შემოგვიერთდით

“მხარს ვუჭერთ ბიზნესს ადამიანური კაპიტალის მოზიდვისა და ინსტიტუციური გაძლიერების კუთხით.” – მარიამ იობიძე

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. რა დაგხვდებათ სამიტზე? გამორჩეული სპიკერები ინსპირაციული ქეისებით, მასტერკლასები, ვორქშოპები, ნეთვორქინგი “HR კაფეში” და ბევრი სიურპრიზი.

წელს ღონისძიებაზე მონაწილეობას იღებს ESCape. ჩვენ მარიამ იობიძეს ვესაუბრეთ და გთავაზობთ მასთან ინტერვიუს.

HR hub: ESCape HR ბიზნეს სამიტი 2022 – ის მხარდამჭერია, რატომ გადაწყვიტეთ წლის მთავარი HR ღონისძიების მხარდაჭერა?

პირველ რიგში, უნდა აღვნიშნო რომ ჩვენთვის სასიხარულოა ასეთი საინტერესო და თავისი შინაარსით მრავალფეროვანი ღონისძიების მხარდაჭერა. გვჯერა რომ ეს ჩვენთვის სასიამოვნოსთან ერთად სასარგებლო გამოცდილება იქნება. ჩვენი მოტივაცია, ვყოფილიყავით სამიტის მხარდამჭერები განაპირობა რამდენიმე ფაქტორმა. მათ შორის, უმთავრესი იყო სამიტის და მისი ორგანიზატორის – HR hub – ის წარმატებული და საქმიანი იმიჯი ქართულ ბიზნეს-სივრცეში. სამიტი აერთიანებს  ქართულ ბაზარზე ოპერირებად აქტიურ ბიზნესებსა და დამსაქმებლებს. შესაბამისად,  ეს პლატფორმა, პროექტისთვის  კარგი შესაძლებლობაა გაავრცელოს ინფორმაცია სამიზნე აუდიტორიაში იმ სერვისების შესახებ, რომელსაც სთავაზობს პოტენციურ დამსაქმებლებსა და ბიზნეს-პარტნიორებს.

HR hub: მოგვიყევით პროექტის შესახებ

„ESCape – დასაქმება, ხელშეწყობა, კონსულტირება შრომის ბაზრის საჭიროებების დასაკმაყოფილებლად“ არის ევროკავშირის ერთ-ერთი მსხვილი პროგრამის – “უნარები დასაქმებისთვის” ქოლგის ქვეშ დაფინანსებული პროექტი, რომელიც ხორციელდება კონსორციუმის მიერ. კონსორციუმში წამყვანი ორგანიზაცია არის ფრიდრიხ ებერტის ფონდი და მთავარი პარტნიორია დასაქმების ხელშეწყობის სახელმწიფო სააგენტო. პროექტის მთავარი მიზანია დასაქმებისა და შრომისუნარიანობის ხელშეწყობა საქართველოში. აღნიშული მიზნის მისაღწევად, პროექტი ითვალისწინებს, ქვეყანაში არსებული დასაქმების ხელშეწყობის სერვისების ხარისხის გაუმჯობესებასა და შესაბამისი სტრუქტურების ინსტიტუციური შესაძლებლობების განვითარებას, საერთაშორისო გამოცდილებისა და საუკეთესო პრაქტიკის გაზიარების გზით. პროექტის ფარგლებში დავნერგეთ ინდივიდზე ორიენტირებული კონსულტირება-ქოუჩინგის და მენტორობის სრულიად ახალი მოდელი, რომელიც ხელს უწყობს სამუშაოს მაძიებლების შესაბამისი კომპეტენციების,  უნარ-ჩვევების განვითარებას და მათთვის რეალური დასაქმების პერსპექტივების  გაჩენას. პროექტი სთავაზობს ბიზნესს მხარდაჭერას და დახმარებას გაუმკლავდეს ქართულ შრომის ბაზარზე არსებულ გამოწვევებს, როგორიც არის, მაგალითად, შეუსაბამობა დამსაქმებლის საჭიროებებსა და სამუშაოს მაძიებლის შესაძლებლობებს და კომპეტენციებს შორის ან სამუშაო ძალის ხშირი გადინება.

