები და დირექტორები
• C-Suite – TOP მენეჯერები.

საორგანიზაციო დეტალები:

• გექნებათ თქვენი სივრცე სტენდის მოსაწყობად: 4 კვ.მ
• ადგილზე დაგხვდებათ 1 მაგიდა და 4 სკამი გაცნობისა და B2B მოლაპარაკებებისთვის.

როგორ მოვაწყოთ ჩვენი კომპანიის კუთხე:

შეგიძლიათ მაქსიმალურად შემოქმედებითად, საინტერესო დიზიანით წარმოადგინოთ კომპანია და თქვენი შეთავაზებები.

ღონისძიების მხარდამჭერები არიან: Grant Thornton Georgia, სასტუმრო ეპიზოდი, Geosoft და საერთო სამუშაო სივრცე NETWORK.

HR hub-ის ორგანიზებით, 25 ნოემბერს თბილისში, ჰოლიდეი ინნში (26 მაისის ოედანი N1) დასაქმების მასშტაბური ფესტივალი გაიმართება, სადაც წარმოდგენილი იქნება დამსაქმებლის ბრენდები და აქტიური ვაკანსიები.

დასაქმების ფესტივალში მონაწილეობა შეუძლია ყველა დაინტერესებულ ორგანიზაციას. Continue reading “დასაქმების ფესტივალში მონაწილეობის მისაღებად კომპანიების რეგისტრაცია დაიწყო” →

HR hub-ის ორგანიზებით, 20 აგვისტოს, 17:00 სთ-ზე ,,თამაშობანაში“ “HR შატალო”  ჩატარდება.

HR hub და “თამაშობანა” დამეგობრდნენ და თქვენთვის დაუვიწყარი, სახალისო ღონისძიება დავგეგმეთ, რაც ბავშვობაშიც დაგვაბრუნებს და თან საქმიან თემებზეც ვისაუბრებთ.

განრიგი:

• 17:00-17:05 ღონისძიების გახსნა
• 17:05-17:10 ნინი ჩიქოვანი – თამაშობანას დამფუძნებელი
• 17:10 – 17:40 თამარ კელენჯერიძე –  თემა: გეიმიფიკაციის გავლენა მოტივაციაზე და როგორ შევამციროთ გადინება თამაშის ელემენტების გამოყენებით.
• 17:40- 18:10 ხათუნა მდინარაძე – თემა: „ნეირო-რესტარტი: როცა ტვინი ისვენებს, გუნდი ძლიერდება“ – შვებულება/დასვენება როგორც მენეჯმენტის სტრატეგიულ ნაწილი.
• 18:10- 19:30 კულინარიული ვორქშოპი.

მისამართი:

Continue reading “20 აგვისტოს HR მენეჯრები “HR შატალოზე” მიდიან!” →

HR hub–ის ორგანიზებით, 21 მაისს, ექსპო ჯორჯიაში (ა.წერეთელი 118  მე-3 პავილიონი ), 17:00-19:30 სთ-ზე “EXPO JOB – დასაქმების ფესტივალი და დამსაქმებლის ბრენდების გამოფენა” გაიმართება, სადაც წარმოდგენილი იქნება კომპანიები აქტიური ვაკანსიებით. Continue reading “მოდით და იპოვეთ ახალი სამსახური – 21 მაისს 17:00 ექსპო ჯორჯიაში “დასაქმების ფესტივალი” ტარდება” →

HR hub–ისა და რეგიონში პირველი აუთლეტ ვილიჯის ორგანიზებით, 5  სექტემბერს, 15:00 საათიდან – 20:00 საათამდე, Fashion Job Fest ჩატარდება. თბილისი აუთლეტ ვილიჯის ტერიტორიაზე წარმოდგენილი იქნება მოდის ინდუსტრიის წამყვანი ბრენდები აქტიური ვაკანსიებით.

ფესტივალზე  შესაძლებლობა გექნებათ შეხვდეთ და გაესაუბროთ კომპანიების HR მენეჯერებს და გახდეთ მათი გუნდის წევრები.

დასასწრებად დარეგისტრირდით ბმულზე: forms.ge

მსოფლიოს წამყვანი ბრენდების წარმომადგენლები ისაუბრებენ თუ რა შეთავაზებები და ვაკანსიები აქვთ, რა არის მათი კომპანიის, როგორც დამსაქმებლის კონკურენტული უპირატესობა, როგორ სამუშაო გარემოსა და კარიერული განვითარების შესაძლებლობებს სთავაზობენ დასაქმების მსურველებს. კანდიდატები კი მათთვის საინტერესო შეკითხვებს დაუსვამენ დამსაქმებლებს.

ღონისძიებაზე დასწრება თავისუფალია და შეუძლია ყველა დაინტერესებულ ადამიანს.

რა ვაკანსიები დაგხვდებათ:

მაღაზიის მენეჯერი, ვიზუალური მერჩენდაიზერი, გაყიდვების კონსულტანტი, მოლარე ოპერატორი, Shuttle Attendant,  Information Desk Receptionist, მაღაზიის დიასახლისი, ბარისტა, მზარეული და სხვა.

რატომ უნდა მოხვიდეთ ფესტივალზე?

• გაიცნოთ პრემიუმ ბრენდები და მათი სამუშაო პირობები;
• გაესაუბროთ დამსაქმებლებს;
• დასვათ თქვენთვის საინტერესო კითხვები;
• დასაქმდეთ მოდის ინდუსტრიაში.

სად და როდის უნდა მოხვიდეთ?

ფესტივალი იწყება 15:00სთ-ზე.

• თუ თქვენით მოხვალთ იხილეთ ლოკაცია: maps.app.goo.gl/in8UQYJEj78hRdATA
• თუ გსურთ ჩვენი ტრანსპორტით სარგებლობა? ავტობუსი გავა სამგორის მეტროდან და რუსთავიდან აუთლეტ ვილიჯის მიმართულებით სხვადასხვა დროს. თქვენთვის სასურველი დროის მითითებას კი რეგისტრაციისას შეძლებთ.

26 სექტემბრიდან, თბილისი აუთლეტ ვილიჯი გახდება ადგილი, სადაც პრემიუმ ბრენდები, განსაკუთრებული ფასდაკლებები და ახალი შოპინგ კულტურა ერთმანეთს შეერწყმება. ესტუმრეთ დასაქმების ფეტსივალს და გამოიყენეთ შესაძლებლობა, გახდეთ ამ დიდი პროექტის ნაწილი.

რა არის Tbilisi Outlet Village?

თბილისი აუთლეტ ვილიჯი შოპინგის ახალი განზომილებაა, რომელიც თბილისის ცენტრიდან 30 წუთის სავალზე  მდებარეობს. მასშტაბური პროექტი წარმოადგენს პირველ აუთლეტს რეგიონში – სტილის, კულტურისა და ქართული სტუმარ-მასპინძლობის საოცარი ნაზავით.

აუთლეტ ვილიჯის მისიაა შოპინგის გამოცდილების ტრანსფორმაცია და ახალი ცხოვრების წესის დამკვიდრება ქალაქში, ქვეყანასა და რეგიონში.

თბილისი აუთლეტ ვილიჯის განსაკუთრებული დიზაინი თანამედროვე არქიტექტურულ ტენდენციებთან ერთად, ძველი თბილისის დეტალებით არის გამდიდრებული.

შემოგვიერთდით Fashion Job Fest – ზე და დასაქმდით მოდის ინდუსტრიაში!