ამ მიზნის მისაღწევად პროექტის მთავარ ინსტრუმენტს „დასაქმების ხელშეწყობის ცენტრები“ წარმოადგენს. დასაქმების ხელშეწყობის სამი ცენტრი ფუნქციონირებს თბილისსა და ქუთაისში. ცენტრებში, მაღალკვალიფიციური კონსულტანტები ახდენენ  შრომის ბაზარზე არსებული დასაქმების შესაძლებლობების ანალიზს, ბიზნესის საჭიროებების კვლევას და დამსაქმებლისა და სამუშაოს მაძიებლის ინტერესების თანხვედრას.

ამასთან, პროექტი აქტიურად თანამშრომლობს ბიზნესთან ინკლუზიური ბიზნეს-გარემოს გასავითარებლად, რომ ის გახდეს მეტად მოქნილი, ინდივიდუალურ საჭიროებებზე მორგებული და შესთავაზოს თანაბარი პირობები და გარემო სამუშაოს მაძიებელს. ამ მიზნით, ჩვენი პარტნიორი ორგანიზაციების წარმომადგენლებს ვთავაზობთ გადამზადებას ინკლუზიურობის გაძლიერების მიმართულებით.

HR hub: როგორ იქნებით წარმოდგენილი სამიტზე და ბიზნეს სექტორთან სამომავლო თანამშრომლობისთვის რა შეთავაზება გექნებათ ღონისძიების მონაწილეებისთვის?

ჩვენი სამიტში მონაწილეობით გვსურს გავაკეთოთ განახცადი, რომ ვართ ღია ბიზნეს-სექტორთან ინტენსიური და მჭიდრო თანამშრომლობისთვის, მზად ვართ გავუწიოთ მათ მხარდაჭერა და შევთავაზოთ მაქსიმალურად მათ ინტერესებზე და შესაძლებლობებზე მორგებული სერვისები შესაბამისი ადამიანური რესურსის მოზიდვის და ინსტიტუციური გაძლიერების კუთხით. ჩვენი სერვისი მოიაზრებს დამსაქმებლის მოლოდინების, მოთხოვნებისა და შესაძლებლობების დეტალურ შესწავლას და ანალიზს. ამის გათვალისწინებით,  ვთავაზობთ მას ინდივიდუალურ საჭიროებებზე მორგებულ მომსახურებას.

აქვე, მნიშვნელოვანია აღვნიშნო რომ სერვისი სრულად არაკომერციულია!

სამიტის მონაწილე ბიზნესის წარმომადგენლები უფრო დეტალურად გაეცნობიან პროექტს და მის სერვისებს, პირადად შეხვდებიან პროექტის კონსულტანტებს და განიხილავენ უშუალოდ მათთვის საჭირო და სასარგებლო სერვისების მიღების შესაძლებლობას.

HR hub: როგორია პროექტის სამომავლო გეგმები?

გვსურს, რაც შეიძლება მეტი ჩვენი მოქალაქე დავასაქმოთ და ბიზნესთან პარტნიორობით, შევქმნათ კერძო-საჯარო თანამშრომლობის ისეთი ეფექტური და წარმატებული მოდელი, რომელიც პროექტის დასრულების შემდეგაც განაგრძობს არსებობას.

აღნიშნულის გარდა, გვსურს, უზრუნველვყოთ პროექტის შედეგების მდგრადობა დასაქმების ან მომიჯნავე სფეროში მომუშავე ადგილობრივი არასამთავრობო ორგანიზაციების გაძლიერებით. ამისთვის, მათ გავუზიარებთ ჩვენ მიერ დაგროვილ ცოდნასა და გამოცდილებას.

დარწმუნებული ვარ რომ ამ სამიტში მონაწილეობა დასახული გეგმის შესრულებისკენ წინ გადადგმული მნიშვნელოვანი ნაბიჯია.

 

“ენთები” HR ბიზნეს სამიტი 2022 – ის HR Expo – ში იღებენ მონაწილეობას

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. რა დაგხვდებათ სამიტზე? გამორჩეული სპიკერები ინსპირაციული ქეისებით, მასტერკლასები, ვორქშოპები, ნეთვორქინგი “HR კაფეში” და ბევრი სიურპრიზი.

ასევე, მოეწყობა HR EXPO – HR მენეჯერებისთვის საინტერესო პროდუქტების/სერვისების გამფენა, სადაც ენთები სასიამოვნო და საინტერესო გარემოს დაგახვედრებენ.

დეტალებზე ნინო დავითაშვილს – ენთების თანამშრომელთა და მომხმარებელთა გამოცდილების მიმართულების ხელმძღვანელს ვესაუბრეთ.

HR hub: ენთები HR ბიზნეს სამიტი 2022 – ის HR Expo – ში იღებთ მონაწილეობას, პირველ რიგში თქვენი კომპანიისა და სერვისების შესახებ რომ მოგვიყვეთ …

ენთები ბუღალტრული, საგადასახადო და ფინანსური სერვისების მიმწოდებელი კომპანიაა, 60-ზე მეტი თანამშრომლითა და 350-ზე მეტი პარტნიორი (მომხმარებელი) კომპანიით. კომპანია დაფუძნდა 2015 წლის ბოლოს და ამ დროიდან კომპანიის მთავარი მიზანია გახადოს პრემიუმ ხარისხის ბუღალტერია ხელმისაწვდომი, მცირე და საშუალო ბიზნესებისთვის. ვემსახურებით ისეთ ცნობილ ქართულ ბრენდებს, როგორებიცაა: „8000 მოსავალი“, „მადამ კოკო“, „საქართველოს რაგბის კავშირი“, „ჩიკორი“, „ქარდილი“, “Wyndham“-ი, „გიფერი“ და მრავალი სხვა.

HR hub: რატომ გადაწყვიტეთ წლის მთავარი HR ღონისძიებაში მონაწილეობა?

მომსახურების სფეროში მოღვაწე ნებისმიერი კომპანიისთვის კრიტიკულად მნიშვნელოვანია თანამშრომლების როლი. სწორედ თანამშრომელი ქმნის სერვისს და განსაზღვრავს მიწოდებული მომსახურების ხარისხს.  ამიტომ, ჩვენი მიზანია რომ მოვიძიოთ, პროფესიულად განვავითაროთ და  შევინარჩუნოთ მოტივირებული თანამშრომლები, რომლებიც თავის მხრივ უზრუნველყოფენ კლიენტი კომპანიების კმაყოფილების მაღალ ხარისხს. ამავე მიზნიდან გამომდინარე,  2022 წელს, კომპანიამ გააძლიერა HR დეპარტამენტი.

HR სამიტზე მონაწილეობაც სწორედ ამ მიზანთანაა თანხვედრაში, რომ კიდევ უფრო მეტად აქტიური ვიყოთ ამ მიმართულებით, რათა გავხდეთ კიდევ უფრო მიმზიდველი დამსაქმებელი ქართულ ბაზარზე და დავასაქმოთ განვითარებაზე ორიენტირებული მოტივირებული ადამიანები. ამისათვის, მნიშვნელოვანია, რომ ჩვენი თავი გავაცნოთ ღონისძიებაზე წარმოდგენილ სტუმრებსაც.

ამავდროულად ჩვენი მიზანია, სწრაფად მზარდ კომპანიაში შევინარჩუნოთ და კიდევ უფრო გავაძლიეროთ არსებული ნდობა, გუნდური სულისკვეთება, ვიზრუნოთ თანამშრომელთა განვითარებასა თუ ბრენდის რეპუტაციაზე. ამ კუთხითაც, ეს ღონისძიება ჩვენი გუნდისთვის უკეთესი გარემოს შექმნაზე ორიენტირებული ახალი იდეების, სიახლეების გაცნობისა და საინტერესო პარტნიორების მოძიების წყაროა.

ჩვენ გვექნება ჩვენი სტენდი, სადაც დაინტერესებულ პირებს მივაწვდით ინფორმაციას ჩვენი კომპანიის შესახებ და თავისუფალ დროს გვექნება სახალისო ტურნირი, სადაც მონაწილეებისთვის შესაძლებელი იქნება საჩუქრების მოგება.

HR hub:როგორ იქნებით წარმოდგენილი სამიტზე და რა შეთავაზება გექნებათ ღონისძიების მონაწილეებისთვის?

ორი სპეციალური შეთავაზება მოვამზადეთ ღონისძიების მონაწილეებისთვის.

კერძოდ კი:

  1. კომპანიების დამფუძნებლებისთვისა და დირექტორებისთვის, რომლებიც ამჟამად არ არიან ჩვენი მომხმარებლები, მაგრამ ეძებენ ბუღალტრული, საგადასახადო და სხვა ფინანსური სერვისების პროვაიდერს საკუთარი ბიზნესისთვის, ვთავაზობთ ჩვენს მომსახურებებზე 15%-იან ფასდაკლებას. ივლისის ბოლომდე, პრომო კოდით: “HR Business Summit 2022_Ants”, რომელსაც დაკონტაქტებისას მიაწვდით ჩვენს წარმომადგენელს, ავტომატურად მიიღებთ ყველა ჩვენ სერვისზე 15%-იან ფასდაკლებას, ჩვენს ელექტრონულ გვერდზე (ants.ge) მითითებულ ფასებთან შედარებით.
  2. ამავდროულად, გვინდა ხალისიანი განწყობა შევუქმნათ სამიტის სტუმრებს და მარტივი, დართსის თამაშის პრინციპით, მოვუყვეთ ჩვენს კომპანიაზე. ერთგვარი სპორტულ- ინტელექტუალური მარათონი იქნება, სადაც სტუმრებს ექნებათ შესაძლებლობა მონაწილეობა მიიღონ დართსის ტურნირში, უპასუხონ სახალისო შეკითხვებს და მოიგონ სიმბოლური და დასამახსოვრებელი საჩუქრები ჩვენი კომპანიისგან. ტურნირში გამარჯვებულს კი ჩვენგან საჩუქრად გადაეცემა, ბორჯომში, მაღალი კლასის სასტუმროში, პარტნიორთან ერთად 2 დღიანი ვიზიტი.

იმედს ვიქონიებთ, რომ საინტერესო და სახალისო თავგადასავალი იქნება ყველასთვის, ჩვენს სივრცეში სტუმრობა.

HR ბიზნეს სამიტზე დასასწრები ბილეთების შესაძენად გადადით ბმულზე: ბილეთები 

HR ბიზნეს სამიტის განრიგი ცნობილია

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. ღონისძიების  წარმდგენია  eteam

Continue reading “HR ბიზნეს სამიტის განრიგი ცნობილია”

HR ბიზნეს სამიტი 2022-ის ვორქშოფები და მასტერკლასები ცნობილია

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. ღონისძიების  წარმდგენია  eteam

Continue reading “HR ბიზნეს სამიტი 2022-ის ვორქშოფები და მასტერკლასები ცნობილია”

„HR პროცესებში მაღალტექნოლოგიური ინსტრუმენტების გამოყენება საქმიანობის ხარისხსა და შედეგს ზრდის“ – HR ბიზნეს სამიტის უცვლელი მხარდამჭერი Signify

უკვე მეორე წელია რაც კომპანია Signify HR ბიზნეს სამიტის უცვლელი მხარდამჭერია. ელექტრონული ხელმოწერების ყველაზე მარტივი და საიმედო პლატფორმა წლებია, HR მენეჯერებს საქმიანობას მნიშვნელოვნად უმარტივებს. Continue reading “„HR პროცესებში მაღალტექნოლოგიური ინსტრუმენტების გამოყენება საქმიანობის ხარისხსა და შედეგს ზრდის“ – HR ბიზნეს სამიტის უცვლელი მხარდამჭერი Signify”

“HR ბიზნეს სამიტი – HR მენეჯერებს საშუალებას გვაძლევს გავიზიაროთ გამოცდილება და მივიღოთ ინსპირაცია” – თამარ ქლიბაძე

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. ღონისძიების  წარმდგენია  e team Continue reading ““HR ბიზნეს სამიტი – HR მენეჯერებს საშუალებას გვაძლევს გავიზიაროთ გამოცდილება და მივიღოთ ინსპირაცია” – თამარ ქლიბაძე”

7 ივლისს შატო მუხრანში საიუბილეო HR ბიზნეს სამიტი ჩატარდება

HR hub-ის ორგანიზებით 7 ივლისს, შატო მუხრანში, წლის მთავარი HR მოვლენა HR ბიზნეს სამიტი 2022 გაიმართება. ღონისძიების  წარმდგენია  eteam Continue reading “7 ივლისს შატო მუხრანში საიუბილეო HR ბიზნეს სამიტი ჩატარდება”

HR ბიზნეს სამიტი 2021 შედგა – როგორია შეფასებები?!

HR ბიზნეს სამიტი 2021 შედგა! ღონისძიება “წინანდლის მამულში”  ჩატარდა.

სამიტი 2018 წლიდან ყოველწლიურად იმართება და პანდემიის მიუხედავად წელსაც სრული ანშლაგი იყო, რისთვისაც ღონისძიების დელეგატებს, მხარდამჭერებს და ყველა ადამიანს ვინც ამ დღეს ქმნის უდიდესი მადლობა ეკუთვნის.

ღონისძიება მხარდამჭერებმა და დელეგატებმა შეაფასეს. გამომსვლელებმა კი მათი სპიკერობის გამოცდილების ემოციაზე მოგვიყვნენ.

Signify – ის დირექტორი ზვიად წოწკოლაური ღონისძებას დადებითად აფასებს: “მოხარულები ვართ, რომ Signify წელს HR ბიზნეს სამიტის ერთ-ერთი მთავარი პარტნიორია. სამიტის ფარგლებში საშუალება მოგვეცა 300-მდე HR მენეჯერისთვის პირადად გაგვეცნო და გვეჩვენებინა ჩვენი პროდუქტი – ელექტრონული ხელმოწერების პირველი პლატფორმა საქართველოში. ვფიქრობ, საკმაოდ საინტერესო ღონისძიება გამოვიდა. ყოველთვის მზად ვართ მხარი დავუჭიროთ მსგავსი ტიპის ღონისძიებებს.”

“თიბისი დაზღვევა  წლის მთავარი HR ღონისძიების პარტნიორი გახლდათ. დიდი ხანია თვალს ვადევნებთ ამ ღონისძიებებს და ვხედავთ, როგორ იზრდება მასშტაბები, სპიკერების პროფესიული მრავალფეროვნება და თემების არეალი. სწორედ ამიტომ დიდი სიამოვნებით გამოვხატეთ მზაობა, რომ წელს ჩვენც გავმხდარიყავით ამ ყველაფრის ნაწილი და პარტნიორი.

საქართველოში, სამწუხაროდ, არ ვართ განებივრებული ასეთი მასშტაბური ღონისძიებებით, სადაც გარდა იმისა, რომ საინტერესო სპიკერებს მოვუსმენთ,  შეგვიძლია გამოცდილება გავუზიაროთ  კოლეგებს და პარტნიორებს. ვფიქრობ, მათთვის, ვისთვისაც მნიშვნელოვანია მუდმივად საქმის კურსში იყოს იმის თაობაზე, რა ხდება HR სფეროში, და არა მარტო ამ სფეროში, ნამდვილად ღირს ყოველწლიურად ამ ღონისძიებებზე დასწრება და კოლეგების აზრების და სიახლეების მოსმენა.

წარმატებებს ვუსურვებთ HR hub-ს და მის გუნდს. იმედი გვაქვს მომავალში კიდევ უფრო მასშტაბური, საინტერესო და მრავალფეროვანი გახდება თითოეული ღონისძიება, რაც საბოლოო ჯამში ძალიან გამოადგება HR საზოგადოებას და მთლიანად საქმიან სფეროს.” – აღნიშნა TBC დაზღვევის დირექტორმა ნინო გაჩეჩილაძემ.

დელეგატების ნაწილმა, ღონისძიების ორგანიზაციული მხარე დადებითად შეაფასა, თუმცა მინუსებზეც ისაუბრა.

“მიუხედავად მცირე ხარვეზისა, ძალიან კარგი იყო, ამასთან წლიდან წლამდე საგრძნობია თქვენი და თქვენი ღონისძიების პროგრესი, საქმე რომელსაც აკეთებთ დიდებულია და მნიშვნელოვანი წვლილი შეაქვს ქვეყანაში სწორი ორგანიზაციული კულტურის განვითარებაში.” – ნინო ეფხოშვილი.

“ტრადიცია გრძელდება, რომელიც მნიშვნელივან როლს თამაშობს ამ სფეროს განვითარებაში. ამ პანდემიის ჟამს ამდენი ნაცნობი და ახლიბელი ადამიანის ნახვა იყო ერთი სიამოვნება, ამიტომ ვფიქრობ რომ 31 მაისი შედგა.” – ნინო ფეიქრიშვილი, Self.Ge – ის დამფუძნებელი.

“ეს დღე ნამდვილად გვჭირდება. მით უმეტეს წელს – მთელი წელი ჩაკეტილი ცხოვრების მერე ამდენი ადამიანი შევხვდით სასიამოვნო გარემოში და პროფესიული სიახლეები გავაზიარეთ. მადლობა თქვენ. მე ვისიამოვნე.” – დეა ჩხაიძე.

“მეორე წელია რაც შემოგიერთდით და ერთი სიამოვნებაა ეს დღე ჩემთვის. გარდა ამისა, ძალიან საჭიროა კარიერული განვითარებისთვის.” – ია კაპანაძე.

“ყოველ წელს კიდევ უფრო მასშტაბური და განსხვავებული ფორმატით ცდილობთ სიახლეების, გამოცდილების გაზიარებას და მთელი HR ქომუნითის გაერთიანებას. მიუხედავად მცირე ლაფუსისა, ძალიან კარგი იყო” – ქეთი ორმოცაძე.

“ეს დღე ნამდვილად გვჭირდებოდა ყველას. მადლობა თქვენ იმისათვის რომ მოგვეცით შესაძლებლობა რომ შევხვედროდით ერთმანეთს და უამრავი საინტერესო აქტივობის მონაწილე ვყოფილიყავით თუ ძალიან საინტერესო და კარგი სფიჩებისთვის მოგვესმინა. ჩემთვის სამიტზე სპიკერობის გამოცდილება განსაკუთრებულია.” – სალომე კვახაძე.

მაღალი ჩართულობით წარიმართა ვორქშოპებიც.

პალიტრა მედია ჰოლდინგის შიდა კომუნიკაციების მენეჯერი, მარიამ ზუმბაძე: “კომპანიამ HR ბიზნეს სამიტის მონაწილეებს წელსაც ბევრი სიურპიზს გაუკეთა. პალიტრის დასასვენებელ სივრცეში დელეგატებმა დაისვენეს, გაეცნენ და წაიკითხეს ბიზნეს ლიტერატურა, მიიღეს გათამაშებაში მონაწილეობა და გადაიღეს უამრავი სამახსოვრო ფოტო. Networking ოთახში კი მონაწილეებმა მეგობრულ გარემოში გაიცნეს ერთმანეთი, შეაჯერეს გამოცდილება და მოსაზრებები, აღმოაჩინეს ახალი შესაძლებლობები და დაიმუხტნენ დადებითი ემოციებით. იყო გათამაშებები და საჩუქრები პალიტრასგან”.

“2021  წლის HR ბიზნეს სამიტზე კომპანია „ნიკორა ტრეიდი“ განსხვავებული ფორმატით წარსდგა და  HR პროფესიონალებს „ნიკორა არტ-სივრცეში“ უმასპინძლა, სადაც მათ  არამარტო   განტვირთვის შესაძლებლობა მიეცათ, არამედ სტუმრებს შესაძლებლობა მიეცათ მიეღოთ თერაპიული შედეგი – აღედგინათ ენერგია და შინაგანი ბალანსი. სამიტის ფარგლებში, ჩვენი მიზანი  გახდა ჩვენ კოლეგებსა და HR სფეროში დასაქმებულთათვის  ფსიქო-ემოციური მხარდაჭერა. გადავწყვიტეთ, შეგვეთავაზებინა მათთვის განსხვავებული პროგრამა. სწორედ ამიტომ, შეიქმნა „ნიკორა არტ-სივრცე“, პროგრამით ,,არტ-თერაპია პროფესიონალებისათვის“, ამისათვის გამოყენებული იქნა მანდალა-თერაპია და  მანდალები, როგორც დაკავშირებულობისა (ნეთვორქინგის) და ერთიანობის სიმბოლო.

მონაწილეთა უკუკავშირის საფუძველზე თამამად შეიძლება ვთქვათ, რომ „ნიკორა ტრეიდის“ არტ-სივრცემ, სამიტის ფარგლებში,  საკმაოდ დიდი დაინტერესება და მოწონება დაიმსახურა, რასაც ვორქშოფზე  მონაწილეთა დიდი რაოდენობაც მეტყველებს.

ნიკორა არტ-სივრცის” სტუმრებს კომპანიისაგან გადაეცათ სამახსოვრო საჩუქრები, ხოლო გათამაშების ფარგლებში განხორციელდა  ორი იღბლიანი დელეგატის გამოვლენა. გამარჯვებულებს კომპანის „ნიკორა ტრეიდის“ მხრიდან გადაეცა საჩუქრად: წინანდლის მამულში, უქმეების გასატარებლად, სასტუმროს ვაუჩერები.

მადლობას ვუხდით ორგანიზატორებს  HR ბიზნეს სამიტი 2021 – ის ორგანიზებისა და რა თქმა უნდა, მეგობრობისთვის.” – თათია ბაკაშვილიHR დეპარტამენტის ხელმძღვანელი.

“სამიტის მონაწილეებისაგან შემდგარი მიკრო-ჯგუფებში ქოუჩინგური მუშაობის შედეგად გამოვალინეთ როგორ უნდა გავზარდოთ საქმიანობის ეფექტიანობა და ვუპასუხოთ ახალ HR გამოწვევებს ახალი ქცევებით, უნარებითა და შესაძლებლობებით.” – ნინო ბერუაშვილიICF საქართველო .

აჭარაბეთი ვორქშოპზე სახელწოდებით  ,,როგორია შენი კორპორატიული ავატარი?“ დელეგატებს კომპანიის კულტურისა და ღირებულებების კვლევის მნიშვნელობასა და მის გუნდში გავრცელებაზე ვესაუბრეთ” – ანი გოცირიძე, HRდეპარტამენტის ხელმძღვანელი.

My Gallery – ნიკა ჯაფარიძის ხატვის მასტერკლასზე შეიქმნა ბევრი დასამახსოვრებელი და საინტერესო ნამუშევარი.

სპიკერების გამოსვლების ნახვა ჩვენს Youtube არხზე შეგიძლიათ.

 HR ბიზნეს სამიტი Signify.ge – ის მხარდაჭერით და თიბისი დაზღვევის პარტნიორობით ჩატარდა.

ვერცხლის სპონსორები: Grant Thornton Georgia  King David KD4US  Rem•Bow Events პალიტრა მედია ჰოლდინგი  ნიკორა სუპერმარკეტი  BIA • ბია  Hotsale.ge.
ღონისძიების მხადამჭერია ასევე კვლევითი კომპანია ანოვა და ილიას სახელმწიფო უნივერსიტეტი.

მედია მხარდამჭერები: ბიზნესპარტნიორი   InterPressNews.ge bpn.ge • ბიზნესპრესნიუსი ambebi.ge • ამბები.ge palitravideo.ge რადიო პალიტრა რადიო იმედი

ჩვენ ერთად ვქმნით წლის მთვარა HR ღონისძიებას!

“HR ბიზნეს სამიტი” პარტნიორებთან ახალი ინფორმაციის გაცვლის შესაძლებლობაა – ქრისტინე ლორთქიფანიძე

კვლევითი კომპანია “ანოვა მომხმარებელს მის მოთხოვნებზე მორგებულ კვლევებს სთავაზობს და მარკეტინგული / ბიზნეს სტრატეგიის განვითარებაში ბაზრის ანალიზის, ბრენდის ცნობადობის, გაყიდვის არხების ანალიზის, პროდუქტის განვითარების, მომხმარებელთა კმაყოფილების, მარკეტინგული მაჩვენებლების და კიდევ სხვა კვლევების საშუალებით ეხმარება.

HR hub ანოვას დამფუძნებელს ქრისტინე ლორთქიფანიძეს მიმდინარე პროექტებსა და სამომავლო გეგმებზე ესაუბრა. წელს ,,ანოვა” HR ბიზნეს სამიტის  მხარდამჭერია.

HR hub: ქრისტინე, მოგვიყევით „ანოვას“ შესახებ და ასევე რა სიახლეები გაქვთ კომპანიაში?

ანოვა ახალგაზრდა, მოტივირებული ადამიანების გუნდია,  რომელიც იკვლევს და სწავლობს მომხმარებელს – მის ქცევას, საჭიროებებს, ინტერესებს. შესაბამისად, გუნდი მონაცემებზე დაფუძნებულ კონსულტაციებს უწევს ისეთ ბიზნესებს, რომელთა საქმიანობის მთავარი ფილოსოფია  სწორედ მომხმარებელზე ორიენტაცია და მათზე მორგებული პროდუქტებისა და სერვისების შექმნაა.

მეორე მხრივ, ანოვას გუნდი საზოგადოებრივ აზრს სწავლობს ჩვენი ქვეყნისთვის სხვადასხვა  მნიშვნელოვან და საინტერესო მოვლენასთან დაკავშირებით. ასევე, ვმუშაობთ ორგანიზაციეულ კვლევებზე, კერძოდ კი თანამშრომლების კმაყოფილების მიმართულებით.

HR hub: ორგანიზაციებისთვის თანამშრომლების კმაყოფილების კვლევა ნამდვილად გადამწყვეტად მნიშვნელოვანია, რას სთავაზობთ ამ კუთხით კომპანიებს?

პანდემიის პერიოდში ბევრი კომპანია დადგა ახალი გამოწვევების წინაშე თანამშრომლებთან მიმართებაში. ბოლო 1-1,5 წელია ჩვენ ვხედავთ რომ კომპანიებს ყოველდღიურ რეჟიმში უწევთ რესურსების დაგეგმვა და ცხადია ეს ადამიანურ კაპიტალსაც ეხება. ამასთან, არაერთი კვლევა ადასტურებს, რომ დისტანციური მუშაობის პირობებში გართულდა მართვა და შეიცვალა თანამშრომელთა განწყობები.

სწორედ ამიტომ გახდა თანამშრომლების აზრის მოსმენა კომპანიებისთვის მნიშვნელოვანი. ზოგადად, ორგანიზაციული კვლევები, მათ შორის კმაყოფილება და დამსაქმებლის მიმართ ლოიალობა, ღირებულ ინფორმაციას აძლევს გადაწვეტილების მიმღებ პირებს, რათა სწორად ესმოდეთ თანამშრომლების საჭიროებები და მართონ მოლოდინები.

ანოვას გუნდს რამდენიმე კომპანიასთან სხვადასხვა ინდუსტრიიდან გვითანაშრომლია სწორედ თანამშრომელთა კმაყოფილების კვლევის მიმართულებით და რასაც ვხედავთ ისაა, რომ მიღებული შედეგებით მენეჯმენტი გაცილებით უკეთ გეგმავს სტრატეგიებს და იღებს დროულ, საჭირო გადაწყვეტილებებს.

ანოვა დასაქმებულზე ორიენტირებულ კომპანიებს სთავაზობს მათი კმაყოფილებისა და ლოიალობის კვლევას, რაც დაეხმარება ადამიანური რესურსის სტრატეგიულ დაგეგმვაში, იქნება ეს სამოტივაციო პოლიტიკა, ტრენინგები და განვითარება,  თუ დამსაქმებლის ბრენდინგი.

HR hub: „ანოვა“ HR ბიზნეს სამიტის მხარდამჭერია, რატომ გადაწყვიტეთ აღნიშნული ღონისძიების პარტნიორი ყოფილიყავით და როგორ იქნება კომპანია სამიტზე წარმოდგენილი?

წლევანდელი სამიტის თემა HR გამოწვევები და ინოვაციებია, რომელიც ზუსტად პასუხობს დღევანდელ ბიზნესის საჭიროებებს. ქვეყანაში არსებული ეკონომიკური და პანდემიური კონტექსტის გათვალისწინებით, დღეს HR ყველაზე მეტად დგას გამოწვევების წინაშე – სტრესულ გარემო პირობებში შეინარჩუნოს თანამშრომელთა მაღალი მოტივაცია, გუნდურობა და პერფორმანსი.

როგორც წესი, ანოვა სიხარულით ხვდება მსგავსი ტიპის სამიტებს, რომელიც დარგის პოპულარიზაციას ეხება და რეალურად ქმნის სამსჯელო-სადისკუსიო სივრცეს სხვადასხვა ბიზნეს საკითხზე. სწორედ ამ მიზნით გადავწყვიტეთ სამიტის პარტნიორობა – საჯაროდ გამოვხატოთ ჩვენი მხარდაჭერა და სურვილი, არამარტო ეიჩარზე, არამედ ზოგადად, შევიკრიბოთ და ვილაპარაკოთ სხვა მიმართულებებზეც, რაც დაეხმარება ბიზნესს იყოს იმაზე უკეთესი, ვიდრე დღესაა.

2021 წლის HR ბიზნეს სამიტის მხარდაჭერა ჩვენთვის ნიშნავს არსებულ თუ პოტენციურ პარტნიორებთან ინფორმაციის გაცვლის ახალ შესაძლებლობებს. ხოლო სამიტზე რას წარმოვადგენთ, ეს ნაწილი დავტოვოთ სიურპრიზად.

HR hub: რა გეგმები გაქვთ სამომავლოდ?

კომპანია სწრაფად იზრდება და იმატებს გამოცდილება, რაც ძალიან სასიხარულოა. მომხმარებელზე ორიენტაცია ჩვენი პრიორიტეტია, შესაბამისად სამომავლო გეგმებიც მათ უკავშირდება –  შევქმნათ მათზე მორგებული და საჭირო თანამედროვე კვლევითი პროდუქტები, უფრო გავუმარტივოთ მონაცემთა შეგროვების პროცესი და კვლევებზე დაფუძნებული კონსალტინგი გახდეს ფართოდ ხელმისაწვდომი.

31 მაისს წინანდლის მამულში “HR ბიზნეს სამიტი” ჩატარდება

HR hub-ის ორგანიზებით, Signify.ge – ის მხარდაჭერით და თიბისი დაზღვევის პარტნიორობით, 31 მაისს 11:00 – 19:00, წინანდლის მამულში, ღია სივრცეში,  წლის მთავარი HR მოვლენა HR ბიზნეს სამიტი 2021 გაიმართება.  Continue reading “31 მაისს წინანდლის მამულში “HR ბიზნეს სამიტი” ჩატარდება”